متبادلين الغرام سنين=يا باغي البين لا تكلف
عهد(ن) عطيته عليه يمين= العمرمن بعدهم يتلف

تمثال يشبهك انجزته=وزينت رسمه بحرف الشوق
وعشانك الموج صارعته=ياناعس الطرف كلك ذوق

من يحسب العشق له قايد=يامر على الود أمر يطاع
ويذوق من هجره الكايد=و يعيش متقلب الاوضاع

لا شافك الطرف هلا بك=و الروح ايضا تغنت بك
لله قلبي تشقا بك=يا سيد كل البشر حسبك

لاتلوم حظك اذا ما ناف= وتعاند الوقت يا قلبي
تجنى ثمار النخل لاصاف= والرب يفرج لك الكربي

ياسيد ما تحس بقدومك=قلبي يتوقف عن الدقات
ولوجات نظره من عيونك=تتصارع الروح بالنزعات

من واقع الوقت واللي سار=وايام بانت حقايقها
ما ينفع الطيب يا مختار=فا هل الردا لو تصادقها

مني سلام الوفاءاقلع=للي سمع علمنا و يعطيه
ملتاع من غصن دوب اطلع=قاسي و قلبي معلق فيه

سلام ياصلك مرسوله=يا كاوي القلب ياشاويه
الود زادت بي اغلوله=والطب عاجز معي يشفيه

ياليت لو كان لو تعرف=اني عليل الهوى و اهواك
والدمع من محجره يذرف=لاغبت ساعه وانا ماراك

اللي بقلبي على لساني=ودايم انا صادق الوجدان
لكنه الود اعظاني=ما كن غيري يعيش انسان

مني سلام الوفا يبدع=مجموله الفل والكادي
القلب من حبهم يصدع=و الروح ماتقبل الزادي

يا ما لجمع اللقاء ادعيه=لحظات لو بعدها موتي
كم يسعد القلب يوم يجيه=واكشف له الشوق في ذاتي

انا اسألك بالذي سواك=وبخلقتك ابدع التصوير
عطني خبرعن الم شكواك=لجلي معك مشغل التفكير

من خصّه الله بالرحمه=ويفوز با لمنزله والذوق
يحسب على النطق والكلمه=ولايظهرالعيب بالمنطوق

سلام مجمول ومكمل=للملتقى و الذي يرعوه
من بندرالعلم ماطول=واصحابنا في الامر كبوه

اساس حبي من عيونه=والنون مع رسمة الاهداب
حتى اصبح الفكرمسجونه=بالروح حاضرمعي لوغاب

سلام من جملته يشرح=اللي مضى فالفؤاد اعوام
ازريت افهم منه مطرح=لو كان ساعه معاى وقام

جرعني الحظ والمقسوم=اللي مع الناس متردي
ساعات يعلا معي ما يدوم=وان جاءت في يوم و تعدي

يوم السفروالغضي ماشي=ناديت يا صوتي المبحوح
ارجاك يا غصن ياناشي=ما يجوز بعد اللقاء بتروح

لي سيد مامل من حبه=ولازال باقي افكرفيه
وان عشت ثاني ترى احبه=ولغيره القلب ما اعطيه

ان جاءت للروح ياحالي=لاتلوم و تعاتب الاصحاب
حاسب ضميرك ولاتعالي=تلقى علاجك هناك ان حاب

لاتعاند الود من بدري=وتاخذ على خاطرك والبال
لوتلعب الدان و الحدري=الغصن ما يعتدل لا مال

ياعين قد ايش تبكينه=مافادك الحزن و الدمعات
ولابدك اليوم تنسينه=لايضيع باقي العمراهات

لو شفتها الروح حيرانه=من بعد هجرك مع الاصرار
ومن ذاق طعم الاسى عانه=مايميز الحلو ولا امرار

ســـلام يـحـمـل فـطـيـاتـه=سؤال لاهل الوفا و الطيب
مـن ذاق بالــود لدغـاتـه=معقول بعد العلاج يطيـب

مني سلام الغلا ياصل= للراس و يكمل المعلوم
ان كان بالخاطره حاصل= يبشر واغلق معاه اليوم

لاغاب حاضر معي ذكره=باليل حتى الصباح يبان
قدمت اخرت با لفكره=نفس النتيجه بلاني و كان

من يبدع القال في رده=ويثمن القاف لمن جاه
يحبك معي الوزن و يعده=ويكشف لي العلم من غطاه

من طرفه السهم صوبني=واشتل قلبي من ضلوعه
لاكي لاطب ينفعني=حتى الدواء غير برجوعه

قدام لا تغط ياطرفي=اشعل فتيل الهوى واصلاه
من جار غير معي ولفي=خلاه مثل اللظا مقواه

من ساسه الود و الزامه=تعذيب لاهل الهوى تنكيل
حتى اصبح القلب معزامه=ياصل مراده بلا تذليل

لو تعرف الوضع بوجودك=النبض ياقف وطرفي يرف
واحسب ترى الحب من دونك=بالقلب ماله اساس و عرف

يا ناعس الطرف حكمتك=لايجور حكمك على مغليك
مني لك القلب سلمتك =والروح ايضا هواها فيك

حاسبني الفكر في طبعي=وسيطر على كامل الوجدان
غير انت بالذات ياحبي=اعفاك قلبي من الحسبان

اول ماهل الشهربالصوم=والزام لاشرب لازادي
هيض عليه نهار اليوم=ريح الشذى المسك و الكادي

حسبته يمين ولا شمال =قدام ولا رجع بالخلف
والدمع من محجري همال=واصبح عناده فقلبي ولف

عافت عيوني لذيذالنوم=والطرف ماعاد لي غمض
اسباب هجره وصد اليوم=القلب من فرقته رمض