|
مرحوم يا صّياف يـا شاعِـر الحـروب=يا شاعرٍ سجّل حضـوره فـي الميـدان طاريه ما ينـزاح وإسمـه فـي القلـوب=مِن سابِق الازمان إلـى تالـي الازمـان عِلمه وصل للشّـام والشّـرق والغـروب=وارض الجنوب وقِـد تعـدّا لكُـلّ مكـان باابيات شِعر تسير مِن واسِـع الـدّروب=سارت بامان الله وحِفظـه لهـا ضمـان والله يحميهـا مِـن النّـقـد والعـيـوب=تشبـه للوحـة فـنّ وبريشـة الفنّـان وإن مات ( إبن عوّاد ) للشِّعر مِن ينـوب=مِن حرب ( قوم الحرب ) بالسّيف واللسان صانـوا مواقِهُـم ولا بينهُـم مغـلـوب=فُرسان هيّـه والمواقِـف لهـا شُجعـان ويالله يـا مطلـوب يـا غافِـر الذّنـوب=يالواحـد الدّيّـان يـا رب يـا رحـمـن اغفِر لابـن عـوّاد ولكُـلّ مِـن يتـوب=واجعل لهُم يا رب فـي جنّتـك مِسكـان وصلاة ربّـي عِـدّ مـا هبّـت الهبـوب=على النّبي الهاشمي المصطفـى العدنـان |
سبحان من كل البشر قدمه اضعاف=جل الذي نرضي بحكمن يريده يفني بشر ويجدد اشكال وأصناف=يفني ويخلق والملا قبضت ايده وذي حكمت الله من قديمات الاسلاف=تروح ناس وناس تخلق جديده واليوم جا علمن يضيق وينعاف=موتت فقيد ولاهو ايه فقيده عزالله الشعر من بعد صياف=ماله حلا لو زاد نظم القصيده ياجعل له في جنة الخلد ميقاف=ولعل قبره له حياتن سعيده يبكيك كل الشعر وبالوزن والقاف=ويبكيك من يتعب لنظم الفريده ويبكيك كل الشعب منكل الاطراف=وشلون لايللي صفاتك حميده عساك فالجنه مع الناس الاشراف=ويرحمك ربن كلبونا عبيده |
وادع علم حرب ورحل عن وطنا =الله يثيبه والله انه يحله صياف بن عواد زبن المجنا =عسى الولي بظلال عرشه يظله يا ما وقف في ساحة الشعر عنا =يرقى بنا في كل عيطا مطله لو كروا الشعار منا ومنا =ما صار في قلبه من الخوف ذله وحنا معه في كل ميقاف حنا =واخصامنا من هيبته مستشله ليت الليالي لـ أبو مفلح صفنا =او ليتهن على البقا مهلن له وحنا قبيلة حرب عقبة حزنا =وذويه واقرابه وربعه ومن له لو بالمساوم بالذهب لو وزنا =ما يأخذه طلاب ولا يصله والموت حق وبالاله استعنا = ننعى السحيمي بالصحف والمجلة وجمهورنا في شامنا وفـ يمنا =كل على صياف دمعه يهله وشعارنا كفوٍ بهم ماجهلنا =لكن ما كل يحل بمحله |
كان لقاء مع الشاعر / محمد بن طمحي الذيابي بجريدة المدينة لهذا اليوم ،، و قال هذه الابيات بالشاعر/ صياف الحربي
يامعشر اهل الشعر والناس الاشراف =اللي لكم بالطيب قامه وهامه بالله عزو الشعر في موت صياف= عساه في الجنه تخلد عظامه وعزوا قبيلة حرب من كل الاطراف =اهل الكرم والطيب واهل الزعامه انا اشهد انه جامعا كل الاوصاف =فرض على كل الجميع احترامه |
أحدٍ يموت وموتَـته ماأثـرت شـي=واحد يموت ويصبح الحي مذهـول البارح الساحة نباهـا نبـنٍٍ سـي=لو النبأ عن حـق ماهـو بمقبـول علمٍ يغـص بعبرتـه كـل حربـي=على فقيدة كوكب العرض والطـول نجم سطع واضفى على السابعه ضي=أثرى الخليـج ولوتخطـاه معقـول بحكم الأدب شهرة كرم حاتم الطـي=في ساحة القلطة لصيـاف مدلـول وأهـل الأدب تنعى فقيـدة عوانـي=كن الأدب بغيـاب صيـاف مشلـول يشهد له اللي دم قلبـه ماهـو نـي=ومهما يقال انصاف صياف مقلـول حقه على الإعـلام مدبـول وثـري=ليه العلـم حقـه بالإعـلام مغلـول اللي مثل صياف لو كـان مـن أي=يحيا علم وإن مات مامات مجهـول واللي عليه من الوفـا يعتبـر لـي=ولاعاش من سيفه على حرب مسلول بس أتململ وأفرك الصـدر بيـدي=كل الكلام يقول لي وش تبا تقـول وأقول دنيا الحـي ماخلـدت حـي=يأتي لها محمول ويـروح محمـول وأحد يموت من الهرم موتة صبـي=وأحد يموت وحزن فرقـاه للحـول عزاي ابو رامي وعزوة بني خـي=مادام راشد حـي الأبـداع مكفـول طبيب يفصد عرق والفك لـه كـي=باب الثقه مفتـوح والشـك مقفـول ماقال هذي هي لو هي ماهـي هـي= بعد النضر يأخذ به الحـق مدبـول وما قل دل وزبـدة الواجـد شـوي=وكل عن اللي تنطق شفاه مسـؤول |
الارض تهتز دون طويـق وتطشـه=والبحر من صلف موجه ماهو برايـق والليل كنه يشـوف النجـم ويخشـه=والغصن طيره غفى عن صبحه الفايق والسجن جاءه الطليق بنفسه ودشـه=والجو حتـى بروقـه دونهـا عايـق واللي على الجيب وقف والكفر فشـه=والجيب قبله توجد وازعـج السايـق والدمع منديلـه اللـي دايـم يمشـه=اليـوم مايقـدره منديلـه الـوايـق بعير الاشعار طـش البارحـه قشـه=واقفى وذقنا مـرارة حزننـا اللايـق صياف مات وتـرك بقلوبنـا وشـه=واحزان بعيون ناس تمـر وتوايـق ياثقل مزن العيـون وياكثـر رشـه=على مراتع خدود الحربـي الضايـق اللي توجع وقـال: بحيـره ودهشـه=ياحزن مستور وحبيب وابـن شايـق ياويش ابقول وانـا داخلـي ربشـه=الا ترى ( الشعر ) بعده ماهو بطايق |
أعزي قبيلة حرب في موت صياف=خطب جلل والفاجعه في كنفها سيف يشرفنا على كل ميقاف=وله وقفة ماكل شاعر وقفها وليا غدى بالسوق أرباع وأنصاف=يصرف جنيهات الذهب ويعرفها بنت الهوى من عقب صياف تنعاف=ولاعاد فيها ذوق يامحترفها الموت حق وسنة أجيال وأسلاف=والا الحياه الله يكافي كسفها الله( يبيحه) عد ما هل وكاف=وعداد من دمعة عيونه ذرفها وعساه بالجنه مع الصحب الأشراف=آمين يسكن ياآلهي غرفها |
ياللي تزيل الهم وتنفس الكرب = بأمرك وتدبيرك تدير النسايم ياللي تسيرها من الشرق للغرب = نطلبك عفوك يا عظيم العظايم يا فارج الكربات تجبر عزا حرب = في شاعرٍ ما طب سوق الشتايم شاعر علم ما أحدٍ وقف له على الدرب = ما يرتبك لو قدمه البحر عايم ينقد ذهب.. ما يقبل الطرح والضرب = وعن ما ينزل قيمة الشعر شايم لعل منزاله مع الحور عن قرب =في منزلٍ مافيه حر وسمايم في منزلٍ يهني له الأكل والشرب =يحلّ به صياف ويقيم دايم |
رحم الله صياف وأسكنه فسيح جناته
شاعر كان مدرسه في الشعر والأخلاق اجبر الله عزا اهله فيه وعزا حرب كافه ومحبيه
وابوك ياوقـتٍ كثيـره بلاويـك = ياما افقدت عيني من الناس غالي ....................مرحوم يامن دمعة العين تبكيـك = يامن على روس المراقيب عالـي صيّاف ابن عواد مااحدٍ بناسيـك = ياابن الحرار اللي تفـك التوالـي تدحم بجنبٍ منه ضايق معاديـك = واللي تنكرلك مايسـوى ريالـي تبكيك حرب اللي تنومس بطاريك = وعزوة شبابه في جنوب وشمالي والمملكه وارض الخليج ومحبيـك =ويبكيك شعرٍ بآخر الوقـت بالـي ياشاعرٍ باالقاف وينـه مجاريـك = يامدرسة نقض وفتل وارتجالـي تاقف مواقيف السعد حين يدعيـك = الماقف الغصاب مثـل الجبالـي ماغيرت سـود الليالـي مباديـك = ولاتشتري هزله وسـوّام غالـي من خلقتك طيب ولاحاشت يديـك = الاّ المراجـل كايـدات المنالـي ياهادم اللّذات وش فيك وش فيك ؟ = تنقـا شيـوخ القـوم ياهملالـي تغيب ياصياف والنـاس تحييـك = فقلوبها وذكرك حشـاه الزوالـي عسى الولي من واهج النار ينجيك = وعسى جنان الخلد هي المآلـي . رحمك الله ياصياف وأسكنك فسيح الجنان . |
البارحه يـوم المخاليـق هجـاع=عيت لذيذ النوم عينـي تشوفـه كن اللهايب تشتعل بين الأضـلاع=يزداد واهجهـا وقلبـي تلوفـه سبت خبر عبر القنـوات ينـذاع=موت الصديق اللي قليله وصوفه يالله عسى له جنة الخلد مربـاع=واقبل دعاء عبداً رفع لك كفوفـه مرحوم يا صياف يا رمز الابـداع=ياللي حزيل الشعر سطر حروفـه قدم درر للشعر من كـل الأنـواع=يجيب صعبات البيـوت معسوفـه يا فارس القلطه ويا دمث الاطباع=له هيبتا بيـن الملافـي وقوفـه من بعدكم ما نفقد الشعر لو ضاع=ولو كثر شعاره وكثروا صفوفـه يا كم بدرا غاب من بعد مطـلاع=ويا كم رثينا واحدا مـن سيوفـه حكم القدر لا حان ما عنه مرجاع=ودنيا المآسي ما عليها حسوفـه |
|
يـامــن يعـزيـنـي بـفـقـد ابـــن عـــواد=وانـا مـن امـس محـارب النـوم عيـنـي تبـكـيـك يـاصـيـاف ربـعــك والاجـــواد=ويبـكـيـك ود(ن) بالضـمـايـر دفـيـنـي ياحصـان حـرب اللـي اليـا قـال ماحـاد=ياشاعـر المعـنـى بـقـاف(ن) سميـنـي تشـهـد لــك العتـبـان ومطـيـر شـهٌــاد=وتشـهـد جهـيـنـه مـقــدم العارفـيـنـي وتشهـد سليـم بحلـة الـربـع مــن غــاد=وهـذيـل تشـهـد والـعـرب شاهـديـنـي عليـك عيـنـي تــذرف دموعـهـا ابــداد=ولاالـــوم عـيـنـي يابـلـيـس اللعـيـنـي الـمـوت حــق وكـلـنـا بـنـدخـل الـحــاد=والمـسـعـد الـلــي حـازدنـيـا وديـنــي مااحد(ن)اليـا جـت حزتـه لحظة(ن)نـاد=لاشـــك يــذكــر غــفْــلْ والافـطـيـنـي وانـا بطـاري قـاف والـقـاف لــه جــاد=صـيـاف ابــن عـــواد طـلــق اليمـيـنـي الملعبـه مـن عـقـب ابــو مفـلـح انـكـاد=قـامــت تخاطـفـهـا سـبــاع القطـيـنـي مــن صغرسـنـه مامـشـى درب الانـقـاد=ولـمـقـارع الـشـعـار مــالــه عـويـنــي صـيــاف يارمز(ن)لـلاشـعـار واسـتــاد=يالـلـي لفـقـدك قــام يـنـدى جبـيـنـي حمـلـت رايــة حــرب يـاعـرْب الاجـــداد=وابـلـيـت زيــــن ولاتـلـفْـظٌـت شـيـنــي لـك ماقـف(ن) مابـيـن مـصـدر ومـيـراد=ومـثـبْــتــه راع الـــكـــلام الــرزيــنــي يافخْـرَنـا وســط المـحـافـل والاعـيــاد=يادرعنـا اللـي قـاسـي (ن) مايليـنـي تـاريـخ حـافـل بالمـعـالـي والامـجــاد=مــن مـثـل ابـــن عـــواد ياسامعـيـنـي لاعــاد يــوم(ن) غــاب صـيـاف لاعــاد=عقبـه محاجـر نـاضـري شــوك تيـنـي مــابــه مــنـــام ولاتـهـنـيــت بــرقـــاد=والعـيـن تـدمــع والـشـقـا زاد فـيـنـي وانـا ادري ان بـكـاي فـرقـاه مـافـاد=لاشــك مـابـه حيـلـة(ن) فــي يديـنـي مـالـي جــدا كـــود الـبـكـا والتـنـهْـاد=يـسـراي تصـفـق مــن فـراقـه يميـنـي الله يبـيـحـك عـــد مـايـنـطـق الــضــاد=اليعربـي .. بلسـان فصحـه .. يبيـنـي عسـى ان لـك فـي جنـة الخلـد ميعـاد=وبـك نجتـمـع مــع سـايـر المسلميـنـي وعـسـى بقـبـرك بــارق الـنـور ينـقـاد=عـســاه جـنــه وردهـــا لـــه يـزيـنــي مرحوم ياتاج (ن) على الراس واضماد=مـرحــوم ياذخـر(ن)لـنـا كـــل حـيـنـي عسى البقـا فـي حـرب شعْـار وافـراد=وعـسـى آخــر الاحـــزان يامْحزْنـيـنـي |
بالشعر ابا ارثي شاعرٍ معروف=واليـا رثيتـه مالـي اللايـم من موتته ضو الشعر مكسوف=ولادايـم الا وجهـه الـدايـم عيت علينـا موتتـه لاتطـوف=خبـر وفـاتـه روع النـايـم صياف موته كنـه العاصـوف=خلا الحزن فـي جونـا حايـم تبكي عليه القلطه ام صفـوف=والـي سعدهـا بسببـه قايـم ويبكيه من هو بالشعر مشغوف=والي عن الشعر الردي شايـم وتبكيه حرب وغير حرب اولوف=شاعر ولبحور الشعـر عايـم اليا لعب تعـال بـس وشـوف=يجي الفجـر ماتحـس بالتايـم ابيات شعـره فتلهـا مخلـوف=ماهو من الـي للشعـر ظايـم يالله عساه برحمتـك محفـوف=مع عبدك الي ساجـد وصايـم نبينا الـي بالكتـب موصـوف=صلـو عليـه ولومـو اللايـم |
ياحرف شعري سوق لي طيب القاف=عساه يطفي عـن فـوادي هجيـره بنعي بشعري شاعر الحرف صيـاف=عساف صعبات الحـروف العسيـره لو إن بعده نظـم الاشعـار تنعـاف=لجلـه علـم فالـرد محـد ٍ نظيـره لكـن لـه حـق ٍ علينـا وميقـاف=نشهر صدى ذكراه في خيـر سيـره صياف شاعر عنه عجزن الأوصاف=باني نظم شعـره بفكـر و بصيـره عميق في معنـاه قصـاف الأهـداف=شعره كمـا جـم البحـور الغزيـره شاعر يدير الحرف من رأس مشراف=رفع بشعـره صيـت كـل العشيـره يبني حروفه لو على ضيق محـراف=دكتور في نظـم القصيـد و خبيـره من معجزات الرد بإجماع الأطـراف=فالشعر حاز أعلى مراتـب شهيـره سجل له التاريخ وأنصفـه بإنصـاف=على الخليج وكل صحـراء الجزيـره وننعيك يامن هو للأشعـار صـراف=تنعيك ربعك حرب فـي كـل ديـره و القافيـه تكثـر عليـك التحسـاف=وتقول أنـا صيـاف ماريـد غيـره والملعبه فيها الخلـل بـان ينشـاف=تمشي على عكاز عرجـاء كسيـره ماهو بنقص بحق غيره ولا اجحـاف=لا والذي منشـي المـزون الغزيـره لكن شعره دُر فـي قلـب الأصـداف=يحْمـل معانـي ساميـات ٍ خطيـره خفيفـةٍ مثـل النسايـم والأطيـاف=بتـارة ٍ مثـل السيـوف الشطيـره أسرار حرفه صعب تعرف و تنشاف=الا بقـامـوس ٍ ولجـنـه كبـيـره كم شاعرٍ قالـوا بالأشعـار عـراف=طافت علـى فكـره معانـي كثيـره إلا علـى صيـاف محـال ينخـاف=امبرمج ٍ كل الشعـر فـي ضميـره واليوم ننظـم شعـر والدمـع ذراف=من بعـد وادعنـاه نظـرة أخيـره ننعيـه وأكثـر قافيتنـا عـلـى آف=من حب أبو مفلح جميـل السريـره ونطلبك يالله عد من حـج او طـاف=وعـد الكواكـب والنجـوم المنيـره تجعل قبر صيـاف للخيـر مريـاف=وتسلمـه يـوم الزحـام وتجـيـره وتحط له في جنـة الخلـد مضيـاف=وتخلـي الديبـاج مفـرش سريـره وتعوضنا بعـده للأشعـار عسـاف=خليفـةٍ بعـده يـقـود المسـيـره |
يا الله يا منزل تبـارك والأعـراف=يا حي يـا قيّـوم يـا ذو الجلالـي يا واحد أمرك على النـون للكـاف=وانت الكريم اللي عليـك الآمالـي أدعيك يا معبـود تغفـر لصيـاف=وتجعل لـه بجنتـك نـزل ومآلـي اللي مشرف حرب في كل ميقـاف=بالعقـل والحكمـة وطيبـه مثالـي يرثيه وزن الشعر والطرق والقاف=وأهل الوفاء من طيبين الخصالـي بالشعر لا يخطي ولا هو بمزهـاف=ولا هو من أهل الغطرسة والتعالـي ركن من أركان الشعر بالشعر ناف=عن كل عيـب يعيبـه والهزالـي عسى الرسول اللي تفدى به أسلاف=يشفع له بيوم الحشـر والسؤالـي يا رب يا مـن ينترجـى وينخـاف=لتظلله فـي ظـل عرشـك ظلالـي وإعداد من لبى ويسعـى ويطـاف=على الرسول أفضل صـلاة تقالـي |
صياف راح وراح قبلـه ملاييـن=لاكن ظني مايجي(( مثل )) صياف يالله تثقـل صفحتـه فالموازيـن=انت الذي ماغيرك اليـوم رواف امسح ذنوبه مثل مايمسح الديـن=وثبت جوابه عند رجفات الوقاف صياف ماننساك حين(ن) بعد حين=لا والذي في حكمة (الام) والكاف يالشاعر اللي خاض كل الميادين=لك كلمة (ن) نقولها كلمة انصاف دعيت انا وادعو معي يالمصليـن=الله يرحم شاعر الشرق صيـاف صياف راح وراح قبلـه ملاييـن=لاكن ظني مايجي(( مثل ))صياف |
الساعة الآن 11:33 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
