يا مــن لكـم فالــمواقـف جـاه = ســلام يــرسى عـــليه الــقاف
والان عـــما سلـــف قـــلناه = تــــقرير يلــحق عــن المــيقاف
تـــــلاحقوا قـلبي اللــي تـاه = فـي وقت ماله شـكل واوصــاف
ميًـت ولـكن هـــواه أحـــياه = وأصبحت أســئل قبـل وش شاف
جرحيــن منــها مـــية مأساه = وتــعاقبت فـي الفــؤاد أضعاف
الجرح الاول .. وفــا ضعناه = والجــرح الاخر .. مع الميلاف
أما الوفا .. في الحقيقه ابغاه = واللا الهوى . نطلب اســتئناف
بــاقي اثــــر بيــنهم مـنساه = وانــــا اتمـــنى عـــدل وانـــصاف
عن مــطرحي بتخــــذ مجراه = رغـــم الـــشرو ضــيع الاهداف
أفـــيدني فالـــذي تــــقراه = كـــيف الــبصر والــدوى ينعـــــاف

يا من قطاف الوفا غطاه=ومرصعه بلؤلؤ الاصداف
ترحيب بالورد قدمناه=في بسمة قلوبنا ينشاف
يوصل لاخوي العذي فحواه=حب ووفا وطيب استلطاف
فالود بين الفرح والآه=خط الهدف يقطعه اجحاف
والود يبقى على مبناه=ان كان ساسه قوي لا تخاف
ولاستوطن الجرح قلب ادماه=ويغرقه في دمعه النزاف
لكن بصبر الرجل يبراه =ويرد فيه الامل شفاف
ونهج الموافا حسب ملفاه=وراعي الوفا يتبع الاعراف
ولاسار ودك وفي تلقاه = وقت الشدايد لكم خفاف
وان ما وقف واجبك تنساه=لجل الردي ما عليه حساف