|
احدٍ مع دروب النشاما له دروب = وأحدٍ لقي دربه مع أهل الرخامه العز له مطلب وراعيه مطلوب = وله بين خلق الله رموز وعلامه اللي بلبسه يحسبه صار مرغوب = المرجله ماهي بلبس و وسامه المرجله للي له الطيب مصحوب = ودرب الوفا تاجه ويملك وسامه دايم ورأيه فالرياجيل محسوب = وليا نطق يعطيك زبدة كلامه حرٍ وبين الناس نشمي ولهلوب = حشيم ماياطى دروب الهيامه وراع الرخامة فاللوازيم محجوب= في فاقة ربوعه تردى سهامه وليّا وعد تذكر معه وعد عرقوب = وماده قريب ولا تعدى الجهامه العلم شرق وجابته تنحي غروب = وفي مجلس العقال لف العمامه هذا الزمن عجبة وعاجب ومعجوب = يالله زبنتك لاتجيني ملامه استر عبادك واسألك تغفر ذنوب = ولاتجعل الدنيا لعبدك مرامه وياربي استغفرك من ذنب وأتوب = وتجعل لعبدك بالشهادة ختامه وعلى محمد عد ماحرف مكتوب = صلوا صلاة الله عليه وسلامه |
الله يجازي راعي الذنب بالطيب =والله يسامح من تجنى علينا هو عارف إنه في علو المراقيب=لكن مدري كيف ظنه خطينا اليوم فكره به يودي به يجيب=والله يعلم كان سره عطينا عقله لنا يخطي ومرة به يصيب =ولأجل الغلا مهما حكى ساكتينا يحبنا قلبه وهو قاعد يعيب = قسى علينا يومنا ماقسينا ياروح روحي ياعذي المشاريب=داخل عليك الله هوّن ولينا غالي وتكوينا ونسعى مطاليب=والله في ضرك حشا ماسعينا ارفق وخل احزان عن شوفك تغيب=ويبان وين إحنا معك واصلينا والله تبقى مالنا عنك تجنيب=فعيوننا تبحر لك القلب مينا ماعاد نقوى للمعاني بترتيب =ابكيتنا ودموعنا مغرقينا حرام لوتدري بنار اللواهيب=اللي من سهومك تحوم وتجينا إنك تقول آسف ظلمناك ياذيب= المعذرة فيما بدر طالبينا شيبتني يازين قدام لاشيب =هذا وحنا بالغلا صادقينا ابنتظر وش آخر العلم واهيب=بك خير دام القلب به ساكنينا ماخاب ظني وانت ماظنك تخيب= وبنستمع وش يمنا قايلينا وإن جبتها بالعكس تزويد تصعيب =اعلم على فرقاك لا ماسلينا روّح وشمسك شارقة يوم ماتغيب= لو رحت عنّا باقية تحترينا مانحتمل هجرك ولازود تعذيب = لكن ماحنا لكم جابرينا |
شوفي لفكرٍ ماحوى ميز عقله = لعقودها مرهيت به يوم حلال لو زان هرجه مايطابق لفعله = لو خيلته تنبي ملامح لرجال ما كل عمله طابقت صرف عمله = ولا كل مانسمع من الهرج ينقال ياكم مكيالٍ ليا كال طمله = وياكم مكيالٍ لراعيه كيّال ترى الجمل مايشتكي ثقل حمله = دام الثقال الناس قالوا لها جمال ماكل واحد للوفا فيه كُمله = درب الوفا لرجال تمشيه لو طال ناسٍ تعشق الطيب وتلم شمله = ماتفرُقه تكسيه في كل الأحوال مجلاسهم في عز ورجال صمله =على سمين وبن مع هيل ودلال والسالفة لاجات ماجات ثمله = ينشط لها السامع وتشرح له البال رجال تنقد من عُلومه ممله = اللي يدربيها من الجال للجال من لا يصف حساب مافاد جمله =ومن لايقود جمال ماهو بجمال وختامها عداد وبلن وهمله =صلوا على شفيعنا يوم الأهوال |
للحزن دمعة
للحزن دمعه والفرح بعد دمعه = والكل منها منبعه داخل العين والكل منها له ظروفه و وضعه = ماتجتمع مع بعضها دوم الأثنين لأنها إحساس وشعور تِبعه = تظهر لنا بأفراح وإلا حزينين أما أنا الكل عايش بطبعه = فيّ الفرح دمعه وللحزن دمعين الحزن يلقى داخلي كل متعه = أما الفرح كني عدوه من سنين أنا ادري المكتوب محصود زرعه = وأنا احمد الله واشكره لين بعدين ياكم واحد مابكى حزن ربعه = ومسكين لأجل افراحهم مات مسكين وفأحزان ربعي دمعتي جات جمعه = وفأفراحهم دمعي مجاريه خدين هذي هواجس والشعر فيه نفعه = ماقلت قلت ومثلكم له فهيمين |
ياطير خلك عجل وصْل مراسيلي = وأوصيك لاجيت داره خله يشوفك لاتاصله قاع شمسك شفتها تميلي=حزة بها شوف خلي يصعب يطوفك ولا شافك ارم الرسالة وارجع وشيلي = ورفرف جناحك وعل لفوق بأسلوبك وانزل وحط الرسالة وشوف منديلي = لافكها كيف سوى به لمبعوثك وراقبه إن حفظها ذاك تحليلي = وإذا رماها عيوني لا يشوفونك |
خافو من الله يا الغلا ورحموني= قبل تسيء الحال وتزيد الاعراض أنا مريض وعند كم عالجوني =شكيت من فرقا المحبين الامراض مفتون في حبك لحد الجنوني=ياما على فراقك من الدمع ما فاض ابنتظر يالله عساكم تجوني =قدام لاتصبح بي طوال وعراض حسبي على اللي بالهوى ولعوني=جدد بي جروحٍ قديمات وانقاض ماغير اجر الصوت بأحلا شجوني =ياكم عيني لأجلكم دمعها فاض تمون لكن غيركم مايموني=غلاك لو مر الدهر تنبت افياض اشرد عن همومي وهم يتبعوني =والحزن له في داخل القلب مرواض الشّوف قل ومنك شابت جفوني =حسبي عليك اللي خلق سبعة اراض افديك وانته ترخص الروح دوني=مفتون في حبك وللقلب جضاض اساهر النجمة وّله يافتوني =واسري معك هاجس كما برق لا ناض عز الله اني في هواك مغبوني= ماغيرك اللي خافقي يوم به راض متى عيونك تلتقي في عيوني=نجلس سوا وتشير في سود الالحاض وصْلْت لك علمي عسى تلحقوني =وإن مالحقتوني ترى الموت قباض |
تاج رأسي كل حزة وكل حيـن=ياحروب العز يأهـل الأولـى لو كتبت الشعر يبقى الدين دين=والجمايل علـى عنقـي ولـى الوفاء والطيب هذي خصلتيـن=والكرم والجود تبراهم سـوى والشجاعة من عصور الأولين=دربهم والساس ساس مجودى الدخيل بدارهم يصبح حصيـن=جارهم لو كايـدة مـا يغلبـى قلتها وإنتم لقولي سامعيـن=بيض الله وجه كـل الملتقى جيت زاير وشفـت الطيبيـن=رحبوا بي على عيـن الملـى قالـوا الـدار دارك يافطـيـن=ونت لك الأختيار ومـا تـرى قلت انا اتبع دروب الغانميـن=جيت داري وغيره مـا هـوى فيـه للعلـم نـاس مثقفيـن=وفيه للدين أفضل ما احتـوى وفيه للشعر من كـل الثميـن=فالمثل قد قيل سُرّ من رأى بـارك الله فالرجـل الذهيـن=اسـس الملتقى واستبسلـى ومن معـه بالمهمـة قائميـن=وكل من له جهد لازم يشكرى والنهايـة بدايـت كلمتـيـن=السموحـة فتقصيـرٍ طــرى |
ياللي تدور حـق لاجيـت طـلاب=العلم له مخراج مـن بعـد مدخـال راع الخطأ لو كان واحد فالأصحاب=دور معه والحق مايزعـل رجـال وشرهتك لاوصلتّ لصاحِبك للبـاب=وعطاك مد رجـال لاتكثـر جـدال إن كان هذا عرف العرف وش جاب=عقدت حبلك وانـت منتـه بحـلال يالمدعي لو كان دعـواك فخطـاب=تركت مد ورحت تجري ورى امثال اصبحت مع فكرك وبالنفس مرتـاب=لين الدعاوي صارت الوان واشكال جاريت عقلك قلت ببذل لك اسبـاب=اجيك خطوة وانت تبعد بـي أميـال قيست عرفك وإن عرفـك تقِـلاب=يشيـل ماحطـه ويحـط مـاشـال لكن عرفك حسب ظني معك طـاب=ولايستمع مجنون في علـم عُقـال الطيب في مجناب واعطيت مجناب=ولا ودي اقصرها على كل الأحوال |
اقتباس:
|
يامنوتي قلبي من البعد مقهور = وش حيلتي لامي تعلق بالاماك أضحك ولكن ضحكتي مابها سرور= مزون همي أمطرت ضيم فرقاك واسقت صحاري غيبتك بالحزن جَور=قلبي وانبت من زهوره لي أشواك اشتقت لك وأنا من الحال مأسور = ودي أغمض وافتح العين والقاك لليل الهوى في غيبتك ماله حضور =والشوق في دربك سكن ويتحراك رحل معك يوم الوّله عاش مقبور = والود حي وفاقد الوعي يبغاك جفت ينابيع الأمل مالها ظهور = وصارت كما الصنبور شحت برؤياك هذي حياتي وانت مني خذ الدور = واشرح لي إحساسك بعد مافقدناك |
يـــــانجد بوصــــــــيك
يالله بأسمك أبتدي كتب الحروف = ياحي يامعبود رب العالمين من بعدها بكتب من أبيات شعري= بكتب وصية والمحبة عناوين يانجد علمي وإسمعي كل علمي = بوصيك يانجد العذية وتكفين وصيتي خلٍ سكن في ربوعك = اللي سكن في داخل القلب والعين يانجد خلي حر من نسل الأحرار= من عزوة يانجد بالحيل عالين إسمه نقشته نقش في داخل القلب= غلاه فاق اللي من الناس غالين اللي عطاني ودّ وأعطيته الوّد = على نقا ماهو على مدّخل الشين أرخص لي الغالي وهو حيل غالي= الله عطاه من الغلا فالملايين ودي و ودي والزمن دوم ضدي = ياسعد من حوله وعنده مقيمين بنيت له وسط الحشا بيت وقصور=وتفداه روحي لو طلب كامل الزين ماهمنا فاللي يقولونه الناس = عاشق ومعشوقه وبالعشق راضين شوفه منُى روحي ولقياه شفي = وملامس ايدينه أمل لو بعد حين بُعده شقى لكن ماهو بيدي = الله جعلنا عن بعضنا بعيدين جعل السعادة دايم الدوم فاله= ويكفيه ربي من عيون الحسودين ويحفظه في كل روحه وجيه = ويجعل حياته من زهور البساتين اللي على بُعده طوى خافقي طي = مادمت عايش بنتظر شوفه اسنين يانجد تمت وآخر السطر تذكير= عزي وصيتي وافرشي له رياحين هذي نهايتها بأزكى الصلاتي =على الرسول الهاشمي ناصر الدين |
