|
مع الشاعر نواف ابوربعه
. . ابوفــرح
ياعذب الاحسـاس يانـواف= شاكيلـك الحـال والحـالـه شاكيلـك الخـد والاكتـاف= واهـداب وعيـون قتـالـه مااحسب عيونه تجيب اهداف = ولااحسب فـوادي بيصفالـه واثر النظر للسهر مجـداف= مبحر على امـواج محتالـه نواف ابوربعه
أبدي بسم منزل الأعـراف= اللي رسئ الارض وجباله وترحيب مني عدد ماطاف= وحيى الله الطيب وارجالـه القلـب ياسـيـدي شـفـاف= لاتجـرحـه نــاس مخـتـالـه واحذر من العين والاوصاف= ولاتطـاوع الزيـف واشكالـه والطرف مهما تعدا وشاف= له يوم يسئال عـن افعالـه في يوم كل البشر أنصـاف= والكـل فـي وضــع يرثـالـه |
مع الشاعر عبدالرحمن البيضاني ( ابوعاتق )
. . ابوفـــرح
اهلا هلابـك ابوعاتـق = يامدرسه في طروق الفن الخير والعـز متلاحـق = واجب علينا نسوق البن يوم الجفا للوفا سـارق = ماعذب الانس غير الجن بين الوهم والامل غارق = ياليت الاقدار لي تحـن عبدالرحمن البيضاني
عداد مـا يُعبـد الخالـق= ترحيب يا جيـد المعـدن نمشي على الطيب ونسابق= حسب العوايد واهل القـن اوصيك يالصاحب الصادق = لا تلتفت للوهـم والظـن ما يصفي الوقت للعاشـق = لو في قصور الترف يسكن |
مع الشاعر نعيم عابد السيد
. . ابوفــرح
يامرحبابـك ابوبـتـال= ترحيب وافي على وافي اجلس تقهوا وخذ فنجال= حسب التقاليد واعرافي من بعدها مايسر الحـال= ان كان تنشد عن الخافي بين المعاريف والانـذال= راح الوفا خلف وخلافي ابوبتال
يا ابو فرح والحقيقة تقال= كملتنـي قبـل مشرافـي بنك وهيلك عـال العـال= وايضا معانيـك والقافـي ولا باس يا صاحبي فالحال= يوصلـك ردي وميقافـي ربي جعل للبشـر افعـال= وكل(ن) على فعل طوافي |
سارقيـــن الفــــــــــرح
. .
ياسارقيـن الفـرح لـدوا= شال البكا من عيوني سدس قلبي وفكـري تـرا شـدوا= والحال اصخف يهود القدس |
العاشق المحزون
. . ابوفــرح
دام الموده اسى وشجـون= ولافيه منهُ عشق وارتـاح وش يجبر العاشق المحزون= يقضي حياته سهر ونـواح عبدالعزيز الزويهري
الود ما يحكمه مسجون = الود ما يرحم اللي طاح ما دام قلبه غدى مرهون = خالي رصيده من الأرباح صقر المقرح
يا صاح كم للهوى مرهون= يقضي حياتـه مـع الأتـراح سهران ليلـه اسيـر عيـون= علـى امــل تقـبـل الافــراح |
( لولاه ماكان هوجاسي ) . . صقر المقرح
ســـــلام يـالـصـاحــب الـنــاســي = خـــذ شـكـوتـي يـاجـويـد الــســاس ابوفــرحلـــــولاه مــاكـــان هـوجــاســي = ولا يـخـضــع الـقـلــب للهوجـــــاس
بـين الهواجيس واحساسي = يلذع فيوز الموده ماس صقر المقرحواقول لعل ماباسي = ويش اللذي اخلف النوماس
اللي ملأ بالاسى كاسي= سيطر على الفكر والإحساس ابوفــرحكيف اترك الود ياسياسي= لا صار حالي معه منحاس
ياعزوتي ياعـصـب راسي = خل السياسه مع السـيـّاس صقر المقرحالوضـع يـبـغى رجل قاسي = ماهـمه الربح والافــلاس
أخوك بالحيل محتاسي= خايف على قلبيَ الحسّاس ابوفـــرحكيف القسا مع بعد ناسي= والقلب دقت به الأجراس
اشوف ماانـته معـي راسي = غـض الهوى والعـروق يـباس ابحـرت في مركـبك ناسي = وردّك فـؤادك مع النـسنـاس مادمـت ماانـته لهم حاسي = ولاانـته لـثـوب الشـقى لبـاس داريه لو يـطـبخ الفاسي = واعطـيه لو يطـلب الالماس |
ابيات في ذكرى غياب بعض الاصدقاء مع الشاعر كارم . . ابوفــرح
