ان كان احرمتني ودك = يحرم عليه وداد الغير
انا الذي ماحتمل صدك = مثل الطفل لامسك له طير

لما قسى قلبك القاسي = سجلت قلبك من القاسين
يامن تحطم لي امالي = واحنا اخوه سوى فالدين

ان كنت في غيابنا تفرح = غيابكم شين شفت الموت
لو كنت لناس ماشرح = همي في قلبي اكوته كوت

وسط الخطاء دايم (ن) عايم = وكل الايادي عليك تشير
ماظن حظك معك قايم = عدل وفحسن تجاهك سير

تكفى عليه الادب لاتقل = ولايضيع بين العرب قدرك
كلا(ن) مثل معدنه يصقل = ولاتحمل الغل في صدرك

العيد له ناس تفرح به= ويزيد فرحه لاقالو عيد
لجل الذي كان من صحبه = دايم حنانه عليه يزيد

مثلك صغير ولانحتار = نرد له حسب معقوله
رمي الحجر مايرد الثار = للي يحاربك بصطوله

اللي اتضح لي من العنوان = حسب الافاده من الكاتب
القلب عافك وهو قنعان = مايفيد في مقفي أتعاتب

بان الجفى من حبيبي بان = لجلي عليه اتصل مايرد
الظرف باين من العنوان = ابني بني والعذول يهد

يابو محمد ويش االحاصل = شالي جرى في علاقتكم
الخط من يمهم واصل = ولاتناسى صداقتكم

جرحتني في فؤادي جرح = غاير فجوفي ولايبرى
ماني مطول معاك الشرح = وانته بها حالتي ادرى

الجرح لو طاب يبقى له = اثار فوق الجسد ماتروح
والحب في كل احواله = تبقى اثاره فوسط الروح

الضحك مايبري الميسام = اللي على جبهتك وسم
امشي مع والوعد قدام = ورجعتك حنا لها نرسم

وين العرب يوم نادينا = وين الشجيعين نرضيهم
مانضرب الناس بيدينا = للحق ناخذ ونعطيهم

ياهل ترى الحب يتجدد = والاكما اجسادنا يهرم
يبقى لهذا المواصل حد = من يعرف الحال من يعلم

كل مايحس الالم يذكر = اني حبيبه وينصاني
ولاطاب ينسى ولايشكر = كيف البصر فيه ياخواني

سوال لاهل الفكر مبديه = وابغى اجابه بكل اتقان
لاسار قلبي تعلق فيه = يجوز اعمل لحبه جان

يوم اجتمعتو على المرسى = ينبع شكى من اسئ قلتوه
ياصاحب القيل لاتقسى = وين العقل وين وديتوه

قريت لي حرف وابهرني = ومنطوق رغم أسئ ماحلاه
اخاف اقرب وياسرني = ولاعاد اقدر على فرقاه

الله عسى ربنا يغنيك = عني وانا عنك يغنيني
ان كنت بايع انا ماشريك = منك انا غاسل ايديني

مادام تطلع علينا الشمس = حنا بذاك الامل نبقى
لاراح يومك تقله أمس = وتنظر غد(ن)يبتدي شرقى

اسمع كلامي قبل تهلك = وانته ونفسك بها ادرى
القاضي اللي يطلع صك = ماهو كما من وطى جمرى

محريه فيك الجهل بدري = لو كنت حامل شهاة طب
كل مارفعتك عن الحدري= لك طبع عازم عنه ماتكب

أرض وسماء والجبال الصم = تابى تشيل الامانه هي
واللي بوضع العرب مهتم = يصبر على مايجيه من كي

من يشتكي من ألم في حشاه = ولافاد معه الدواء يبري
يقرب حبيبه يمص شفاه = يلقى الشفاء داخله يسري

لايعجبك حرفك الدارج = بين العرب وتاخذك عزه
لابد من دنيتك خارج = ومن الثرى تخرجك هزه

من عز نفسه يلاقيها = ومن ذلها خاب ياخواني
من لايحسب تواليها = يمشي مع الناس متواني

لاتلومني كيف حبيتك = لو الذي ماملكه انا
في داخل القلب حطيتك = واليوم تخلف نوايانا

احصار من يمنا حطو = ممنوع حتى من التوقيع
واللي تعدى عنه غطو = كل المصاعب امامه تميع

مانكتب الحرف من اجلك = لك القلم جف مايكتب
طويت ماضي شبكني بك = من بعد كنت احسب انك تب

ان كنت انته عليه راضي = ماتهمني نظرة الباقين
واللي عن الحق متغاضي = لابد يوم الحقيقه تبين

النار في مهدها متشب = ان كان محد يواريها
واللي يجيب الحطب ينشب= ومن شوكها ايديه يدميها

تخيل انك تومت اليوم = وتطوى صحايفك واعمالك
تلقى النتيجه نهار تقوم = وكلن يناظرك ويش جالك

تخيل انك تموت اليوم = وتطوى صحايفك واعمالك
تلقى النتيجه نهار تقوم = كلن يناظرك ويش جالك

منته مؤكل ولالك خص = اللي ميعناك لاتجيله
كلن ونفسه بها ابخص = يازينه العقل ياحليله

ماهو عمى بس قلبه حب = ومن حب ينصاب فعيونه
قلبه يترجم نظر معجب = وتصبح به النفس مفتونه

احب منهو سكن ميسان = والاهدى الشام ماجيها
ياللي تغني على الالحان = حذراك عينك لاتعميها

لو كنت محسوب فالشاله = يمكن يجي من طرفهم رد
منهو على دربنا دله = يغنني الله عنه مالد