رش المطر يسقي ضما البيد والبير =ورش الوصل يسقي من الود عطشان مدري وش الحاصل ومدري وش يصير=لاغبت كن الناس لفت با الاكفان وإذا حضرت الارض تزهر نواوير=الصبر مفعوله كما شي ما كان من بعدكم عقلي فقد كل تدبير=وفي قربكم روحي لها بالغلا شان يالله رجيتك ياحسين التدابير =إنك تعجل لي مشاهد بالأعيان انا عليك من اقرب الناس با اغير=اخشى عليك من الهوا كيف الانسان تدري ليّا شفتك تصفق جماهير =فالقلب والشارع ليا الصّبح سهران جريت صوتي يوم فيك التفاكير= وهيضني القمري على روس الاغصان يعزف لحونه والهبايب له تذير=يردد اللحانه سعيدٍ وطربان إحساسي ارهقته بكثر التبارير = اخلق لك الأعذار بأشكال والوان ترى الهوى قبلي شكوه المناعير=قبلي شكاه ابن سبيل وركان لك المعزه والمحبة وتقدير=ولك الوفا من قلب با الود هيمان عجزت لا اصيغ المعاني بتحرير = يعكس لما فالروح ياروح ولهان أنا انتظرك ولا انتظر للمعاذير =ابنتظر جيتك لو طول الأزمان دام الزمن دوار وأيامنا تسير = يبقى الأمل في داخل القلب برهان كتبت ببيوتٍ من الشعر تعبير=صورت فيها بُعدكم كيف لاكان مهما الزمان يجور ويصير تغيير=عهدً قطعته بيننا خله يصان تمت وأنا في خاطري شيِ صغير=ارجوك لاتنسى حبيبك بخيتان |
اقتباس:
والسلام عليكم |
آسف من أول يوم جيتي لذا الدار= من داخل أعماقي نطقها لساني آسف على ماجاك مني و ماصار= و الله غيرك فالبشر ما عناني ألا الذي له فالمنيفات مقرار=ابوي واللي باقيٍ من خواني اشوف فعيونك زمن كله امرار = ياليت شوفك زار قلبي ثواني يمديك شفت إن الغلا ماله أسعار= دام الغلا في نار حبك رماني ودي و ودي ! بس ذا حكم الأقدار= شلت الحمول ولا رحمني زماني ترى الحياة كفاح وجهاد واسرار=وياكم من دنياه غيرك يعاني ولوشفت ماصابه من الوقت تنهار=لوجاك ما جاء له تموت بثواني لاتقلد الباقين وتعيش محتار =عن هرجهم احذر وسد الآذاني ترى الزمن ياناعس الطرف دوار=بالأمس رحت فلان واليوم جاني خلك معي في حكم الأقدار صبار= و إن رحت عني جات بين المحاني |
ذكرتهم لو إنهم مذكروني=قلبي حداه لذكرهم صدق وده ودو خبر عني وبه خبروني =اللي على قلبي تجنى ببُعده قولو يقول إن الليالي عطوني =من مُرها الفين والفين لده وإن الهجوس بحورها حيروني = الفكر ترخي به ومرة تشده وآحسرتي وينه ولآ ياغبوني=اليوم شوفي يشتكي فيه وجده ياصاحبي بالله لاتسهجوني=ترى غلاكم واصلٍ فوق حده تكفون يكفيني ولاترهقوني = صاحبك دمعه لك مواريه خده في حالتي ما اظنكم تتركوني = واللي بنبنا يالغلا لا تهده ياليتكم لحظة بها تسعدوني =لو هي ثواني شوف عيني تسده فاهم لكم ياليتكم تفهموني =بحر الغلا مابين جزره ومده انتم دواي وعلتي عالجوني =ماعاد لي فالقلب كملة وارده مير الحقوه بوصلكم ولحقوني=قبل تروح الروح من غير رده وقدام اموت وباللحد يدفنوني= الحق غلا من هو لكم باح سده |
تدرين وش قصة حياتي من سنين = مشكله من غث الأيام تشكيل تراكمت ولشرحها كيف تقوين = عنوانها يكفيك دون التفاصيل بيتي حزن وثيابي الهم والعين=شابت من اللي شافته من تهاويل دربي ألم مدري أنا متجه وين =احاول أرقى مير حظي بي يميل سماي تمطر بالآسى صار لي حين=وتسيل بجروح الزمن داخلي سيل أروي ظما كبدي وحاليه مُرين = وزادي هموم الوقت بالزايد تكيل أنورّ الظلمة شموع وقناديل = "ظلمة" 00 تولعها زنود البهاذيل أظن ماقلته كفاية وكافين = حروف من دمي لحنها مواويل تدرين هذا من حياتي عناوين = اخاف لو كملت ينهد بك حيل عنوانها عندك ولو زدت تبكين = اغليك ماودي دموعك هماليل يكفي ومايخفى مع الوقت بيبين = تكشف لك الأيام من دون تكميل |
ماضاق خاطر من نودّه ونغليه = لو البحر من ضيقته ضاق به ماه مودّنا غالي و ودّه نخليه = غالي ولو كل العمر مالقيناه والي تولى للمشاعر موليه = قلب المودّ اللي وداده تولاه طيبّ خواطرنا بكامل تحليه = بصدق الشعور اللي عليها صدقناه اللي بصوته همنا دوم يجّليه = وبصوتنا قلبه من الهم نجلاه كُلاٍ وهمه به خليله مكلّيه = ومابيننا من يترك اللي تكلاّه واقع ولانحسب لما زَودّ يتليه = ولاهمنّا لو أكثر نشوف يتلاه ذا ودّ يبلى الوقت قدام يبليه = سبحان من يعلم بما أخفيت وأخفاه صدق المشاعر والأحاسيس تِعليه = لو الأماني كاسها ماشربناه إلا مرار ولا عرفنا سبب ليه = ونصبر ولو نبقى العمر ماعرفناه يسلى الزمن معنا وحنا نسليه = حتى ولو عشنا معه ماسليناه شوق المودّة جمرها نار نصليه = اللي بها من جمرها برد نصلاه كلٍ وقسمه بيننا اللي مواليه = كل الموالي من موالي قسمناه |
فايز ال محيسن= سلام ياغايب عن العيـن مـده= نشتاقله في غيبتـه مانسيناه الصاحب اللي حسب اخونا نعده=مارد للهاتف بعـد ماطلبناه بخيتان البشري= يامرحبا دوم الوفا لك نمده = ياللي ولو غبنا ترى مافقدناه فقلوبنا واخوك ظرفه يحده =خارج وطن يوم الخليوي تركناه فايز ال محيسن= عسا البقا والعذر للباب سـده=ياللي على مد الجزيله خبرنـاه بنشد عن اللي ينقض القول رده=و ارسل لكم مكتوب حنا قريناه بخيتان البشري= مد الجزل واجب علينا نرده = للي عرفنا مثل ماحنا عرفناه ماهمنا لو هو لنا باح سده = قريتو المضمون فيما كتبناه فايز ال محيسن= فيك الوفا ياللي ورث طيب جده=ردك وصله مثل ماحنّا بغينـاه واللي تعدى يم الاجـواد حـده=أما بـرك للحـق والآ كتفنـاه بخيتان البشري= درب الوفا ما استصعب الذيب جِده = الذيب جِده أصعب الصعب مثناه لاجاه علم الأجودي لين حده = ليا حدا حده على ماحديناه |
لاعاد تلحقها علوم ومشاريه = ماتحتمل شرهة مشره تشره بايع لمن يشريه مافاد شاريه=ينباع رخُص ومكسبه رُخص تشرِه لا انا غلطت ولا الزمن 0 صنع باريه= مايعلم المخلوق خيره وشره في علم غيبه مانكتب له وقاريه = ويعلم كتابِ ماعِلم كيف نشره من عزنا حنا معزة نداريه = ويقى بنا من طيب العلم نشره الآدمي لاصار تطري طواريه =يبغى الثمان تزيد وتصير عشره الكذب عاري ماكسى عيب عاريه= لابارك الله في خشيرِ يخشره ترى المطر فرحة اليا حل طاريه=لو كان يسمع هل فديار قشره بك انطوى ليلِ خذتني مساريه = فجر القناعة طلعته جاب حشره |
سنيـن فيهـا ماعرفنـا بعضنـا=مرت ولاندري وش العمر جايـب وشهور فيها المعرفـة جمعتنـا=فترة بسيطة لين صرنـا حبايـب دنيـا عجيبـة شفتهـا فرقتنـا=يطيب لي والا على غيـر طايـب واليوم مادامك عرفـت وعرفنـا=تبقى المعزة في زمان العجايـب لو كل مانسعـى نحقـق هدفنـا=ماكانت الآمـال تغـدي ذهايـب ياكم غالـي مثلكـم لـه فقدنـا=وله عندنا وزعة تحجب الحجـايب وإن سلتني من يقتفي دوم اثرنـا=وقتٍ ردي مع حظ بالحيل خايـب نجبر بخاطر بالوفا من جبرنـا=مايوم مده بالجزل كـان غايـب بذكرك انا بالخير وانت افتكرنا = وحفظ لنا المعروف جاتك طلايب تبقى عزيز ولـك مـودّة حفظنـا=مهما السبب تغلب عليه السبايب بعد اختلاف الجـو لاشـك تهنـا=وما تاه رأي اللي يفك النشايب مابين مـوج وعاصفـة فاجأتنـا=وسحاب يمطر في دروب الصعايب كل الذي قلناه مـن بعـد شفنـا=بين العقل والقلب قرار صايـب |
مساجلة شعرية
حسن بن مساعد المعبدي الحربي= الجادل الـي بالهـوى لافنـي لـوف=خلا العيون بصافـي الدمـع غرقـى والله يابخيتـان مايعـرف الـخـوف=تل الفـؤاد وحـط بالجـوف حرقـى تل الفواد عصير غصبن وانا اشـوف=واقفـى بهـا لديـار روقـن وبرقـى الي عليه من المهـاء عـدة وصـوف=مابينـه وبيـن المهـاء اي فـرقـى عنود صيد يذيـره صـوت غريـوف=يجفل ليا ناحت على الغصـن ورقـى ابو ثمانـن كنهـن لـؤل مصفـوف=وليـا تبسـم كنهـن لمـع بـرقـى العنق عنق الريم والخصـر ملهـوف=وجدايلـه يطرقهـن الريـح طرقـى قفى على الي لوحته حروفها (ن و ف)=الماركـه بـي ام والـون زرقــى يابـو محمـد كانـه بحالـي يـروف=ويحس بالي فوسـط كبـدي تعرقـى يرجع ويكسبهـا جميلـه ومعـروف=والا نوجهـا إلـى حمـاه شـرقـى بخيتان بن بخيت البشري الحربي= ولف الهوى بين المواليف مولوف = يجيب مويه داخل العين زرقى مما جرى لك شعر رأسي غدى وقوف = فاللي سرق قلب الشقي منه سرقى اللي حوى زين الغنادير موصوف = بوصوف من صابه بغصة وشرقى حوى الدلال وماعسف كل معسوف = وعقبّ فراقه بعد مالاح برقى ولعب الهوى في قلب راعيه مكشوف = اهداف سجلها وماجف عرقى عساه مثلك بالهوى فيك مشغوف = حتى نلاقي للمطاريق طرقى يابو محمد مانخليك ملهوف = ارقى وحنا وين ماكنت نرقى يرجع وماكلف وفي قصر مكلوف = والا توجهنا ولا عنه درقى لايلحقك من دونها هم او خوف = لو نخترق بجيوشنا القوم خرقى الحال منا يتبع المال مصروف = لو يفترق ماعونها الكل فرقى |
تلبسو زيف المشاعر وطشوك
ما امنك يالدنيا مع اللي تولوك = وباللي تولينه تولي آماني شالو وحطيتي وحطوا وشالوك = وهذاك طول العمر غُلبِك يعاني قلب الحنون وصاحبه كان طاعوك = ياعقل خيرّ صاحبك حل ثاني قله عيونك بالنظر كان خانوك =ناظر مرايا وحشتي في زماني لو شفتها ماكان في يوم غروك = واعموك لين الذل شفته اماني من وين ماجابوك بالمثل ودوك = عسى الزمن تلقى بظله مكاني تلبسو زيف المشاعر وطشوك = في يم وحشة مابه الا الهواني وانا من اللي فالمخاليق علوك = وخليت لك فيهم مكانة وشاني اعرفك طيب بس الأفكار خانوك=تعال واسمع مانطقبه لساني اصحى تفكر مثلنا يوم عافوك = او تتهم حبي بأنه اناني كل المشاعر والاحاسيس فقدوك= وكلي مع غيابك تلخبط كياني ياشوق وصلّ ماكتبنا على البوك = عجّل وحاول تختصر للمعاني قل للحنون احباب غالين حبوك = حُب الجنون وعكس ماشي كاني وإن كان ماردو وقفو وسابوك = ماقول لك بنساه لو هو نساني |
السلام عليكم
كل عام وانتم بخير الله على سمرة اليا تالي الليل
الله على سمرة اليا تالي الليل = وعلى أي حال الحال رايق وطايب ودلة على جمر الهوى تسهرك حيل = الكيف نايس كيف والحزن غايب ينعش بها قلبي بعد هدت الحيل = ويصير ثلج الهم بذات ذايب يفوح فيها شوق به نكهة الهيل = وينصب فنجال الوّله للحبايب نشرب غرام الحب ونحط ونشيل =وفكرِ يودي يعكسه فكر جايب تمطر سما الأشواق لحظات وتسيل = تسقي ظمأ وتهب نود الهبايب ترقى بنا الأفراح ونلامس سهيل =وننساك ياوقتٍ عذاب وعجايب قلنا ونطمع باليال المقابيل = ربي يحقق حلم للخير صايب |
الصـــــــــــداقة
الصـــــــــداقة
الصداقة لو بنيناها على معنى الصداقة = لاتفكر ياصديقي تنوجد في كل صاحب الصداقة سامية فيها مواثيق وعلاقة = ترتبط باللي ملكها لين يوضع بالنصايب لا تحسّب من عرفته لو يكون من الرفاقة = إن معرفته صداقة لو ابوه من القرايب او هذاك اللي بشوفك فيه نوع من اللباقة = مصلحة وليّا قضت بتقول فيه الظن خايب او صحيبٍ كل مدحه كذب وملفق لفاقة = وانت عارف كل مدحه لو حصرته فيك سايب لاتوهق ! فيه صاحب صحبته هم وحماقة = وفيه صاحب لو ضحك في داخله جمر ولهايب وفيه صاحب لاعرفته كل ودك حوق حاقة = ثم بادل كل معروفك وطيبك بالنشايب ولا يطّول لين ترجي حزة(ن) فيها فراقه =بعد ماجيته وناره طافية ماله هبايب وفيه صاحب لك منافق وانت ماتكشف نفاقه = يقِبِل بجانب ولارَوٍح يقفي لك بجانب اختصرت ولا حصرت مواصفات اهل الأعاقة = زوروا اسم الصداقة في زمن كله عجايب وفالنهاية للبداية وسقوا هذه وساقة = ذي حقايق للصداقة صاغها شاعر وكاتب ثبتوها بالواسقة ماقصدت الحق لحاقة=الصديق اللي صدوق وصادق بكل الجوانب الصديق اللي كما شمس الضحى لاجات فاقة=وقت ضيقك فللوازم ما يحسب للحسايب والصديق اللي ينبه لاكتشف بك شي واقة= ما يستِر في رفيقه شي شافه كان عايب |
السلام عليكم
لولاي اعزك لو تاخرت 0 ماقلت = عيدك مبارك طول الاعوام يازين لاتقول جافينا 00ولاعننا سلت = حُكم الزمن فينا كما شافت العين غير الوفا والحب والطيب ماشلت = في قلب مايغفل عن احباب غالين نال الزمن مني وانا منه مانلت = غير التعب والهم من عدة سنين ولازالت عزومي وانا فيك مازلت = عاشق ومغرم يازهور البساتين العيد مر وماتمنيت ماطلت = كنت اتمنى شوف وملامس ايدين اعلم ترى عن ماقفي يوم ماملت = لو كان عيدي مر مابه عناوين من العايدين وماحصل شي ما املت = كنت احسبه عيدي مع الناس عيدين |
الجزء الثاني من قصائدي عسى ان تنال اعجابكم |
كان الثقة ماتت وعايش على الظن = والشك مستولي على كل فكرك وقامت وساويسك علينا بها تشن = هجوم ماينفعك لكن ضرك لا واحسافة قلت وضعك تحسن = ولا عاد عقلك للمشاكل يجرك ومادام مازالت على رأسك تزن = حبيت عن رأئي اصرح واعرّفك هذا قراري لك واضح ومعلن = ان عدتها ماشفت شيٍ يسرك درب السنع مايحتمل قول لكن = خيرك جميل اليا كفى عنك شرك وإن قلت انا0بقول ياهل ترى من = يامن حلاتك ماجلت فوق مُرك تدري لو إنك بين الاضلاع تسكن = بلا ثقة ماينجبر يوم كسرك |
الود ياللي فالهوى مخصصينه = حب وغرام 0 الود ولف ومحبه بين البشر فقلوبهم محتوينه = أصله صفا ماهو ملام ومسبه بين الاهل واقراب يافاقدينه = ونلقاه فالاصحاب او بالاحبه الناس تحيابه وتحيا سنينه = ويحفظه قلب الذي خاف ربه ومن يفقده بينك حواجز وبينه = اساسها من كُره فالقلب شبه الله على بلوى جناها يعينه = نفسه دواها يملكُه كان كبه ولا كل واحد منه نفسه حصينه = من هو يماشي صاحبه منه حبه يانفس باب الود لا تقفلينه = اعرف هواك إن بتبعه احتطبه إن ماخسرنا منه وش كاسبينه= الكُره من حبة بنوا منه قبه ويالله تجعل ماخفى شايلينه =في قلوبنا من ودّ يبقى وثبه وختامها عداد من هو يمينه = ماتكتبه فالعمر من حرف كتبه صلاة ربي كاملة فوق امينه = اللي للأمة ود مدلول قلبه |