سلام مثل العسل ينسـاب= مع صافي الهيـل والبنـا كـارمللي بلا عـذر او اسبـاب= غابـوا ولا كنهـم منـا يااصحابنا فا البريد خطاب= ياليتكـم تسألـوا عـنـا حنا على عهدكم احبـاب= ولا هنتـوا انكاننـا هنـا
يا مرحبا والملاقا طاب= ترحيب يا راعي القنـا ابوفــرحأنتم لنا في المعاني باب= ومنزالكم من منازلنـا حنا حسبنا لكم بحساب= في قاسي الوقت ما لنا أقفت مراسيلنا بكتـاب= ولا جس في بالنا ضنا اليوم تعتب علينا عتاب= وحنا على العهد مازلنا
في مجلـس العـز والآداب= راع المثـل جرلـه ونــا ساعه مع الأنس فااستجواب= وساعه يدندن مـع الجنـا ان غاب نور القمر ماغـاب= شوقي على شـوق ساكنـا منزالهـم عالـي المرقـاب= في قلـب لوصالهـم حنـا |
سلااااااام
, ,
سلام يانسل الأحـراري= مع فالق الصبح لا اصبح هيا استمع لآخر اخباري= ان كان وقتك لنا يسمـح عليت داري ومقـداري= يوم البقا كان للأصلـح واليوم تاهت بي افكاري= كلن فبحر الهوا يسبـح |
طواااااااري الأيــــــــــــــــــــــااااام
. .
مااحسب طواريك ياالأياااام = تخلف نظام العرب فالسير وتوخر اللي مضوا قـدااام = وتقـدم اللي مافيهم خيـر |
مع الشاعر سالم البـشـري
ابو وائــل
سلام فـي طيتـه يحـوى = يابو فرح مشتكى واقـراه من أهلها تطلـب الفتـوى = والله أعلم لهـم منجـاه جاهل حكم غصب واستقوى = الظلم طبعـه ولايرضـاه كـلٍ يجاهـد بـلاجـدوى = يبحث عن الظلم مايلقـاه بين وحلـل لنـا الشكـوى = يافاهم الحرف في معنـاه ابوفــرح
ترحيب مثل الذهب نقـوى= يستاهله من يمـد خطـاه في معجم الصرف والنحوى = نجمه تعـلا علـى خويـاه يامن يمد النظـر رجـوى= يلقـى دوا الآه ممـا جـاه هيا استمع مابـدا نحـوى= فحوى القضيه وما يحـواه في مجمل الوضع والدعوى= اللـي عليهـا تـجـر الآه الظلم لو هو جبل رضـوى= راسي وقاسـي ولاتقـواه ماخيب الظـن والهقـوى= ربٍ خلـق ذرتـه وانشـاه وان كان شاكي حكم سهوى= من ورّد الـذود للمضمـاه هـذاك جاهـل ولايسـوى= لو هو تذرى فبشت الجـاه للمرء في دنيتـه حسـوى= لوكان همه بحر واعضـاه مع خالق السر والنجـوى= لايقول صافي دليلـه تـاه الله على الظالميـن اقـوى= والحق نجمه صدح بضياه |
مع الشاعر ابو نواف الصاعدي . . ابونواف
هيـا معـى قـوم نحسبـهـا= ونشرح أصول الهوى بأحساس قلوبـنـا لـيـش يتعبـهـا= حتـى كأنـا محنـا نــاس ابوفرح
حسبه وضاعت مكاسبهـا= في مسأله وضعها حساس لاالـروح تقـدر تعاتبهـا= ولا العين يهنا لها النوماس ابونواف
كيف اعذل والروح واغلبها = وتمشى مع العقل بالمقياس الروح تطرب وعاجبها = تأخذ لها فى الهوى مرواس ابوفرح
النفـس غايـة مطالبـهـا = تشرب زلال الهوى في كاس ماترتقـي فـي مراتبـهـا= وابليس من حولها لـواس |
مجاراه مع الشاعر صقر المقرح
صقر المقرح
دمعه جرت فالعيون ازريت= أخـفـي اثـرهـا بـعـد فـرقـاه ابوفــــرحتـرودنـي كــل مــا مـرّيــت= بالموقـع اللـي رآنـي معـاه ِ
مريت ياليـت مامريت = ولاشفت عود القنا وذراه احييت فيه بقايـا ليـت= ياليت ماغثربولـه مـاه |
عين الوله مرها طيفك = وهلت عليك المدامع دم قبل الهوا يجرحه سيفك = ويموت ناقص عمر ماتم |
اهواااااك
اهواك سم وسقم اهواك = يا آسري جنتي أسرك روحي وقلبي ترا تفداك = يامن أسر خافقي سحرك |
القــراح الـعــــــذب
. .
عزي لراع القراح العـذب = لاحده الوقت وظـروفه يخفي همومه فوسط القلب = ضايع مع الناس معـروفه |
مع الشاعر ابونواف الصاعدي
(( اقفى زمان السعد ولا )) . . ابونواف
اقفى زمان السعـد ولـى = ماعاد باقى يغير زهـود رأيك معـى متفـق والا= لك رأى غير الذى مشهود ابوفــرح
راع المواجيـب ماخـلا = كل ماطرقها لقاها سهود هذا زمان القحـط حـلا = والكل في عيشته مقرود |
مع العندليب . . صقر المقرح
كملي وانا محتمل فرقـاه = ما اعاتبه خوف لا يزعل إلـى متـى بنتـظـر ملـفـاه = اللـي علـى حبيّبـه يثـقـل ابوفــرح
عذب القوافي تهامـل مـاه = من كل وادي صفـا ينهـل هيض فـؤادي وجـر الآه = من قلب منصاب في مقتـل من جاه سهم الرجا واخطاه = لاتنتظر يحضـر ويسـأل واجب تمد الخطـا تقفـاه = ان كنت باغي عسل يحصل |
مع المبدع نمرحرب . . نمر حرب
ســـلام لأهل الوفاء والعــــــرف = وافي ومن خاطري مســفوط ابوفــرحوش ذنب قلبي وذاك الطــــــرف= وش ذنب ناحل غدى مسخوط من حظي اللي عثربه جــــــرف = والساق بأقـــيودنا مـربــــوط وكـل مابــدا بالـعـزيـــمه حـرف = قـام يـتـمايل مـيـــول الســوط
برق الحيا فاولاتـه رف= يامرحبا واللحن مضبوط يامرحبا ياجريح التـرف= اللي عليه النظر محطوط محكوم والا حكمك الظرف= والا عليك الاسى مشروط لابد بعد العنـا والكـرف= تشرب دلال الفرح مزبوط |
مع المبدعين صقر المقرح -- كارم . . ابوفــرح
يوم المعاني فردح وقدح = والجم ماجمل الساقـي يستاهلون الثنا والمدح = اساتـذه فنهـم راقـي صقر المقرح
لا جيت أبامْدحْك طال الشرح= وكـارم يكـمِّـل عـلـى البـاقـي حـنّـا تلامـيـذ جـمـع وطــرح = لأسـتــاذ مـثـلـك وعـمـلاقــي كارم
أسست لك في فؤادي صرح = دايم مع الروح في عناقـي لاجلك لقيت الدواء للجـرح= اللي سكن داخـل أعماقـي |
مع الشاعر كـارم . . كارم
يا بو فرح لا سكنت القلب= إدراه لاتسـد شريـانـه عجزت ألقى لجرحي طب = وللآن في عالم أحزانـه ابوفـرح
روح الهواوي سلبها سلب= من زان نظمـه وميزانـه وراه يشكي عذاب وغلب= مابين ربعـه وصدقانـه كارم
ليت الهوى ينعرف له درب = لا هيَّـج القلـب أشجانـه أستدرج الطير براء السرب = وآخذ من الطير جنحانـه ابوفــرح
لاهو فشرق البلد اوغرب = معروف دربـه وعنوانـه ليت البوادي مجالس حرب = واداعـب قلـوب سكانـه كارم
ما زل راع الكـلام العـذب = راع الصفا والصفـا زانـه أقرب من التحلية في القرب = وأبعد من سهيل في شانـه ابوفــرح
اثرك شايـب جهيـد وذرب = حاوي على التوت واغصانه ماياكل الا عسـل ورطـب = ماشي على دروب جدانـه كارم
هذاك شايب وقلبه شـب = حاوي على الطيف بالوانه هب الهوى في فؤاده هب = وتخلخلـت كـل أركانـه |
مع الشاعر ابوبتال , , شفت القمر للسما يصعد , , ابوفــرح
من دقة الوصف والمشهـد= اللي رأيتـه يابـو بتـال نيران وسط الحشـا تلهـد= مستحكمه حولها الاقفـال شفت القمر للسما يصعـد= لاقيـد عنـده ولاخلخـال دمعه على خـده المجهـد= يحكي اسى من سنين طوال ابوبـتال
يا راعي الصوت لا تبعد = كم قلب الشوف من احوال مد النظر بالنظـر يمتـد= يرميك في داخل الأهـوال وخل القمر بالقمر يسعـد= وإنت وانا نهادي الموال مالك ومال الشقى واقعـد= لا تمادي الفكر بالآمـال |
مع الشاعر راع البل ( ابراهيم عيد المحياوي ) . . راع البل
سؤال وأبغـى يجـي رده= ياسـادة القيـل والإلهـام ابوفـرحكيف أنقـذ القلـب وأرده= لاصار في حوزة الظـلاّم
آآمر على من صفـا وده= واصدر على مامضى احكام راع البللاتساير الموج فـي مـده= خلك سياسي معه ضرغام
حاولت بالليـن والشـده= أكسب وداده زمان العـام ابوفــرحوكان الجزا طالت المـده= بالصد وأنا منـه منضـام
طبيب الاجراح فـي بنـده= لاهل الموده شروط الـزام راع البلمايصير والكل في عنـده= اما ملاقـا وامـا خصـام
يلعب بنـا كيـف مابـده= يوصل ويجفا بدون نظـام ابوفـــرحوالقلب مرهون فـي يـده= وهـذا الــذي زود الآلام
تخاشـروا فالقضـا عـده= دكاتره من جنوب وشـام قالوا وفا مع جفـا عـده= دين ومضالك مـع الايـام لاتتبع اللـي امـر جنـده = وحال المعاريف للاعـدام عيد النظر والقنـا جـده= جد النوى واركز الاعـلام مكاسب المرء من جهـده= عنده لكل الامـور لجـام مايحط يـده علـى خـده= ويعيش فالهـم والاوهـام |
مداعبه مع الشاعر الكبير عايش الاحمدي ( رحال ) بخصوص غلاء الاضاحي . . رحال
سوق الأضاحي مولع نار = وطاق المؤشـر فعاليهـا ابوفــرحمستغرب افطفرة الأسعار = اللـى نواجـه مآسيهـا
الحمد للواحـد الجبـار = سنه على الخلق مبديها رحاللو انها فرض للخطـار = كان ابيض الوجه معميها
لاشك هذ ولااستنكـار = لازم ولابـد نشريهـا ابوفــرحمن دونها ما لنا معذار = لكن وش اللى مغليها
حيل القضيه علـى التجـار = لا عـل تظهـر خوافيـهـا رحالوالا تراني فوسط ( اشهار ) = باقـي حياتـي بقضيـهـا
حنا بلا نا من الفجـار = اللى ما نقدر نقاضيها ابوفــرحهذاك طاغى وذا مكار = والمسأله ضاع قاضيها
دنيا وفيها البشر محتـار = دنيا وما اكثـر بلاويهـا فيها النعيمي غـدا طيـار = مقلع والانـوار مطفيهـا وفيها سواكن وفيها احرار = حذرا وايـاك تخطيـهـا اسعارها اليـوم بالـدولار = واقوالهـا مـن يثنيـهـا رحال هذا زمـن غـدار = واللاش بالكاش مغريهـا ماصف للـدار والاقـدار = يوم المـلا عنـد باريهـا تذرف دموع الشقى امرار = وجنود تنفـض مخابيهـا ماينفع القـول والاعـذار = كلـن صحايفـه يطويهـا |
مع الشاعر كـارم . . كارم
مني لكم فـي ورق شفـاف = سلام وابصم عليه الخمـس إني بعد ما جفيـت القـاف = أصبحت ماضي طواه الأمس ابوفرح
يامرحبا با اللذي لوشـاف = قدره مابين القمر والشمس ماغاب ليله عن الميقـاف = يوم الليالي صفا مع عمس كارم
منك الحكم واحكمه بانصـاف = في الواضح اللي لمسته لمـس من يعتلى عالـي المشـراف = ينسى الخوي والحديث الهمس؟ ابوفرح
من عاف ربعه ترا ينعـاف = لو هو تعـلا يعـود طمـس .ومركب بلا مـوج يالعـراف = اغبر نهـاره وليلـه دمـس كيله مـن البـن فالمغـراف = وانته من اللي يحمسه حمس دام القلوب الوفيـه نظـاف = حمل زهابك معي فالجمـس |
خاطرة
. .
سلام وانا استمع ماشوف = ولاشفت لااسمع ولااتكلم ماشي مع الناس بالمعروف= لاشكي ولاابكي ولااتألم |
تجاوز الحد
. .
تجاوز الحد والمنطق = سحرك وتأثير اهدابك لاعاد يسمع ولاينطق = من شاف رقتك وآدابك |
كفوا عذاب السنين السبع
. .
يامن لكم ود فاعماقي = كفوا عذاب السنين السبع ماعاد والله ترا باقي = فعيوننا للمآآآسي دمع |
بيني وبين الهوا ميعااااااد
. .
بيني وبين الهوا ميعاد = على شواطي بحر ياقوت بعيد عن اعين الحساد = يامدللــهـ . ياعروق التوت ليله وعيدي بها اعياد = لاهي فكازا ولابيروت اعلن قمرها بعدك حداد = ماعاد يطلع الين تموت |
مع الشاعر سمران الصبحي
. . سمران الصبحي
سـلام فيـه الوفـا عنـوان= والطيـب ساسـه وبنيـانـه ابوفــرحينصـاك ياحضـرة الربـان = من قلب (هاجت به) اشجااانه
تقدير ياشادي الالحـان= ياعازف القيل والحانـه سمران الصبحيجيتك لعذب اللحن شفقان= عطني مفاتيـح بيبانـه
ظبي الفلا كاحل الأعيان = مأسور من نظرة أعيانه ستة (أهله) وأنا سقمان = أتلفت روحي على شانه ابوفـــرح
ظبي الفلا محترف فنـان = يختال ورده على اغصانه دايم صويبه يجي هيمـان = مختـل وزنـه وميزانـه |
مع الشاعر بن معتوق الاحمدي ( ابواسامه ) . . ابوفـــرح
بعد التحيه يابن معتـوق= مطلوب عدلك وانصافـك ابواسامهللناس وزعه من المنطوق= لاصار مبني علـى قافـك مايسير حنا نخيل بـروق= ولغيرنـا هلـت اطيافـك انته فهذا الامر محقـوق= والظلم ماهو من اوصافك
قدرك فقلبي تعلا فـوق= يامقتفي نهج اسلافـك يامرحبابك وكلي شوق= اشوف رسمي واردافـك لاوالذي أنطق المخلوق= لا القيل يقصر ولاعافك بس الرسايل تمر طروق= قبل تحرر من اشرافـك |
ناقش الحنا مع الشاعر يحى عابد الجحدلي ابوعابد
آه الهـوى كـل ماقلنـا = لاجرح باين ولا مخفيـه ابوفــرحواصل السبب ناقش الحنا = يارب تخلف عليَّـه فيـه
هيا استلم واستمـع منـا = بعد الحكم اصدره قاضيه .دام السبب انعـرف حنـا = نسعى مع اللي غدا يشكيه الود بعضـه يجـي فنـا =فنان نقشه مابين ايديـه واجـب تداريـه لاغنـا= وتقول وقت الطلب لبييييه . |
مداعبات شعريه بيني وبين الشاعر ( حربي والوفا دربي ) بخصوص السياحه عاد الرجال يبغى يصيف وانا اقترحله وين يصيف لاكن ماااااش رجعنا من حيث مارحنا . . حربي الوفا دربي
أكيد وقت الأجازه حان = والناس بالصيف شفقانه ابوفـــرحلاكن خساره علي لبنان = شب العدو فيه نيرانـه
ان طعتني روح للسودان= شوف السوداني وسودانه حربي الوفا دربيمايشرب الا من الهتـان= ولاياكـل الا فغـزلانـه
الله علي حظه التعبـان = من شاورك كب جيرانه ابوفــــرحياخوي خليتنـا عميـان = نطرق علي الزول بيبانه
في بنقلادش وباكستـان= اجواء حلـوه ورويانـه حربي الوفا دربيناكل شباتي ومرقي جنان= ونقول اتشا علا شانـه
طبع الفتي يعشق الاوطان = اللي بها اصـل جدانـه ابوفـــــرحهذي حقيقه لها برهـان = فطره من الرب سبحانـه
طلايع الفل فـي جيـزان= مشهور ورده وريحانـه حربي الوفا دربيفي بيش والا جزر فرسان= تلقـى تراحيـب سكانـه
الله ياعيشـة الاحـزان = كلن يغني علي الحانـه ابوفــــرحدرنا ورجعنا علي جيزان = وريتنـا الهـم بألوانـه
خرخير قطعه من الوجدان= شاعـر كتبهـا فديوانـه فيها قطاقيط 0 مع سمان= والخيل يصهل بميدانـه حربي الوفا دربي
حمًلت عفشي مع الخلقان = والبيـت قفلـت بيبانـه ابوفـــرحأبغي أسافر علي اليونان = وبنشوف قبرص ومرجانه فيها سياحه ورحله جنان = والورد بنـزور بستانـه ان باتجي روح للزومان = والا العمودي مع اخوانـه قلـه تذاكـر وبالمـجـان = ومصروف كافي لخويانه ضيف المعزه وحنا اخوان = والطيب مانكـب اركانـه
في غانتناموا لنا اخـوان= والكـل منهـم فزنزانـه بنمرهـم كيـد للعـدوان= واجب ولاضاع احسانـه من بعدها نروح للشيشان= نسمع مراديـد طيرانـه والحق دايم مع الافغـان= والخبت يازيـن نيرانـه والحمدلله على السلامه |
مع العملااااق جباره العروي . . ابوفـــرح
سلام وانته قمر شـارق= نوره تخطى حدود الفُلـك جباره العـروياشوفني فالبحـر غـارق= تعجز حروفي ولا جملـك ياسيدي شفتلـي بـارق= مخايله من عزيز المُلـك لو ماعترض دربها سارق= ماكان شفت المطايا هُلك
مع نوره الصبـح لاهايـق= يامـن نقـدّرك ونجللـك ترحيب فى المستوى اللايق= ياعد والنـاس ماتجهلـك لاترتجـى بـرق متـدارق= بعيـد نـوه ولا يوصلـك ان ما خياله لكـم سايـق= اصرف نظر عنه لايشغلك . . |
بيان الصمت = ســـلام يـاعـالـي الـمـقـدار = نبـغـى مــن القـيـل أفـنـانـه مـعـاك يـحـلا لـنـا الإبـحـار = يوم الهوى حـرك أغصانـه ابـــوفــــرح = ترحـيـب مـنـا عــدد ملـيـار = يـابــادع الـقـيـل والـحـانــه معـاك يحـلا لـنـا المـشـوار = لاســـرت قــايــد وربــانــه بيان الصمت = عاميـن فكـري معـه محتـار = وغيث الوصل ترعد أمزانه لـكـن فحـيـن الـلـقـا جـبــار = مايـرحـم القـلـب واشجـانـه ابـــوفــــرح = شوقـك مطيـه وعينـك نــار = وروحك مع البـرق هيمانـه آمـال الانسـان مهمـا صـار = ماتـتـبـع بـــروق خــوانــه بيان الصمت = ابنـي اتجاهـي علـى الآثـار = والقـلـب بالـقـلـب مـيـزانـه لـكـن طبـعـه بعـيـد اغــوار = والــود مــا تثـبـت الـوانــه ابـــوفــــرح = قريـب تشكـي بعـيـد الــدار = والـــدار مـلـيـون سـكـانــه لابــد فــي نـشـرة الاخـبـار = تعلـن عـن اسمـه وعنوانـه بيان الصمت = محـال نفشـي عنـه أســرار = مـا غــرّد الطـيـر فاوطـانـه ولاشفت جوز الحمام وطار = ثـوَّر علـى القـلـب بركـانـه ابـــوفــــرح = انـذار مرفـق معـاه اشـعـار = تحـذيـر لـلـي عـلـى شـانـه مرسـول مـن هيئـة الشعـار = ثابت على الساس واركانـه حـذرا مـن الثعـلـب المـكـار = يلعـب علـى اوتــار خـلانـه بعـد المسافـه ماهـو اعـذار = لاســار عـنـده لـكـم خـانــه |
مع المبدع
قابل البشري ( الجمـل ) . .
ابـــوفــــرح = لـو الجمـل نـوّخ الناقـه = وامسى رسنها على يمنـاه كان اصبحت مالهـا فاقـه = وارتـاح منهـا عبـاد الله قـابـل البـشـري = شعيـل نشبـان فنيـاقـه= عنـده مـن الخيرماكفـاه بعدين ماهي مـن أخلاقـه= يقعـد يراقـب فخلـق الله ابـــوفــــرح = بعد الجمـل انثنـى ساقـه = وعاد الكلام اللـذي قلنـاه فرصه نبـى نشـد بوثاقـه = ونقول ليل الصفا مااحـلاه قـابـل البـشـري = القـول غلقـت مغـلاقـه = جديـد حرفـه ولاعـدنـاه وان كان ماشطـب اوراقـه = ليـل الصفـا كلنـا نبغـاه ابـــوفــــرح = تـو الحيـا نـاض براقـه = نـوه تهـامـل وزان ذراه وانا علـى نبـض خفاقـه = بشرح ظروفي مع المأسـاه قـابـل البـشـري = الطرف برق الحيـا شاقـه = وهجوس فكري سرت مسراه القلب وش خافـي اعماقـه = اللـي عليكـم تـجـر الآه ابـــوفــــرح = اللي مـرار الاسـى ذاقـه = ياصاحبي والزمن اعضـاه كيـف يتحكـم فاشـواقـه = لاداعبه طيف مـن يهـواه قـابـل البـشـري = الشـوق لـه نارحـراقـه= والصبر ماهوعـلاج ل(داه) اروي ظما نفـس مشتاقـه= يكفي على القلـب ماعانـاه ابـــوفــــرح = منـابـع الـجـم دفـاقـه= والروح عند الطلـب تفـداه لاكـن يامصعـب فـراقـه = اللي اسـر خافقـي ذكـراه قـابـل البـشـري = القلب لـه عيـن عشاقـه = ماترتـوي غيرمـن رؤيـاه ويامقـرب البـاب للطاقـه = يامشتكي مـن الـم فرقـاه ابـــوفــــرح = ابطيت وانا علـى الساقـه= مابين عد الصفـا ورشـاه ولاعاد نفسي بهـا طاقـه= عطني قرارك وحط مضـاه قـابـل البـشـري = العلـم يحـتـاج لليـاقـة= واللي بـدا حرفهـا وفـاه وآخـرقـراره وميـثـاقـه=أما اتبع القلـب ولا انهـاه |
خــــــــــــــــاطــــــــــــــــــــره
. . .
انامل الشـوق خطت لك = باحساس عاش الاماني حلم .يامن تجبرت في وصلك = يكفي تزيد المولع ظلم . |
لــــــــيــــــــــــــــــت
. . .
ليت الليالي علينا تعود = ساعه من سنـيـن تكفيـنا .واعانق اللي فوسط لحود = ظلى من الود يسقـيـنا . |
غـصـون الـرااااك
. .
على النقا ياغصون الراك = تمايلى واسعدي قلبي جاتك عطاياك من مولاااك = لا الذنب ذنبك ولا ذنبي |
اصحــــــــــابــنـــا
. .
اصحابنا محتمين القاف = ماشوفهم للرشا يردون مادري طرى علم ماينشاف = والا لهم فالهوى قانون |
؟
. .
اللي فريع النخل حاكم = اليوم وسط البلد محكوم الله مع الحق والظالم = لابد له ياعرب من يوم |
الساعة الآن 03:49 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir