يا صار لك عند اقشر الناس حاجه = ودك تموت ولا تجيله لحاجتك
الله ولا جيت هبود (ن)لجاجه= لا مقدر الحاجه ولا كبر جيتك
يدوخك في كثر العيا وارجاجه= هرجه بوادي ما ربع يم هرجتك
ايضيع صيده في عواصف عجاجه=تطلع عليك الشمس ما جاب سيرتك
قليل فود وكل ما به سماجه= خسارت (ن) مبداك يمه وروحتك
لكن ترا غيره لمثله علاجه= يامن بعض اضروف الايام حدتك
مالك ومال الي يشاور مزاجه= عليك با الي يعتزي عند وقفتك
يا جيت له يكفيك ضحكة حجاجه= ذيب (ن) بتر حيبه يهون مهمتك
حلو النبا نفسه وروحه هجاجه=وحا جتك قبل اتقولها قالك جتك
ينسيك همك في سرور ابتهاجه= ايدور الي فيه تكمل مسرتك
غمر (ن) مراميع الرجال انتهاجه= ذخر الصداقه يوم تذخر صداقتك
واخير من هذا وهذاك ناجه= رب (ن) كريم وقادر في سها لتك
اليا فرجلك ما يعوض افراجه=يشفي مطا ليبك ويعطيك طلبتك
ان كان تنشد عن رجال المواجه = هذا الكلام وغير هذا سلامتك