بأهل الودايع ماتضيع الودايع = وعلم الوداعة عند راع الوداعة وبأهل الذرايع لأجل سد الذرايع =ذاك الحكيم السيف يمناه طاعة بعض العوايد ساسها بالشرائع =تبقى بأهلها ماعليها انقطاعة واللي يجيب العلم ماله مراجع = ترجع على وجهه علومه رجاعة بعض العرب فتنة ورأس المواجع =نفسه ضعيفة عاشها في مجاعة لاجات بدعة من عيال البدائع = قال المثل من لاشراء الطيب باعة أهل الطلايع باقية بالطلايع =وليل الظلام الفجر ينزع قناعة سوق العرب يكتض بكثر البضايع=فيه الرخيص وفيه غالي بضاعة يبقى الصنيع يخص قوم الصنايع= كم غير الله بين ساعة وساعة الحر ياقع نايفات المواقع = ياهيه ماهو للنعامة طماعة |
تربع قمة حروف المعاني لاكتبت الشعر = ولاتقبل هزيل او ماحوى مالا يحبونه وخله مثل برقِ في سحابة لا ارعدت وامطر= نزل وبله عليهم بأعذب الالحان يقرونه بيوته سيل تفرح به عيون وسرّها المنظر = وفيها من خيالك ريشة الرسام وفنونه ودام المفردة ترقص على مسرح فكر يقهر = عوايق ماترده لين ياصل دُر مكنونه يغوص بحور فيها الدُر والياقوت يوم ابحر = لجمهوره يجيب الجزل يكرم خاطر عيونه ويجيد الشعر بانواعه ويبدع كل ماسطر = حروفه 0واشرقت شمس المعاني يوم يطرونه ومتلقي وذايقته بها الاعجاب له يظهر= تنقى في كنوز الشعر تلقى من يهيمونه وش اللي ينقص الشاعر إلى منه بغى يشعر = سهل لاجاب معنى يحتمي ماكان مضمونه |
بعد مالزّم عليّه امتطي صهوة جوادي = قامت افكاري تودي والهجوس تجيب ليه واتذكر ماقفي والفكر بي للخلف عادي = للوراء ويفل قصة ماضية مرت عليه ليلةٍ فيها القمر 16 او منها وغادي = يوم مريت المنازل شرق في ذيك النحيه يومها كانو بوادي والمفالي سد وادي= جيتها والريم ترعى وسطها والشمس حيه ثم ولعت الحطب والنار من قدح الزنادي= وقلت بابيتّ بعد فنجال بن الشاذليه واقبلت فيها الحيا ثم اوقفت قامت تنادي= قالت اقلط وين تمسي ديرتك ماهي هنيه قلت طُرقي بعد شفتك كيف يهناني رقادي= عودّي يابنت غادي للبيوت اللي ذريه كيف باقلط بعد قلبي صار متولع وغادي = قالت اقلط مانرد الضيف وعيونه شقيه عندنا بيطيب زادك لا خلطته فوق زادي= والليالي مقفية وانته على ظهر المطيه قلت لاوالله علومك ماتخرّط بي شدادي= من يقلك مانميز فالصواب وفالخطيه والله ان الشوق زاد وزاد حرقّ لي فؤادي=مير عز النفس منعاته على مثلي قويه من بغى فالعز يمشي غير يعلنها جهادي= مايطيع النفس يعذلها عن دروب الدنيه بان علمي وذكريني وذكري علم المهادي= سجل التاريخ فعله ماتردى مع خويه |
فايز المحيسن = سلام يامجلس على نهج الاجداد=لاشك ماتخلـو مـن الشاذليـه هاتولي الدله وشاهـي و بـراد=وهاتو عشايه مثل عيد الضحيه اليوم ياصحابي على الملح والزاد=أشرح لكم بعض المعاني الخفيه اللي لها فالصدر بـرقً ورعـاد=والمزن مردم فوق نجد العذيـه النجمه اللي مشغله بعض الافراد=لاشك ماهي من نجـوم الثريـه مادام تفتح باب ناقـد وحسـاد=فالمجتمـع تظلـم نوايـا بريـه ياجعلها ماتعود لديـار الاجـواد=باسج عنها في شروح القضيـه يامجلسً فيك العدل جيت نشـاد=ابغا علوم اهل الوفـا والحميـه فيني هواجيسً وبحـرً وصيـاد=وفيني حروف الشعر والأبجديـه وفيني ملك مالك ومملوكه الظاد=يشوم عن نهج العلـوم الرديـه يدور الجزله مـن بـلاد لبـلاد=لو كان مايرحل يحـث المطيـه الشيخ قوقل مايقصر فالأرشـاد=كريـم يمنـا شهرتـه عالميـه حنا فوقت العولمه وكثر الاعـداد=والنـت والابتـوب والنرجسيـه هـذاك نجـارً وهـذاك حــداد=وهذا ولد دنـدون مافيـه زيـه ودنيا تقلّب كل يـومً لهـا مـاد=راعي الحساني ينجزي بالخطيه بخيتان البشري = يامرحبا ياللي على الطيب معتاد = حياك في مجلس رجال الوفيه اقلط بدارك والمباهير وقاد = من تحتها جمرٍ به النار حيه يالصاحب اللي جيد الساس لك جاد=حسب الذي حبر القلم جاب طيه ياللي بديت الحون قافك والانشاد=شرح المعاني بين ذيه وذيه النجمة اللي بازغة مالها اسناد = لولا المجامل ماتبان الخفيه العلم له فُقاد والدرس نُقاد = إن كان شافوا مانكتب فالشكيه وانته عليك آمال ياذيب عُقاد = ومثلك كفؤ من يعرفك واهنيه ما يتفق ضدين في حكم الاضداد=لابد ما نحسب لضد وخويه وكان المعاني ما لها حرف جلاد=ماتنعطى نجمة ولامزهريه والكل شاعر قاف والورد وراد=وجزل المعاني راح عنهم نحيه وكلٍ على مدلول فكره والايراد=اللي غرف من جم واللي ركيه ومن لابفكره فاد لو جاب مافاد = ياخذ عواري حق غيره عطيه وترى العدد في وقتنا قام يزداد = لكن ابو نيه بها فاز نيه ومادام للمشروع داعم وسداد = ياكثرهم وسط البلد سمكريه شعرك يا ابو ماجد على روس الاشهاد=جزل المعاني لك عدودٍ رهيه |
بخيتان البشري= ابدى بذكر الله الصمدّ احدّ واحد = اللي غشى سحابته رعد وبروق سلام تسليم العرب والجدايد = حروف معناه على الطيب مطروق يابو علي الله على القول شاهد = ولا يعلم النية من الناس مخلوق يابن الرجال الوضع بالنفس زايد= وزادت بنا الدنيا على عوقها عوق لاشك مثلك من رجال الشدايد = لك منزلة باخلاقك اللي سمت فوق حيرة على ماشفت والجو سايد = في وقت بعض الناس باديه مدروق يبدي لك الطيبّ وقلبه معاند = عكس الذي يبديه للحقد معشوق الوقت منه الفكر والذهن شارد= كني بهالدينا على كف مصفوق لوشفت حالي قلت للوعي فاقد = من غُث بقعاء صرت بالحيل محروق متقوية تجلب علينا النكايد = في وقت طيبك يصدمه خُبث مطبوق يابوعلي والعين خير الشواهد = فالمجتمع شافت وكم حكي منطوق ياحر بعض الناس كب العوايد = لاعاد له فالحق ولا يكمْل حقوق الله عسى من كان مفسد وفاسد= ويسئ بين الناس يموت مشنوق عطني مقاصدهم وانا جيت قاصد= لك ياحسن بعد الفكر صار مخنوق وختامها عداد قايم وقاعد = صلوا على من كان صادق ومصدوق الرد من حفيد الحجيري= وآنا بعد مبداي حسب العوايد=أبدى بذكر اللي على العرش من فوق اللي تعلّى اسمه بكل المسايد=اللي لنا في ذكره الحصن و الطوق يا مرحبا ترحيب قايد بقايد=عدد ما خطنّ الأقلام و يفوق بك يا ولد عمي يا عزّ السنايد=من قلب صافي كالعسل في حلا الذوق جتني حروفك من جزيل القصايد=وانا قصيدي للجزيلين مطبوق جتني حروفاً جوفها الجمر قايد=من وقت مطروده ما لك فيه ملحوق وقتاً يسيره صعب واليسر كايد=وقتاً موازينه من التحت للفوق يا ولد عمي جندي اليوم رايد=وعقيدها لجنديّها اليوم محقوق واللي وصفته لي فالأبيات بايد=ماهو جديد ومثله معبيّ السوق يا كثرهم لكنّ ما شي فوايد=يا ليت ليّا حكم وأسوقهم سَوق سَوق القطيع ولا بهم عنه زايد=بالعكس أنا أفضِلّ عليهم حدا النوق اللي يكنّون البَغَض والحقايد=وبلا سبب ما ودّهم بالك يروق حتى فيوم العيد قبل المعايد=تبدي خبيث النيّه اللي بها تحوق لن سلتني ذولا سواة الزوايد=والزايده لو ما برت حُوقها حَوق أشناب لكن لابسات القلايد=أخَيْر من شارب من العرف محلوق مقصودها قلّ السنع والنقايد=شوري حرام بمثلها لدّة الموق هذي حروفي جتك والأوفّ سايد=مكسور والاهداف ما بينها فروق وانته مهاجم فذّ من جيل رايد=بندقك ما تخطي و مركزك مرموق تمت و صلوا عد صوغ الفرايد=صلوا على محمد صلاةً به تلوق |
ياسيدي إن قلتها وإن كان تبغى بيه بيه = اهم شي بالسالفة العلم تسمع ما حواه اللي عرف ماكان له واجب يعرف اللي عليه = واليا اتفقنا فالامر كلن لما قاله مضاه كلام طاير فالهوى بيني وبينك مانبيه = واللي يخطط للعشاء الخوف مايلقى غداه المزح قلنا قلعته والجد جِده يحتويه = واللي كتب مظروفها خطه ولابده قراه اللي عقلها عارفة وإن فكها تكتف يديه = والعارفة عن مثلها يبعد ولايِلحق مداه شارب بحور المعرفة ياصلبها للي يبيه = عارف بكل دروبها يمشي مثبتها خطاه صراف دايم عملته جنيه في سد الجنيه = دايم يمشيها صواب وفالخطا قر بخطاه ويشوف قولك ما اكثره تقول مالاتحتميه= واكبر مصيبة من عطا قوله وقفى ماحماه خِيل المزون وبرقها لالاح عينك تحتريه= لو لاح برقه في سنا الغبة هنيالك بماه دام القناعة مطلبي ماغيرها شي ارتجيه= ماشلت هم الفانية في فقر والا في غناه خلك مدير الدايرة ابشر وابا ناديك بيه = يابيه جاك العلم توقيعك وختمي منتهاه |
في عيونك غرام وفي شفاتك كلام = والزمان اجودي دامه بشوفتك جاد كان صمتك ولّه اقسم يانطقي غرام=وكان شوقك دفئ ودي ذبحه البراد الملاقا جمعنا والمصادف هيام =وحل دون المراد فراق ذاك المراد زدت ماكان ناقص بعد شلت اللثام = والمعنا معنا عاش حظه عناد انتحى يستشفك مثل وبل الغمام = والوّله كل ماله يالغضي بزدياد حارب النوم عيني ما عرفت المنام = كل ماعاد طيفك والسهر فعتياد قصتي فيك قصة ابتدت والختام = مابدى ماعرفنا له مع الوقت ماد المعاناة طالت والفكر في انقسام =بين قلبٍ يود وعقل بالرشد فاد كيف باخذ قراري واجتياح الخصام = بينهم والخبر عندك ولاعنك حاد ابتدينا سلام وبالنهاية سلام = والملاقا مصادف كان فالوقت عاد |
لاوين ياجرح الهوى لاوين يالعشق الدفين = لاوين كل عضاي ماسلمت وداءك عمها صحيح كنت دواي في قاموس علم العاشقين=جرحين تضمدّها لكن عشرة تعيد تسمها فيك الامل يامحسنه لكن فيك اليأس شين = والمشكلة لا ابعدت عن هذي هذيك تخمها تخطي وندمح فالخطايا منك مانا ملحقين = متناثرة في دروب حبك كل يوم تعمها صارت مراكب شوقنا تبحر بنا بك تايهين = وانته مثل يدين اصابعها خفت في كمها يعني كذا والا كذا نلقى النتيجة خاسرين = صم الصخر لو شاف ماشفته تفتت صمها صبرت لكن لا متى 0 تبغى الصراحة آسفين = إن ماحصل تغيير آمالي معك بالمها ارحل بها يكفي لما شفته من آحزان وآنين = دام الأماني فيك مالاقيتّ صدر ويضمها واكتب نهاية حبنا في شطر يحوي كلمتين = كان المحبة هكذا آبوك لآبو أُمها |
جيت الهوى عاشق على سوقّ الاقدام = ورجعت من نقطة غرامي بداها اقسى على نفسي كما قسو الايام = اللي مضت والنفس ذاقت قساها لأجل الغلا تمشي بي خطاي قدام = ماهاب نار الود واحسب صلاها ومع القسا هذا !! هوى النفس عزام = وبقسا عسى نفسي تفارق هواها انا ونفسي هكذا !! منذو اعوام = اشرب مرارتها !! ولا اطعم حلاها لا النفس لامتني ولاني بلوام = من لامني ! نفسه يسبب عناها بحر الهوى مايدخله كود عوام = صبار لو شاف المخاطر وطاها القلب حب وصرت وياه فخصام = العشق بلوى للخلايق بلاها مشيت فدروب الهوى وعشت منضام = حتى عيوني انتثر حر ماها صحيح إن العشق باني وهدام = وكلٍ على حظه حياته لقاها ناسٍ بنوا قصر السعادة والاحلام = وناسٍ عطاهم للشقاوة مدها |
كان مايرتاح لك فالحب بال = وعشت حبك في زمانك هد حيل أستمع ما أقول 0 لو الشرح طال = ينتهي 0 لو ما انتهى الليل الطويل المودة لاحصل فيها انفصال = شوقها لا حط لقي الصد شيل وانت ودّك مع عروق الدم سال = حسب ظني الغلا أكبر دليل والقرار بترك مثلك لي مُحال = وفي قبوله يتضح لك مستحيل لو على بالك طرأ هذا السؤال = كم بأهل الوّد شفنا من قتيل ؟ كان ترضى بالامر في كل حال = مثلما في داخلي " صبرا جميل" كان تبغى للمحبة طيب فال = مابقى فالصدر من ضيقهِ تزيل وفي وجودي للمقام اجعل مقال = لايجي زوّد الوّله من زوّد قيل وفي رحيلي عيشبي حس الخيال = وانت تفهم يالجدي مقصد سهيل |
فيني تعب من هم الايام وارهاق 0000
فيني تعب من هم الايام وارهاق =ومايازن جبال السراة اشتياقي فيني آسى من غربة الوقت دفاق=ولك في خفوقي ود يجري سواقي فيني ولّه جمر الغضى فيه حراق = انهى الفؤاد ولا بقى فيه باقي فيني تموت اشواق وتحيا بك اشواق =وفيني مشاعر عيدها فالتلاقي فيني حمول ثقال والله ماتنطاق =وكم الليالي ضوته مايطاقي يامن لكم قلبي مع الشوق ينساق=مع النسيم بكل لحظة يساقي ليتك على قلب المحبين رفاق=وترفق على قلبٍ تشقى وضاقي لجله بسكرات الهوى دوم مافاق=يشكي غلاك ومنه مايوم فاقي مثل البحر على شواطيه صفاق=مامل من طرق الهوى وصطفاقي غرقت سنابيك الوّله ايما اغراق= في بحر من حبك لها الموج ساقي اللي شكا لك شوق من عمق الاعماق= لك منزلٍ عنده عن الغير راقي جازه بوصل وحب والوصل ترياق=يشفي قلوب اللي غلاهم معاقي ودي بشوفك قبل نشفات الارياق=في لحظةٍ مثل الشهد بالمذاقي تشفي عليلٍ تلحقه بآخر ارماق=لولا الامل مبطي قطع لك وثاقي |
لا اقبلتّ ماتقفي مطايا عزومك = ولا اقفيت ماتقبل مطاياك بعزوم بأهل الوفا ترقى سجايا علومك = وتلقى بهم حسبة مع الوقت وعلوم وخل علمي يالخوي فمعلومك = ماشي يخفى للبنادم ومعلوم اليا انتخى طيبك يلبي لزومك= خلك بها بين الرجاجيل ملزوم ولاشفت فيها من بدالك يلومك = الناقصة يسراك من جابها يلوم لاتشتكي من ظلم نفسك سلومك = واسلم مع الايام من ظلم مظلوم وقَصر الامل سكّن بقايا حلومك = ترى الاماني ماتحقق لك حلوم وبأهل المجامل لو تزايد سهومك =اعلم بهم خيبة رجا تجني سهوم وبأهل الجمايل لايبان امعدومك = وتمسي بها ناكر وجاحد ومعدوم ولاتجعل الدنيا شواهق همومك = ماحي فيها عاش خالي من هموم |
الساعة الآن 05:36 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir