|
السلام عليكم ورحمة الله وبركاته هذه زومالة شعراء ملتقى قبيلة حرب الرسمي نظم / فواز بن محسن الزويهري في ضيافة غازي السريحي مساء الخميس3/ 5 / 1429هـ
سلام حلو الشهد طعمه من صفانا إلكم غبوقه=يوم الوفا والطيب فوق اصحابنا تلمع بروقه حنا رفعنا السعر يوم المشترى يغري فسوقه=يامكسب الربحان يارجال النقا يالغانمين ياصحابنا دار الفلك حتى انشغل كل فسوقه=والكل في نفسه لهى والكل قطع في عروقه وعيال عم اتجانبت والرحم هونا حقوقه=ولابد نلقى حل نرضي فيه رب العالمين الرد من الشاعر / حمدان الحمراني (( خيال الشمال )) ... والشاعر/ الشاكر أبو سامي
يامرحبا ترحيب مايخلف عن المنهج طروقه=لهل الوفا والطيب واجبنا مع الدله يشوقه ياللي رفعت السعر حنا نرفعه ونزيد فوقه=والمكسب اللي له تجاره في رياض الصالحين دار الفلك واليوم يامقرب غروبه من شروقه=والنفس تامر بالخطا والرجل له حكمه فذوقه ومواصل الأرحام واجب ماعن الواجب دروقه=والحل فالقرآن والسنه عساكم سالمين |
بسم الله الرحمن الرحيم الأحبة الكرام أهدي هذه القصيدة إلى جميع الزملاء والأصحاب بمركز حلبان بمحافظة القويعية وذلك إثر نقلي في حركة النقل الخارجي للمعلمين لهذا العام إلى محافظة مهد الذهب أرجوا أن تحوز رضى الجميع وإليكم ياكرام ( مجالسية )
يامل قلب ما تهيض بلانشاد=في وقت بدل بعده اليوم ببعاد لابد ضيف الدار يرحل يالاجواد=والطيب يبقى للمناعير عنوان هيض عليه تالي الليل هاجوس=من حالي اللي بين صحوات وعموس والقلب ياصحابي من الوقت محموس=بين الرجا والياس جريت الألحان ضيف(ن) معازيبه مناعير ورجال=في دار ابن مشيب على الطيب نزال تعجز توفيهم طواريق الأمثال=وامثالهم مكسب وأنا اليوم كسبان ياصحابنا الوافين معذار معذار=إن زلت الأقدام والرب غفار والصفح يرجى من كريمين وخيار=عسا تدوم أيامكم خير واحسان والوقت ياصحابي به الحلو والمر=أخالطه في بعض وامشي على بر وأمشي على الساير ولا غب في بحر=ومحال يبقى حال في حل مابان واليوم خلت البرق جوف الخيالي =وانحى ورا مزن (ن) غزير الثعالي المهد مقصدنا ووجهة رحالي =ومنهو موكل ربه اليوم ما هان يهل احلبان القلب باقي معاكم =بالطيب نذكركم ونكرم لحاكم لاشك نوصلكم ونحفظ وفاكم =عهد (ن) عليه ياطويلين الأيمان يقولها الحربي ابن محسن الباز=من بعد ما تمم معانيه بايجاز وختامها يثني على الرب فواز=والحوت في بحره تغنى بسبحان |
الأخوة الكرام الفضلاء النبلاء هذه القصيدة أتت عندما أطلقت القريحة في فضاء الخيال والتأمل وحلقت به من غير قيود كعادة الشعراء فأتت هذه المجالسية التي يطرب لها كل من يتغنى بها وإليكم ياكرام
واقلبي اللي بين عوج الضلوعي =قلب على الخلان دايم جزوعي تبكي عيوني سابلات الدموعي =من هجر خلي باح ما كان مكنون اصبر وانا داوي جروح قديمه= والصبر منا وذا جفاكم ظليمه أوفوا وفاكم وادعي الله بديمه =تروي ضمى من هام بالقد والنون بلوى بلتني بالعيون الكحيله= ترمي سهام الود مكر وحيله صادفتلي ضبيا تمايل جميله= والزين فاتن بالضبا صرت مفتون القلب ونَ وكنَ مابه تحاشي = من ضحكة الغشاش وخبلان واشي حاله سقيم وتوَ فالمهد ناشي =ناشي صويب القلب وبالظهر مطعون نادوا طبيب الود يحضر علاجي =يالله يا معبود انا جيت راجي حلوا المراوي من بعدهم هماجي= ما عاد ابشرب غير من ريق مزيون واونتي ونة صويب على الساق= ونيتها من جوف قلبي والاعماق من واحد مشيه على هون ورفاق= يمشي ويكسر ماشي الهون بالهون أشبهه بالبدر جوف السحايب= سد العبا يالله تبعث هبايب وزيح غيم الصيف والجو طايب= لاطاب جوي صار للزين قانون سهران طول الليل للعاشق امراس =جبت الدلال الصفر للبن حماس اراعي النجم اليماني على الباس= خمسة دلال انهيت وحرقت كانون لاواهني اللي بنومه تهنا =قلبه خلا من هم منهو تعنا درب الموده نار ماهو بجنا= والود قاسي كنه السيف مدهون ماحيلة الشاعر من الود حيله= الا التغني والوصوف الجميله يارب تجمعنا براع الجديله =راع الجديله شاكي منه بلحون ولكم خالص التقدير |
هذه الحداية تغنى بها الشاعر / قابل البشري في اللقاء الأسبوعي يوم الخميس الموافق 10/5/1429هـ وكان الثمن من الشاعر / فواز بن محسن الزويهري بحضور كوكبة متألقة من السادة الشعراء ( بيان الصمت . ماهر أبو خالد . أبو فياض النويمي.سالم البشري أبو فرح . خالد البحار . صقر المقرح . عبد العزيز الزويهري ) وإليكم ياكرام
سلام سنة دين لهل الطيب وردوده فريضه=رده على وضح النقا من دون شرح ولا عريضه الرد / فواز الزويهريمثل المزون المستهله يوم ماطرها تفيضه=تغشى الديار العامره بالطيب والعلم الجميل بعض البشر ياربعنا ممشاه دايم بالبغيضه=يبحث وراها مايخلي فالطويله والعريضه وأهل العقول النيره ماتتبع عقول مريضه=والطيب لهله مايتبدل والأصيله للأصيل
يامرحبا ترحيبة باللي طربنا من قريضه=راعي وفا طيب نبا يهدي لنا من زين بيضه لكم خااالص التقديرياصحابنا هذا زمان الوقت ضيقنا كضيضه=واللي تفرغ للمراجل يبشر بزين الحصيل اللي زرع يحصد جناه وفتله اليوم بنقيضه=ولاهاج ابن شقران جماله على النقوة يريضه والطيب اللي لا لفاه الشين مايجزي عويضه=الطيب دايم مرسمه والشين ماهو له وكيل |
الأخوة الكرام الأعزاء هذه الزومالة ( الحداية ) تغنى بها الشاعر الأستاذ / سلطان بن نامي السلمي عند زيارته لي في منزلي وهو جار لي في الطابق العلوي من المبنى وكان الثمن من الشاعر / فواز بن محسن الزويهري الحربي وكان ذلك يوم الأحد الموافق 20 / 5 / 1429هـ وإليكم ياكرام
سلام رديه على أهل الحله =الصاحب اللي ماشي(ن) بالمله إن كان مايطلعلنا ننزله=واجب على الصاحب يزور الصاحب
ياحرب جتنا من جهتكم زله=علـــم قديم وتونـــــا نفطنــله شيخ العرب يفخر بفعل يذله=يقول صدرت الهنوف الراحب .................................... الرد من الشاعر الأستاذ / فواز الزويهري
يامرحب ترحيب نجر ودلـــه=فــيه الوفـــا وسـمية (ن) منهلَه أنتم حداده ومن قبـــل نقبله =والمقتفي يشوف الدرب راحب
ياسليم هذي في جسدكم عله=ناقتكم اللي قدمنا منحله والسوم قده شيخنا ويضله=ياراعي الوسمه لويت الجانب وسلامتكم |
السلام عليكم ورحمة الله وبركاته الأخوة الكرام الأفاضل النبلاء هذا المشتكى يعتبر ضمن فن المراسلة بين الشعراء وقد وجهت هذه القصيدة ( فواز الزويهري ) إلى أخي الغالي ( الشاعر / قابل البشري ) وكان منهو هذا الرد الجميل وإليكم القصيدة وردها أرجو أن تنال استحسانكم ورضاكم
سلام طيب صافي النبع جياش=من هاجس (ن) يحكم معانيه ماضي .................................................. .فيه الوفى مزن (ن)من الجود رشاش=سيله سقا الوادي وروَى الحياضي يامل قلب (ن) هاجر الود ... لاعاش=من كان وده بحره اليوم غاضي عقب الفرح عامر وزين اللقا باش=ونبت الخزاما في جميع الرياضي والقلب مربع وأخضر العود عراش=فيه الثمر مايل له القلب هاضي حروة جناه أقبل من الناس غشاش=قطع عروقه وتل غصن (ن) غضاضي من بعدها قلبي من الطيب ما ناش=عذبه من الحنضل وزاده شياضي حتى تساوى كامل الزين بالاش=ومحال يلقى فالوليف اعتياضي اسمه على قلبي تباديع نقاش=ماظن يصبح وده اليوم ماضي ابعث لك المرسول ولفصلك اعطاش=وأنت لنا فالود يالشهم قاضي الرد من الشاعر قابل البشري
يامرحبا بالشاعر اللي لنا جاش=عداد براقٍ على المزن ناضي ولكم خااالص التقديرصبت هماليله مطر ماهو رشاش=أسقى الديار بوابله يوم فاضي جتنا مناديبك واخذ سلمنا كاش=ياللي شكيت طوالها والعراضي تحالفوا ضدك زمانك والاوباش=ومن جورهم ضاقت عليك الأراضي إن كان ترجي للأمل طب وانعاش=يلبس سواد الحزن نوروبياضي عيد النظر لعل تحيا وتعتاش=ويسري دواها فالعروق المراضي وان كان راح الود عساه (ماقاش)=محسوب غلق عمره الافتراضي ومن لايودك عن صواديفه انحاش=وارضى سعد من بالمقاسيم راضي لاترتجي ودٍ كما طاش ماطاش=انساه لايشقيك مليان فاضي ريّح ضميرك لو رست بك على ماش=في وصل ولاّصد خلك رياضي |
اقتباس:
|
اقتباس:
|
قيلت هذه الحداية ( الزومالة ) في حفل زفاف أبناء طيب العميري الهذلي يوم الأربعاء ليلة الخميس في قصر الرشيد بالمعيصم نظم الشاعر فواز بن محسن بن لاحق الزويهري الحربي
سلام تسليم الرضى من هاجس بالطيب جاشي=من لابة تاريخها معروف مايقبل نقاشي تنصى عوانينا على سبل الوفا والمد كاشي=مد الصداقه ما يقدر بالذهب ياهل النجيبه والثانيه ويش فكركم في سوق ماهو تو ناشي=ياكم ربح فيه الذي فالفقر طول العمر عاشي فيه الربا حلال تحليل القراح من الرشاشي=هذا عجب والسوق مابه شك ولاب السوق ريبه والثاله الدنيا حقيره مثل جنحان الفراشي=والجار ننظرله بعين صافيه والقلب شاشي ساس الصداقه بيننا ثابت ولا نبني الهشاشي=وحنا لفينا ياعوانينا على وزعه وطيبه ردمن بني عمير و الشاعر الكبير خلف الحساني
يامرحبا ترحيبة الصدقان مافيها غشاشي =ياهل الوفا ياللي منازلكم رفيعه ماتناشي ترحيب نو دن رعده واستهل من المناشي =نقولها ونطولها وقت الحضور و فالمغيبه والثانية ياللي تقول السوق هذا السوق ماشي=سوق مع على الله ماتسلم عملته مرشي وراشي ماهو بسوق البورصه فيها القيادي والخشاشي =فيها الريال يجيب سبع اميه وغيره مايجيبه الثالته دنيا البشر فيها لهم زاد ومعاشي=مدبره رب الملا والطيبه ما هي بلاشي نبني بيوت العز فوق الصخر ما نبني العشاشي=وانتم لفيتوا والعلوم الطيبه ماهي غريبه |
رســــــــــــــــــــــــــــــــــالة من الغربة
يامل قلب عند الأجناب وني=يذكر ديار عامره بالولايف لانسنس الغربي دموعي أغرقني=ولاهمني عاذل على القلب حايف ياطير ياللي بالرسايل تغني=في ديرة اللي حاز حسن الوصايف أقرا عليه اللي فقلبي أحرقني=من دونكم ياهل الحرم في عجايف أشرب من العلقم وطعمه غبني=لجل أرتقي عن كل نذل وهايف ونجم السعد مايرتقى بالتبني=واللي بلا مجهود يرقى الحسايف جاهدت فالدنيا وكليت متني =والصقر وكره في عسير ونايف وصاحبت من نجره بطيبه يدني=وآخر كما الثعلب كثير النكايف مديت الأول فوق زود التمني=والثاني بمكره من الشر عايف وماني كما عود كثير التثني =وماني من المجهول حذر وخايف مجهول علمه في غموض أستكني=كيف أحذر المجهول والساس زايف وليا عطيت العلم مااعطيه ظني=أعطيه متحقق وبالطيب كايف ياطير عجل خل عنك التوني =وقله ترا عيوني مزون ذرايف |
زمالة شعراء ملتقى قبيلة حرب في حفل زفاف الأخ الغالي يوسف الأحمدي نظم الشاعر / فواز بن محسن الزويهري العزيري الحربي
سلام يالقصر المشيد بالمبادي والكرامه=ساسه فحرب وأحمديَ الركن مرفوع مقامه .جينا نبارك في محل الطيب ورجال الشهامه=والله يتمم سعدكم بالود والخير الجزيل هذا زمان (ن) فيه شبانه ترجوا من غمامه=شربوا صبر واللي بلا صبر استدانه من غرامه هذا الغلا يهل المفاكر عقل شعيل بخطامه=والمقصد العفه وكيف نخفف الحمل الثقيل .................... الرد من عرابي القريقري و الشاعر حمدان الحمراني ( خيال الشمال) والشاعر الشاكر أبو سامي
يامرحبا ترحيب يارجال المعزة والكرامه=كسابة الطالات والمعروف ماتخلف نظامه جيتم على سبل الوفا والحر مايرخي حزامه=والله يبارك فالرجال اللي يعرفون الدليل اللي يخيَل للحيا لابد ما يبلغ مرامه=ولابد تفرج لو يشن الوقت ويخيم عسامه وشعيل يشتال الحمول ولا يثني في عظامه=واللي على المنهاج يمشي لا يحيل ولا يميل |
لهيب النار في صدري حرق قلبي وزاد النار =وليف كل مايطري عليه أبكي من ذكره ألا ياليت دمع العين يطفي لوعت المحتار =تزيد النار من دمع (ن)على خدين محتره سقاني قايد الغزلان كاس (ن) كلبوه أمرار =على ظنه سقا سكر جويهل تنقصه خبره صغير السن دوب الغصن مايل من روى الأثمار =طري الكف ظامر خصر قلبي طايع لأمره خشيف الريم في عينه ورود الفل والأزهار = رشيق القد له مبسم توقد موقد الجمره وريح المسك منه يفوح وريح الطيب وسط الدار =أجيه فصرمدي الليل يجيني مقبل بقمره سليم النطق عذب الحرف وحرفه يطلع معيار=ليا منه مشى بالأرض أشوف الأرض مزدهره سكن قلبي وسكني بداخل قلبه بمقدار= نظرني في يديه ألماس وهو عندي كما الدره أنا لجل أرتقيبه فوق أسافر وأتبع الأمطار=أصبح دار وأترك دار أنا اللي فادي بعمره غريب الدار في دار نبوت رياضها الصبار =ولا نسنس نسيم الصبح أقاسي من لظى حره كبود ( البل )لو تصبر(عُشُر) صبري تراها افطار =وفلك البحر لو يحمل (عُشُر) ما احمل هوى فبحره أجر الآه تلو الآه صبرت وضاقت الأقدار =وأنا راضي بحكم الله وربي صاحب القدره يبدل ظلمت الأحزان إلى سعد وفرح وأنوار =طلبتك يا إلاهي العفو والرحمات والدبره وأنا اصلي وأنا اسلم على أحمد سيدي المختار =عدد ما تنبت الأشجار وما فالتين من بذره وعدد ما الريش فوق البيض سار ودون الأشعار =وعلى آله وصبحه ومسلم (ن) ساير على بره |
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
أسعد الله أوقاتكم بكل خير وإليكم هذه المراسلة أرجوا أن تنال استحسانكم ورضاكم الشاعر عيد بن صميدان المطيري
يامرحبا ترحيبة تشرح البال=واللي حضر في حفلنا ياهلابه أعداد مايسكن من المزن همال=واعداد ماخط القلم بالكتابه ربعي هل الطاله ماضين الأفعال=مطوعين الصعب يوم الحرابه كم شيخ قوم طوحوبه من الجال=وطشوا جزامه والفشق والعصابه في معتلجهن طاح والدم شلال=وعشوه عقبان الخلا والذيابه عزيز تحكيلك عن أفعال الأبطال=سوات نصر حين عهد الصحابه جدي فدا خاله بعشرين رجال =والبارق اللي فاول الكون جابه خلا لهن فالقاع مجزر ومقيال=عامين والدم الحمر في ترابه ماكن جا من رايح الصيف هجال=ولكن جاه من المناشي سحابه عضامهم في جازي السيل نحال=وروس النشامه ماليات الزرابه الرد من الشاعر / فواز بن محسن الزويهري الحربي
جانا جواب الشاعر اللي بلأمثال=ونقول تبقى يامجود نصابه من راس حربي له منزل ومدهال=في نايف ماكل واحد هقابه ربعي هل المنصى على طيب الفال=كم بكرة لضيف تذبح رحابه وكم شيخ قوم راح في شرب فنجال=في يدين ربعي لازمانه غدابه الورع منا يرعب القوم لاصال=وفرساننا أجلت سراحين غابه وناخذ ضريبه على كل محمال=المحمل اللي كل قوم تهابه ولا الشريف اللي نثر طايل المال =وده يفوز بحريب واخطا صوابه واليوم كل ريح الفكر والبال=افحكم شرع الله صفاله شرابه في دولة ابن سعود كل الجهل زال=وكل القبايل تحت حكمه صحابه والكل ربعه عنده نجوم وجبال= هذا كلام ابن الحروب فخطابه |
center]أسعد الله صباحكم ومسائكم بكل خير
أضع بين يديكم هذه القصيدة أرجو أن تنال القبول والرضى [/center]
ألا ياطير طارت من مطيره = هقاوي السعد ياطير الحمامه أنا في دار وأنت وسط ديره =عسى تصحبك ياطير السلامه بعد فكرت أعقلك بذخيره =تراجعت وتوقعت الندامه كسير القلب ماله من جبيره = يون فصحو وأيضا في منامه قليبي أزعج العالم غريره= تعلق في ضلوعي من غرامه قلوب الناس من وجهي كسيره = على الحمى دموعي كالغمامه يفوح الوجه من حر الضريره =على شوق الذي صوب سهامه جرحني جروح فالمقتل خطيره = ألا ياليتني مت بتهامه وهو فأرض الحجاز أدرج مسيره = ألا ياليت ما شفت أبتسامه سقاني السم وأنا وسط حيره = يقول اشرب وأنا ردد كلامه ذهلني يوم شفته في حريره =قمر سبعه وسبعه في تمامه أنا شفي عذيب من غديره =ولكنه تمنع باستقامه ترجيته وراجيته واديره =ولكنه كما صعب الجهامه وقال إن كان ودك في غزيره =ترا منصاك قصر (ن)لنشامه تقهوا واشرب الدله بخيره =وقول القول واحسن في ختامه وغير القول هذا لا تميره =عطيتك من هوى راسي وسامه تولم وأنتفش وأعلن هجيره =توادعنا ورددلي سلامه ترا فرقاك لحظاته عسيره=فمان الله ياعالي مقامه فمان الله ياثلج السريره=يابو خدين فيها ختم شامه |
يالله ياخالق سحاب الجنوبي =ومصرفه لاهب نسم الهبوبي يرعد ويبرق ثم يمطر صبوبي =فالشام..سبحانك على كل الأقدار فواز بن محسن تهيض وغنا =غنى على المسحوب والليل جنا من بعد ميزت الكلام المقنا = أفتيك من عرفي وللقول بيطار يامن نشدني عن كلام البجاحه =والقذف فالأعراض وقول الوقاحه نجزيه بالمكيال ولا بسماحه =والمرجله ماهي أشانيب وأهذار الله يحاسب كل عبد بما قال =واللي قذف مسلم ببهتان الأقوال عليه شرع الله قايم بما طال =ويحاسبه ربي على كل ماصار منهو تكلم مع دجاجه يكوكي =واللي يكلم كلب بالنبح يحكي واللي سكت عنهم على الناس يشكي =خل الشكى لله وأسرجلك أنوار أنظر بعين العقل وعين الدراية =ولا تتبع دوروب الردى والغواية خل النذل فالوحل راع الوشاية =وأرقى بنفسك والمعالي لها أكدار وراع السفه نعطيه وحدة وثنتين =والثالث تجزيه جن الشياطين نوقفه بالحد والعرف و الدين =واللي عفا وأصلح له الخير مدرار وراع الشرف ماهمه أهل الخساسه =راقي بفكره عارف لقدر ماسه ولا الردي لناس باين نحاسه =والمرجله ماهي سواليف وأخبار المرجله فالدين وحسن العباده=وحفظ الكلام اللي يجيب النقاده وحسن الخلق تاج وسام وقلاده =نظمت منطوقي وغنيت الأفكار |
أسعد الله مسائكم بكل خير يسرني أن أنقل لكم حداية قبيلة الزواهرة من حرب عند قبيلة المساعيد من هذيل في حفل الشاب فهد عوض الله أحمد المسعودي بوم اللخميس الموافق 18-19/6/1430هـ في قصر السعادة بمكة المكرمة نظم الشاعر / فواز بن محسن بن لاحق الزويهري الذروي العزيزي الزبيدي الحربي
سلام رديه كما براق لايح بالروى =من قلب صافي للوفا والمجد والعز احتوى رد قبيلة بني مسعود من هذيل تنصى رجال الباس والهقوات في يوم الغوى = والله يديم أفراحكم ويزيد راع الطيب طيب حنََََـا الحروب اللي كما رعاد في مزنه دوى = يسقي البلاد الظاميه والذيب صاحب ما انطوى تاريخ ثابت شاهده رب (ن) على العرش استوى = وأنتم هذيل أهل اللوى منكم خوالي والنسيب
يامرحبا في مرحبا ترحيبة (ن) باللي ضوى=من عزوة (ن) ماتقصر الواجب وفالماقف سوى ولكم خالص التقديرالمسعد اللي ماتواميبه نسانيس الهوى =الله يحيكم على التكميل والعلم العجيب حنا هذيل اللي كما طعم العسل طب ودوى =واللي يعادينا تعب حاله ويبشر باللوى الله يحيكم وحنًـا كُـــلنا في المستوى =أنتم وحنا فاللوازم لا نذل ولا نغيب |
السلام عليكم ورحمة الله وبركاته / ، / ، / ، / ،
بالله يهل الحي لا تزعجونه =لجله غريب ولا يباصوت وازعاج أبو جديل تحت ردفه يصونه = زينه طبيعي ماوضع لون مكياج ماخذ من الأتراك تدريج لونه=والخشم هندية على راسها التاج والعين عين الضبي تجرح عيونه = والطول يهل الود من ساحل العاج جده عريب وكاد له تنسبونه =وخاله على الطالات بالطيب سجاج متكسر المشية على قل هونه =عطره في كل الحي من نشوته راج وليا تكلم طير تسبي لحونه=ينسى الحزين الحزن ويرفع له العاج توه مع الغزلان كملت سنونه=مدري فرضله حج ولا بعد داج ياليت وألقى ناس دايم يجونه=لجل اسمع اخباره ويفرجلي افراج أنا السجين اللي كسير فسجونه=سجنه معذبني ومحرجني احراج اسهى واقول اسمه في مجمع يلونه =حتى احفظوا عذري ومعاد مخراج حتى اعتزلت الناس مما يرونه =من فرط عشقي رحت بدره على حاج والقلب يهل الود لا تعذلونه = مثل السفينه عشقها لطم الأمواج والقلب يهل الود لو تعذرونه =بارود والبارود وشهو بلا سراج وقلب جمد والزين فاحلا فتونه =مرضان والمرضان يبغيله علاج |
السلام عليكم ورحمة الله وبركاته أسعد الله أوقاتكم بكل خير
يالله ياخلاق يامصرف الكون=يامدبر الأفلاك بالكاف والنون عبدك مقر وماضي بحكم مسنون=يستغفرك يارب من كل الآثام دنت هجوسي بالمثايل والأفكار=في هجعة النومان في وقت الأذكار قمت ألتجي بالرب في كل ماصار=وعبد يناجي رب الأرباب مايضام لديت عيني فالثياب الستيره=واتبدلت من ضافيات لقصيره قالت معاذيري ظروفي عسيره= وأنته نعدك من رياجيل فهام الوقت هذا نداري الناس بحساس=ماودنا نشبك سلوك الرضى بماس انسايس المجنون ونقول لا باس=ونغير الأحكام بأحكام وأحكام رديت ماني من رياجيل يرضون=بالدون راع الدون منزاله الهون أنا الذي يمشي على حسب قانون=مايختلف رسمه وله نهج واحكام وإليا اعترضلي خبل ماني مجاريه =والجاهل أبعد عن مجاله واداريه وإليا نصاني عاقل بزور اداويه =وآخر دوى بالكي في شرع الإسلام ياقلبي ياللي صرت وسط المحاميس=لايهمك أصحاب الردى صحبة ابليس أنته مكانك فوق راعي نواميس=أدراك عن هرج المتاعيس الأقزام ساسك مجود جودوه الجدودي=أهل النقا والطيب حرش الزنودي تاريخيهم معروف مابه جحودي =محد حجب شمس الضحى بروس الأقلام هذا زمان شفت فيه العجايب =طير الحمام يصيد صقر النوايب حتى غدا راسي من العلم شايب =من عاش يجرب كيف تقليب الأيام اعطتني الدنيا دروس وبصيره=والعسر له يسرين خير وخيره ومحال تصبح عين دايم قريره =بين الفرح والحزن نرقى للأعلام من يامن الدنيا تراها تغره =ابها تعشى اليوم ويجوع بكره والمنكسر يمشي ليا شد جبره =واللي بنى بيته في مسيال ينلام ماينفعه كثر المدايح بتطبيل =قالوله أنته شيخ ..شيخ المهابيل حتى غدا غرقان في زومة السيل =ومحد ترحمله ليا طاح ما قام أحفطك ياراسي عن اللي يعيبك =مانته هدف مرصود كل يصيبك ولاحد يوديك بعلوم ويجيبك =مثل الجبل معروف فاليمن والشام دايم مقدم فالعلوم الكريمه=اللي سوايرها سواير سليمه لجلك مع ربوعك في وزعه وشيمه=لك عز يارسي ولك قدر وإكرام البحر الاحمر ملح كله أجاجي=مايروي الضميان شرب الهماجي والنيل حلو الطعم فيه ابتهاجي =عذب قليل أخير من ملح لطام وختامها صلو على خير مرسول =محمد المختار بالطيب مجبول أعداد حلو الطعم في غصن محمول =بديت بالرحمن وباسمه ليا اختام |
أسعد الله أوقاتكم بكل خير
" " " " "
ويش القصايد كان ماهي فمعاليك =ويش كان بيت الود لا كان مو لك ياساحره هونك على قلب مغليك =توه نشا فالود ... والود يملك ماهو شرا بجنيه .. واللي مزكيك=مشرا المشاعر والوفا فيه يذهلك يابو جديل فوق ردف (ن) محليك =ما احلاك مقفي ولا نصيناك ماجملك ويابو عيون (ن) سود تقتل مراميك=أرحم صويب القلب ..ذنبه تأملك أنت على أهل الزين طالت مبانيك =ماظنتي في صرحك.. الغيد توصلك جدك عريب وخالك الحر يطريك =باسمك تعزوى المجد والطيب ظللك يامل قلب باعد (ن) عن مفاليك=كل ما ذكرك يون حرة مقابلك أسقيتني علقم عسا الله يسقيك =من كوثر الفردوس والنار تجهلك |
حداية الشيخ دحيم البشري وربعه في حفل مشاري بن عبدالله الزويهري
سلام يابد (ن) لنا من يوم أبوه ويوم جده=يا بيت ثابي والعواصف لو تجيه ما تهده حر(ن) شهر من ديرته لكن ماغير فعده=بد العزيري من بني مسروح بلآسم الشهير جيبنا بممدود الوفى والطيب للوافي نمده=وزعه لكم يابو محمد والوفا باغين رده حيث إن ربعك في حراك تمدلك حبل الموده=نبغى الخطا من يمكم تمشي سريعه ماتحير الرد من فواز بن محسن الزويهري
يامرحبا في مرحبا ترحيب ماينقاس قده=بربوعنا من لاد بشر أهل الوجوب المستمده اللي على سيسان مايخلف بناه ولا يضده=ساس ثبت بفعولنا وأنتم هل العلم المنير وأنتم لفيتوا بالوفا وراع الوفا واجب نسده=نوصل حبال العز وراع الطيب مانغوى فحده نمشي لكم لوحال من دون المباني سيل جده=يامرحبا في مرحبا والطيب له نهج ومسير |
السلام عليكم "" " " " " " "
ياحروف الشعر سلي خاطري بعد انكساره =سلي اللي لا بس(ن) من بز همه فغترابه كني الذيب الخلاوي بعد مافارق دياره=يوم حل فوسط شعب(ن) حزنه الماضي خلابه مايسيٌر فيه راعي من قفاره وانحداره=مابه عيون (ن) كريمه غير سرسوب(ن) شرابه واوجودي وجد مكسور(ن) تهقوى فالجباره=يوم فكوها تألم واكسروا عظمه قرابه حال منهو في ديار القوم يبغيله مناره=مير ماعنده عوين وكل يوم (ن) في طلابه قاصي (ن) بيته بعد ظلا من بيوت الصداره=مير باقي بالطبوع اللي تلبسه المهابه لا لفاه الطرقي اللي ذاق فالطرقه مراره=يكتسي ثوب المكارم لين ينسى ما مضابه ولانخاه الجار يِلْبس بالبياض جدار جاره =ولا سعى دون الطلب فص الطلب بالحق جابه ولايناظر في غزال مر مسرع من جواره=كيف ينظر في حقوق الناس وماعنده غنابه ياهل الفكره ترا قلبي غدا تشتب ناره=ثم غنى بالطروق اللي على عزف الربابه |
ياقلم خط المعاني واكتب اللي بالضمير=حبرك الدم الحمر من داخل القلب اسكبه بعد ما لدت عيوني فالصغيره والكبير=والغصين اللي تمايل بالثمر صار احطبه بعد ما طاحت كبار الروس والسيد حقير=والحقوق تضيع ويموت الذي شاح اطلبه بعد مالحرية اللي جابهت موج(ن)خطير=تنقتل قدام عين أبناءها مستغصبه لاعلى الدنيا سلام ولا على الأبطال خير=كان ماتقطع يدين الخير يد(ن) مرهبه كل عاقل من بني الإسلام نادى بالنفير=والجبان اللي تراخى وكاس ذله يشربه ياصلاح الدين وينك قودنا بسيف(ن) شطير=بنتك العذرا تنادي يايبه... وينك يبه بعد ما أهلي تخلوا عني بزيت وشعير=ولجل كرسي كم جلس فوقه عظيم (ن) واكربه دمع عيني اسكبه والناس من حولي كثير=مابهم واحد مسح عين اليتيمه واطربه يابيوت الشعر ليت الشعر فالجبهة خفير=والحروف ارصاص والشاعر عدوه يذهبه ليت إنكار العرب والشجب يسوا لو نقير =لو حصينا شجبنا وإنكارنا ما نحسبه ليت أنام الليل وأصبح وإن حالي صار غير =في يديني كل ظالم حتى صهيون اصلبه لو طلبنا المجد في غير الشريعه ما يصير =والعزيز اللي بيده سيف خصمه يغلبه |
ياقوافي الشعر يابيـوت الجزالـه=لاعبيني فالطريـق اللـي طويـل هاض هاجوس الزبيدي بالعجالـة=يردف المعنى على المعنى الجميل راكب اللي ما يبـا راع الجهالـه=خيل تجمح داخله تصهل صهيـل صنع نصراني خبير (ن) في مجاله=حس سلفه يطرب اللي له محيـل مع رفيق(ن) قرم كساب الجمالـه=لاكـذوب ولا جبـان ولا بخـيـل مثل صقر(ن) حر مايرخي سبالـه=ما يسير إلا على نهـج ودليـل فاتل الشارب منكس فـي عقالـه=يبـري العلـه ويـوزن للعميـل يارفيق الخير صاحبـك احتمالـه=شح والدنيـا علـى مثلـه تميـل ويش معزب ناقصه دايـم دلالـه=لا طبخها بـن مـا بهـر بهيـل ليتنـا جزنـا ولا جينـا حلالـه=ولا نظرنا ويش معه باقي حصيل صح ..ولد البوم مثلـه فالسلالـه=والخضير محال نسله نسل خيـل قالها اللي ما مشى درب السفالـه=ولا تكلم فـي فـلان بقـال قيـل وجدي الليله علـى راع الأصالـه=الكريم العاقـل الشهـم الأصيـل الـذي رام العـوالـي بالنبـالـه=والمدايح حـق فالرجـل النبيـل الذي عز الخوي وأثبـت حبالـه=سهل فالممشى وفي رفعة سهيـل زبن منهو في جـواره بالكمالـه=يفرج الضيقـات لطـام المعيـل في دياره مـا ذكرنـا قـط حالـه=صح نسل الذيـب مثلـه فالفعيـل قالها الحربي زبـون لكـل طالـه=ربعه الشامـات كالبحـر المهيـل الزويهر يوم غنـى فـي مقالـه=حط فوق الجـرح بلسـم للعليـل يفهم الفاهـم ويجهلـه الحثالـه=كيف يفهم فالمثـل واحـد هبيـل ياحروف الشعر يابيـوت الدلالـه=كل جيل(ن) عنك يفرق فيه جيـل |
ياهجوس الشاعر اللي لا لفاه الشوق غنا=ينثني مثل العويد اللي تثنيه النسايم ياهبوب الشوق ياللي جيتني بعطر المهنا=من سبب عطرك غذا قلب الأسد بالود هايم لا اصطبح مثل الأسير ولا غشاه الليل ونا=صاحب النجم اليماني يوم خال الفكر نايم من خشيف الريم يوم الريم سير في وطنا=ليت وإنه مادرج بخطاه في ذيك الحزايم كنه البدر التمامي يوم جانا ويتثنى =قبل يوصل ريحه مسكه يسبقه شجي الرخايم من عيونه صاب سهم الود في قلب المعنا=ولا تبسم كنه البراق يلمع فالعتايم أهيف الخصرين زين الرسم مامثله سحرنا=عذب حرفه ..وجود كفه ..ماتخليله لوايم طيب المنسب كريم الطبع ما يوم(ن) تدنا =من فراقه ضاقت البيدا ..وجو الود غايم ياطوير(ن) فوق دار الريم حلق لا تونا=بلغه مني سلام ..وقول لا ذلحين صايم واشرب بكاسه لعل الطيب من كاسه يصلنا=يمكن انذوق الذي ذقته ونذبحلك تمايم |
تهيضت وأبدع من القول طيبه =تماثيل فاهم وعاقل مجرب عرفت الليالي وما من كسيبه=وطول الليالي من الرجل تسلب وأم الكباير غدتلي خطيبه=والفقر أخوها لفاني يتحسب طلقتها بصبر مني وغليبه =والعلم للفقر يقهر ويغلب عجيب الزمان الذي نرتهيبه=ليا اقبل بضحه ببكوات يقلب واداري على اسمي سوات الحبيبه=ادراه عن ذيب فالضلع يقنب ولامشي فمراغه ولا خط ريبه=ويستاهل اللي مشى قبل يحسب ومن عاش يسمع حكاوي غريبه=ويشوف منكرمن الناس واعجب وراع الذهب وسط سوقه يجيبه=واللي غوى الدرب بالبخس يكسب وزمل تخالط جمال جريبه =بالعقل ذيكه مع الجرب تجرب وراس مسكته بعد جت مصيبه =مافاد مسكه ولو له ابا اعصب عزوم الفتى قبل وقع العطيبه =لسبابها السود يقطع ويعطب وبيض المحاجر تشتت كتبيبه =ورجل (ن) تبعهم لخسرانه اكتب وبعض النسا مثل فاطر نجيبه= تداوي عليل الجروح المغرَب والبعض منهم سوات الدبيبه=بالسم تلدغ مع الناس عقرب والذيب بنته مع الناس ذيبه=والبوم بنته مع البوم تلعب واللي يبا الزين يدفع ضريبه =يغليلها المهر والخيل يركب والعشق ماله طبيب وطبيبه =الوصل داه ودواه المركب ورجل بلا دين يقفى بخيبه=سولت السفينه بلا شراع تنكب والرجل ماشفت شيئ (ن) يعيبه=ياكود الفقاري عيوبه تشعب واللي بلا مال محد(ن) دريبه=واللي معه مال بالشيخ يلقب والمال يبني بيوت (ن) خريبه =ورجل بلا مال من ذل يشرب تماثيل شاعر بيوته عجيبه =كما ذوب من نايف الوقب يجلب خصيت فيها العقول اللبيبه=والنصح مني على القن يضرب صلاتي على خير من نقتديبه=أعداد ما الغيث من مزن يسكب |
حداية محمد بن عاتق الأنصاري في حفل عبد العزيز الزويهري
اعداد همّال المزون اللي من المنشأ تهامل=واعداد ماخط القلم بالخمس من رؤوس الأنامل سلام يابيت(ن) على الأركان في مبناه كامل=فيه الرجال اللي تعز الضيف وتمد الجميل جينا بعد جتنا الدعيه قدرلأهل النوب شامل=أنتم وحنا وصلنا وقت اللقا بالعزم صامل والله كريم الوجه مايخيب رجا مجهود عامل=والظفر دايم بالمعزه كال والاّ يستكيل الرد من فواز بن محسن الزويهري
يامرحبا في مرحبا والطيب له نهج ومقابل=أعذب من الما لا نزل من هادج لاحط وابل لهل الوفا والطيب والمقدار من نسل الحمايل=الله يحييكم على التكميل والعلم الجزيل وانتم لفيتو بالوفا وراع الوفا له درب واصل=نوصل حبال العز وقدوتنا على الطالات عاقل وأنتم وحنا فاللوازم سيف له ميقاف باسل=يسطى على الجبهات ويرد المحيد للدليل |
السلام عليكم وأسعد الله أوقاتكم بكل خير / / / /
القمر في وسط يدي والثريا والنجوم=والغزل اللي سحرني والعيون الناعسات بعدهن ماصرت أعاين في مليحات الرسوم=البنات اللي غوانج والطعم سكر نبات المحيا صبح بادي ..صبح لابسله هدوم=كم خدعله من شروقه مذن نادى الصلات شمس شعت نورها من وسط مركوم الغيوم=مايرد النور يهل الود هلهول العبات من وصوفه كن قلبي تلفحه حوم السموم=ومن وصوفه أمست عيوني حزينه ماتبات ريم كاعب يوم يمشي ينظر ويرمي سهوم=كم قتيل (ن) من عيونه اندبوه الباكيات ياخشيف الريم يامسير على ذيك الحزوم=ليه تكسر مشيتك وانته سبوق العاديات جاك مرسولي وبين السطر والثاني علوم=ليت تقراه بتأني وتحفظ حروف الهجات أرفقوا يهل الهوا باللي معنا لوِ يوم =يوم منكم عن سنين العمر يازين الصفات جعل لايم لامني وسط البحر حظه يعوم=ثم يصبح زاد حوت ويحتسي مر الممات |
السلام عليكم " " " " حداية الشاعر القدير محمد سعد اليوبي الحربي في ملتقى قبيلة حرب وهي على لون الشقر وهو مايعرف في اللغة بالجناس والرد من الشاعر فواز بن محسن بن لاحق الزويهري الحربي أرجو أن تنال القبول والرضى
ســلام يادارٍ عزيز وواجبــه دايم نمرة=ردية مثل العسل أثني بها في كل مرة الوقت داير والليالي دايرة حلوة ومرة=مرة تجينا بالحلا وأحيان يخلطها مرار الثانيــة الرجـل قالـوا حـزت الميقـاف موقف=وأنا ليا منه دعاني داعي الأصحاب ما أوقف ولا صغت اللي تشــابــه قافهــا في كل موقف=أنصـــا بهــــا قبايـل حـــرب يانســل الحـــرار الرد من فواز
يامرحبا طاب السمر ياصاحبي والليل قمرة = تنصى وجيه (ن) في لزوم أصحابها بالطيب قمره الله يحيكم على كوم على المجمار قمره=نقولها.. وأنت معزب في محلك لك قرار والثانية الرجال في لا زم بني عمه مشرف=وراس الجبل بين السهل والشعب يالصاحب مشرف وإن حاد فالأعراف عند العاقله لابدْ مشرف=حتى تقره بالخطا ويصدر على فعله قرار ............ 1-قمره ليلة نصف الشهر 2-قمره وجه أبيض 3-قمره مقمر على الجمر 4-قرار مكان ........ 1-مشرف مكرم 2-مشرف مطل ومرتفع 3-مشرف أي يشرفون عليه عند أهل العرف 4-قرار بيان [/align] |
قال فواز الحقايق بالبيان =من هجوس ن ماتعرف الإنخداعه من يقول الحق عِزْ ولا يهان=ولا يقول الحق من عنده طماعه ياعضيد الجنب يارس السنان=ويش ترجا من مذعين الإذاعه سرك المكنون في شام ويمان= لجل من جبته لسرك غدر باعه ويش ترجا من عصاة الخيزران =ماتوكيك فطريق أهل السناعه مايوكي غير مليان البطان= مايهز إليا الهوا حرك ذعاعه انظر بعينك وشوف العقربان =كل منهو مسها مست ذراعه ماعليها لوم.. لوم البهلوان=مير بعض الناس ماعنده قناعه ولا تقرب من شبيهين الحصان=ماتسر فعولهم عند الشجاعه أركب اللي لا نهض جاب الرهان =أسمه المذكر مقرون ابراعه وإن ورت البير فحبالك متان =والرموث من الحبال أرجاانقطاعه وأنت ذيب(ن) خابرينك لك مكان =كم ردي ن صوتك المشهور راعه وأنت درعي في تهاويل الزمان = الجبل ماهمني بك اقتلاعه جاك مرسولي على حرف ومعان = واختم بذكر النبي راع الشفاعه |
السلام عليكم ورحمة الله وبركاته
هذه الحداية تغنى بها أبناء الشاعر الكبير صالح بن رويجح المطرفي وربعهم المطارفة من هذيل وهي من نظم أبو خالد الله يحفظه في حفل الشاب ماجد بن عبد الله بن دخيل الله الزويهري في قصر السلام بالشرائع والثمن من الشاعر فواز بن محسن الزويهري
الأوله سلام حشمة من دعانا في قراه =حشمة زميل يستحق الطيب من كل اخوياه ننخاه باسمه ماقصر وليا زهم تسمع نداه=ماجد وأبوه وكل ربعه فاللزوم يكملون والثانية حنا هذيل وكل حب من ذراه=تاريخنا يشهد لنا والظفر مانشقر عصاه وأنتم سلالة حرب والغالي نزود في غلاه=والنعم في كل القبايل يارجال تسمعون والثالثة نسمع وشفنا رجل يامكثر خطاه=رجل يلف اللي يضره من تحت كم العباه الجاهل أقدا فيه والعاقل يعافه ما يباه=لكن الأثنين اشركا فاللي حصل ما يعلمون الرد من فواز بن محسن الزويهري
يامرحبا ترحيبة مثل العسل للي جناه= وأعذب من الما لا نزل من هادج حلو رواه [/quote]أنتم لفيتوا في حلال الطيب ورجال النقاه=الله يحيكم عدد ما هل وبال المزون والثانية حنا بنينا الساس وأعلينا بناه=وأنتم شهوده والعرب ماحد ينكر ما رآه واحنا لنا وسم ومحل وعرف ماتنكر سناه =وأنتم هذيل أهل الوفا منزالكم نون العيون والثالثة الدخان واللي يشربه ربي بلاه=والعاقل اللي مثلكم ياصحابنا يعرف دواه هذي حلول اللغز ياراع النبا تسمع صداه =الله يحيكم على سبل الوفا ولابه ظنون |
السلام عليكم ورحمة الله وبركاته أسعد الله أوقاتكم بكل خير " " " " "إلى أخي القدير والغالي محمد عبد الله البدراني مع التحية
أبتدي مبدا الرجال اللي حشام =يوم كل(ن)عند مبداه احتما [/quote]التحية من رفيقك والسلام =مثل عذب القطر من بنت السما عادة الحربي جنوب أوكان شام =مثل عد(ن) من يروده ماضما يوفي الوافي وله نهج ونظام=والهدف صابه ليامنه رما يامحمد ياصقر يابن الكرام =كم حمينا لحرب ميقافن طما العزاوي دونها شد اللجام =حرب نفديها بمنثور الدما والأصيل إليا تعزوا مايلام = كان ربعه مثل حرب أهل الحما والشعر يهل المعاني كالحسام =والحروف نقود للمعنى سما والقصيدة مثل بكرة بالخطام =وسط سوق الزين صاحبها أقدما والعرب كل (ن) بشوفه له علام =تفرق الطيب عن اللي ربما والمزاين فخر لصحاب المقام =أنظر لذود (الطهيمي ) وأعلما والهزيله فوجه صاحبهاتسام =بالرخيص تباع ولدون أسلما مثلها مثل القصايد يالهمام =والقصيد الجزل لزين انتما قالها فواز واختام الكلام =كل من صلى على أحمد سلما وعليكم السلام ورحمة الله وبركاته واسعد الله كل اوقاتك بالخيرات وكل اوقات الاحبة هنا باليمن والمسرات ويسعدني الرد على قصيدتك بكل سرور وامتنان لشخصك الكريم راجيا من الله التوفيق والسداد :
من بدأ مبدأ الرجال اللي تمام = ماعليه من الملامه يانما ..والتحيه ردها فرض التزام = مثل ذوب الشهد وازكى واطعما ومن عوايد حرب وافين الذمام = لازما الطيب ترى الحربي زما والوفاء لأ هل الوفاء في كل زام = مايغير منهج الوافي عما وانت يافواز لك كل احترام = ياوسيع العرف من قبل آسما والمعاني مثل ههمّال الغمام = عذبها ياشوق عذبات اللما ومن تعزوى يحتمي الماقف لاقام =مايتوانى عن لزومٍ يلزما واحدً من حرب عن كل الانام = وقفته تكفيك عن مثل وكما بالوفاء والطيب في ذروة سنام = ياصل الحربي بمجده للسما ياعريب الجد من خال وعمام = ماستوى مبناك واحدن يهدما وباج ديجور الدجى واجلى الظلام= نور حقٍ كل ماشع شع نما للملا علمٍ مٌبين ولا يضام = من تبع للحق دامه يعلما ومن بغى للطيبه مثلك ورام = للعلا يبلغ ولاهو يندما وفاز يافواز من صلى وصام = ومابقى بيني وبينك مبهما . . وهذه تحيتي مع اسمى ايات الشكر والامتنان فائق التقدير واطيب المنى رعاك الله . . . |
السلام عليكم ورحمة اللع وبركاته : : : : " أسعد الله أوقاتكم بكل خير إلى الشاعر القدير غالي بن ربيعان مع التحية
تولم ياقصيدي وألبس بشوت المعاني انظاف =وخذلك من شماغ الحرف فاخر ..والجزيل اعقال [/quote]تطيب من فعول اللي بدع حرفك على المحراف=وأخذلك من بنات الفكر فكرة تعجب العقال أنا برسلك يم الشاعر اللي يحتمي الميقاف=سلام الله لياجيته عليه يرد فلإقبال ولستوفيت حق الضيف (وغالي )يكمل الأضياف=عطه علمي بدون قصور قول العلم بالأمثال وقله ياعميل الخير سوق الناس فيه اخلاف =بعد جاه الفقاري يشتري بالدين والآجال يبا يزاحم هوامير البلد فالسوق بلإجحاف=يبا يشري من الغالي ولكنه قصر ما طال خسارة لن شرا وإن باع ..كيف يبيع ما ينعاف؟=تورط مع هل الخبرة وروس(ن) تقطع الأذيال شكيله ما ربح فالسوق ولا ياخذ ولو مغراف=نبا حكمك في هذا الأمر قبل فسوقنا يحتال نصاك الحرف مابه سرف وسط الظرف فيه أهداف=عسا حرفي ليامنه وصلك تكون فأحسن حال سم طال عمرك واسف على التاًخير | \ |
هلا يامرحباوالسيف قالو صاحبه سياف=على مبدى الشجاعه والشكاله مايجي جهال بعد ماجيت يمي طالب التقرير بالانصاف=تسلم ردي اللي يحسم الموقف بدون جدال قسم بالله من قالو رحل عن دارنا صياف=تبي تسمع كلامً قيل يافواز ماينقال عزيزين النفوس عزاز وضعاف النفوس ضعاف=وكلن حسب منزاله يبي ينحط له منزال مع الايام ما يخفا لزوم انه يبي ينشاف=بسوق المعرفه ما يكسب الماكر ولا الدجال وراع الدين لو يربح يشيل ارباحه الصراف=غناوي فالمساء والصبح لصبح مابيده ريال تحزم ياعميلي واحتزم والشعر ماينعاف=هنا في ملتقى حرب العزيزه خله المدهال بنات الفكر تقطف من جزيله كل نون وكاف=خفيفات الحمول خفاف وثقال الحمول ثقال |
السلام عليكم ورحمة الله وبركاته
أسعد الله أوقاتكم بكل خير " " " " " " "قصيدة موجهة إلى أخي نواف بن محسن الزويهري أرجو أن تنال القبول والرضى
ماينحني راسي وأنا عزوتي حرب= زويهري دايم على الحق ماضي اسمع كلامي إن كنت ناوي على درب=لا تمشي ألا في دروب البياضي قبلك ترا سجيت فالشرق والغرب=واتعبت رجلي كل ما البرق ناضي وقطفت حلو التين من قانع الشرب=غصن ليان وبذرته من حياضي من بعد مر الحنضل اللي من القرب=غضيت طرفي عن فعيل المراضي ترا قريبك لو يعاديك يلهب = قلبه عليك ولجلك الصعب خاضي أخوك يانواف يوصيك يالذرب=أحفظ وصاتي يوم ذا البحر فاضي أول وصاتي حبلك اللي مع الرب=شده وخلك فالمقادير راضي من يرضي الرحمن ما صابه الصعب=ولا تهمك الدنيا ترا إلها اعتياضي وأبعد عن أهل البور بعدك عن الجرب=رجالهم ياخوي كالزير فاضي مايروي العطشان ولا له أبد جنب=وليا نخيته كوكا قدمك وباضي وابحث عن اللي فاللوازم مدرب=وادي فحل يسقي جميع الرياضي وأحلم عن القاصين ..ما بالك القرب؟=خلك وسيع الصدر وطبعك رياضي ترا عيال العم في ساعة الكرب=تسرك فعول السيوف المواضي أحذر يباعد بينك وبينهم غرب=ترا الغريب يغيب وغصنه غضاضي وترا القبيلة ظهر للوافي تذب=خلك مع ربوعك سريع انتهاضي والرجل بفعوله وبالفعل ينسب=لا تقول أبويه شيخ والجد قاضي أفخر بفعلك يالعريب المحسب=وأحسب لخطواتك طوال وعراضي واعداد ما حروف الهجا اليوم تكتب=ذكر النبي فآخر حروف اهتياضي |
السلام عليكم ورحمة الله وبركاته
" " " قصيدة موجهة للمقبلين على إكمال نصف دينهم أحببت أن أوشحها ببعض صفات فتاة الأحلام والحمد لله مجتمعنا وفتياتنا فيهم الخير الكثير وإليكم ياكرام
أقبلت ترقص على حرف القصيد=الهجوس اللي على زين اللحون بعد سجيت الفكر في كل صيد=واتخير فالسمان وفالبدون أبدع الفكرة ومعناها جديد=وارسم اللوحة بها من كل لون يانديبي فوق شيصان الحديد=وارد الإحدعش مرغوب الزبون يطوي الإزفلت وفالصحرا فريد=صنع نصراني بدعه من الجنون أوصل اللي فالمكارم له رصيد=جنبي الأيمن وسيفي فالحزون ثم قله اسمع العلم المفيد=ومن سمع من من يعزه ما يهون من يكمل نصف دينه به نشيد=سنة المختار ماعنها شطون والأصيلة من تخيرها سديد=والبنات ابهم عوالي وفيه دون الأصيلة من منابتها تجيد =مير خضرات الدمن فيها الطعون وقبل ذلك دين فالعذرا وقيد=والجمال إن كان تبحث فالعيون ماقصدت وساعهن ما ذاك أريد=قصدي اللي عن سواك تغض نون والملاحة خير والطبع الحميد=ولا حياة مع لجوج حت بطون وأحذر اللي بالعباة إلها وديد=ماتخلي بيت ما فوقه تمون عندها أخبار القريب والبعيد=وماتخلي سر في حرزه كنون وأضفر بنت المكارم يالجويد=لا لفاك الضيف تلقاها مزون تكثر الترحيب ودلالك تزيد=من بهار الهيل ولوجهك تصون بنت شيخ فاللوازم ما تحيد=تنجب اللي مثل خاله إلك عون وإن لفيت البيت كنه يوم عيد=ماتزن ولا تون ولك حنون البنات إلهم طبايع يالعقيد=قم تخير في كسيرات الجفون وأنصت لقولي ترا قولي وكيد=والتحية والسلام إلكم تكون |
الساعة الآن 03:00 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir