|
اتمنا ان تحوز على رضاكم
با الملتقى والكل ربع ورفاقه=اليا تلاقينا على العز والطيب ما منكم اللي ودنا في فراقه=والكل منكم يا النشاما معازيب ساس الروابط بينا والعلاقه=من بينا مايدخل الشك والريب وتيارنا مايندفع للحماقه=لن الحماقه ماوراها مكاسيب ابليس لا ركب البنادم وساقه=يشوف عدلات المطارق محاديب وذلول شيطان الاوادم أعلآقه=اللي على حنكانه الدقن تركيب رجل يسوقونه تقل سوق ناقه=مايعرف المخطي والا يعرف امصيب يضوي على علمن ملفق الفاقه=ويغيب حزت واجب الرجل مايغيب عن كل هقوت طيب فيه اصطفاقه=تجيه محري هقوت الطيب ويخيب ضاري عل الصده و فيه ادراقه=لوكان ما تخط الشرود المصاليب والطيبه للي عشقها عشاقه=رجل يسد اللازمه والمواجيب والطيب دايم هقوته واشتياقه= هجاج طلق احجاج طيب مجاذيب رجل يسر ابموقفه وبنطاقه=وتفرح اليا خاواك يم الاجانيب ماتزمل امن امراسته وانطلاقه=يزيد قدره ما تهس التراحيب يلطس ما يفتح للمعادين طاقه=ذيب الرجال الي يسمونه الذيب هذاك هو اللي عليه الشفاقه=وربعه اليامن غاب كزو مناديب والا الهقاقه غاب حاضر هقاقه=ودك على صدره تفر الدواليب ما تقفي الا قاسياته رقاقه=طب ويعوضك عن جميع التطابيب وجهة نظر يااهل النظر واللباقه=وتخالف انظار العرب والاساليب واللاش ماهو بيننا يا الرفاقه=حرب النشاما عز راسي هل الطيب |
سلام والمبدى على حروف الابداع=ما ينقص حروف الهجا ء ما كتبته حرفك وفكرك والقلم بين الاصباع=اما غلبك الحرف والا غلبته بين الحروف الرابطه تقنع اقناع=والحرف يفقد رابطه لا قلبته من رونقه ما ينقسم ثلث ورباع=لو تجبره ما جا على ما حسبته الحرف حرفه حرفنه شبه مطواع=متلاعب الالفاض يلوي رقبته من مستقر النون يا مقرب القاع=شف وهوا اللي ماهويت ورغبته مابه طمع مع مستوا كل طماع=سهل وحل جيان ودحول خبته موحش حشا زل الوحش منه مرتاع =عريش عرشن تنفشه ماقضبته صدر الهدف يبقى على الصدر مرماع=والدر دورات الدواير سلبته ماراح من لب اللبيب من الا طباع=دل الدلايل لبها له ضربته علمن به المعنا من الزبد ما ماع=في ضو شبابن تصالا حطبته في قش عش يقش قشه اليا باع=والله يساعد من تكفل بكبته تسليط نور الضو الازرق و الاشعاع=وبسط بساطن يبسطه قد سحبته |
ما يا قف الكون لزعلان و الراضي =و الناس يرضيك يا ابن الناس مرضيها من شي والا بعد لاشي مغتاضي=خل القضيه بصدرك وانت قاضيها تكبر وتصغر بصدرك مالها قاضي=والي وطا النار غير الي يحاضيها ادنا شراره لها با المجتمع حاضي=يكرها اللي عصا الا دنين شاضيها من خلف الا ضواء يجي و يروح ما خاضي=بارد هواجيس ويا مه يمضيها يقبل ويقفي وبا الغالين عضاضي=واللي تغيضه عليها العين يغضيها يعد روحه اليا شان الغا رياضي=الي تصوبه اليا كبرت يعاضيها مجباس لشر با الحاضر وبا الماضي=واكبر همومه من الدنيا مقاضيها يخيل برق وسحاب الصيف لا ناضي=الي بقدره حديد الفاس ناضيها وليا خذا له مع اهل العرف مركاضي=يشتال من كسوت الكوره براضيها لا يتعب اهجوس خلق الله على الفاضي=وقت وفراغه على مالون قاضيها |
رغم البشع رغم الحسد رغم الانذال=الملتقى نجم يشعشع بنوره على جهود مكرس الجهد لازال=الي يشرفنا نباه وحضوره اليا حضر يبقا حضوره على البال=يبادل الحضار غالي شعوره يشيد ويشارك على جزل الاقوال=وتبقى لمساته على كل صوره له في صدور الكل قدرن ومنزال=ماهو متغطلس قضيفه اشبوره ولاهو بمتحيز من القول موال=اللي بليس يشوته تقل كوره ما ورده حبل الجشع عذب وزلال=للجم لو يارد على الجم غوره يغور لو يلطم من الجال للجال=لو بيره بجال الفرات محفوره ويكرم جناب الكل عن ضرب الامثال=وناسن تشكك با الكلام مخصوره لطيب وهل الطيب با القول مدهال=ومن لا يشجع ماحسبنا مروره تنضيم ابوفياض في كل الاحوال=مع سالم البشري بجهده ودوره والعوفي حميدان للصعب حلال=ولاهان مجهود اللهيبي وشوره والحب ابو نواف ما بمدحه جدال=قرمن به الاقسام شبه مغموره مع الزغيبي غازي الملتقى عال=اليا دعا العملاق داعي سروره ولمراقبين الملتقا قدر وجلال=مافاح غال العود وغلا عطوره والكيف بترتيب فنجال فنجال=اللي خذا بنه مع الهيل فوره في مجلسن ما به من الكبر مثقال=بسما خيار الدار شبه معموره وليا سقط سهون ركن وسم رجال=اسمه سقط عفون لقلت حضوره يحول دون اسمه مدا عشرة اقفال=ومشاركات اسمك تشكل ضروره مطلوب رايك بي شكل من الاشكال=والادمي شيطان لا غط نوره والقول روس اقلام ماهو بتفصال=ومن لا ثنا لهل الثنا فيه بوره عل وعسا مابه على القول مدخال=والله يجنبنا محامل غروره |
يا طير حلق في فضا من توريت=لاكن حاول لا تحل بسمايه حلق وتلقا با الفضا ما تمنيت=دام الفضا يا سعك جنب فضايه يا طير ماني من طيور اليتي كيت=جون ماهو جوي ما يقطع ضمايه عصر انفتاح المجتمع كيت في كيت=عالم ممكيجت الصور فا البدايه انا بدوي ما يهم لو ماتمريت=والا انت مالك شغله الا المرايه امخاشرن با الصنفره ربت البيت=الي مثل شروا جنابك ورايه لو انت منت اللي عن البنت سديت=غير الشبه ما بك مسدن كفايه اليا لمع خدك من الشمس صديت=على النعومه والترف لك هوايه همك من الكابوريا والتواليت=وحبلك على غاربك ما من ربايه على الخشونه ماتعبت وتربيت=تعب شقاء الشاقين جالك وقايه ياطير منت الي على الطلع هديت=عشاك في يسراي حروت عصايه ليتك اتجنب يبرق الريش ياليت=وان ما قبلت الشور عان النهايه |
قصيده موجهه من فايز عبدالمحسن المعبدي
سلام منـي مثـل برقـاً نخيلـه=الياء ارتدم مزنه وحنا رجينـاه وجتنا به ارياحه تسـوق الثقيلـه=وركز على الديره وهلّ المزن ماه ومن بعدها جتنا تباشيـر سيلـه=والأرض مخضره ومن قبل مسقاه من نو قبل أسبوع جانا مثيله = واليوم زاد الخير عدل الذي جاه وهذا تحيه مني ماهي قليله = تضفي لبوخالد ونعمين مبداه وتكفى يابوخالد ياراعي الجزيلـه=قلبي غدابـه ود والـود ماقسـاه كل يوم يبكي ويشتكي من عميله=لاهو قطع عرقه ولا سكـت الآه يقرب ويبعد ولا عرفنا حصيلـه=كنه سراب وقلبي الشوق أضمـاه نطرد ولا نلحق دروبـه طويلـه=وياما نصحت القلب وياما نهينـاه لاكنه عيـا يستمـع فـي خليلـه=يبغاه رغم اللي حصل منه يبغـاه نبغا الإفاده منك وهات الوسيله = ياكيف نصبر عنه وياكيف ننساه
يامرحبا بك فرض ماهو نفيله=يا شاعرن يبني على الجزل معناه ينضم عقود المفردات الجليله=جواهر عقودن تلا لا ملالاه اسند علي القاف بقرب وسيله=في ملتقى حرب العزيزه قريناه والله يجملنا مع اهل الجميله=والعيب عيب الذخر با اللي توراه انعت نعت حروت هواك ودليله=حتى نتوجاه للبيوت المبناه همن يشال ابشر بقرمن يشيله=لا تشيل هم الكايده والمعاناه نكفيك تكلفت الهموم الثقيله=وزندن يسرك في لزومك قدحناه ان كان لك قسم وهواء با الجميله=يامعبدي نبذلك الجهد والجاه والي ماتقسم كايده مستحيله=انصحك لا عاضب هوا الولف تنساه والا تحيزم للف ليله وليله=وجزم على رجم العشاشيق ورقاه على هواك انكان مافيك حيله=من روس قوم ومن رجال مسماه |
كل طيب'' ياأبيض الوجه تحريبه=يوم بعض الناس تقصر حراويها كان ما نثني على مثلك مصيبه=الثنا لأهل الوفا عند طاريها والردي بموت ماقلت ياطيبه=خطر الرديان ماني مداريها والكلام الجزل يلقا معازيبه=والحرار الشقر بين مواريها أفتخر با الحر الأشقر وأماريبه=وفي مجاله كل جزله نغنيها وكل شاهوق رفيعٍ نعديبه=والقوافي لا سرت ما نضويها ولا أتبنا الشعر لوكان ماليبه=ولا انظمه نظمت مقطعت اثاريها شاعرٍ وفخر بشعري وساليبه=موهبه والله بفضله وهبنيها عقد لولو مار مابيع وأشريبه=والعقود الغاليه في معانيها امدح الطيب وارحب و اهليبه=والوفي جزل القصايد يحليها فال ابو نواف مليون ترحيبه=وكل ترحيبه لفاله نثنيها للوفا والطيب يسوق من جيبه=جود من ينطح ضيوفه ويقريها تاج راس معدي الشك والريبه=ساس مذريت السعد في مذاريها ركدو ما لا تركد مشاريبه=لابتن طبع السعد من شواريها با الزمان اللي تقافت دواليبه=يوم تفرق با الليالي غداريها ماش با التاريخ زله وتركيبه=والحقايق غيرها ما يباريها بيرق مزينه له القدر و الهيبه=وكل قرم'' للصعيبه مضريها يستحق اشيد بسمه واغنيبه=ومستحيل أحقوق مثله نوفيها |
بالحقيقه لاحياه لمن تنادي=مابقى للدم ياأهل الدم غيره صار ذبح ألمسلم أتلى الوقت عادي=عندجزاره مثل كبش الحضيره والدليل المعتبر يوم العيادي=شيعو للكارثه موكب مسيره تلتلو صدام نجسين الايادي=طالت أيديهم ويادينا قصيره حالف الشيعي خبييثين المبادي=وتحد شمل الهمل من كل ديره وباغتونا با الصباح وبا الهجادي=شرهم زاد ورحاهم مستديره والعرب بركانهم لازال هادي=يحترون أبن المثنى والمغيره مايهز أشعورهم شنق القيادي=مر ماحرك والا كبر الشعيره أمة المليار عمدان الجرادي=أدعولصدام عل الله يجيره مومن وحد على أسموع العبادي=نور وجهه باالدلايل هوبشيره من هل التوحيد والسنه وكادي=وكل سنين على عزه خشيره له ثلاث أعقود بعلو الشدادي =بشجاعه وسق أشداده بعيره صامل و ساطي على قدح الزنادي=بصمته يشهد لها جنب الذخيره ماعقب شعبن جفوه الا النكادي=والا أذكرو عقبه نهارن فيه خيره ولا بقا لرافدين الا الحدادي=والله أن تبطي جفول ومستذيره دام ياطاها مروجت الفسادي=تصبح وتمسي عبوس و قمطريره ما يطهر خدها غير الجهادي=في نهار العز لا ذعذع عبيره والسعد و والعز في رايت بلادي=رايت التوحيد مع صقرالجزيره حاكمن حكم شريعة خير هادي=له مع أهل العلم والتوحيد سيره سيف عدل وعقب سيوفن حدادي=من يخالف رايهم مانستشيره والختام أزكا صلاه لخير هادي=يا الله المعبود عفوك والستيره و ســ ـــلامــ ــــتكـــ ـــم |
الوقت ثلثين ناسه ناس نماكه=حتى ايش لو يطلعون بمستوى(ن) عالي الشوك من شوك كان الراك من راكه=والفرق مثل اول المركز عن التالي لمشبكين الشوش بالناس شباكه=ما يسام مجهودهم بالسوق بريالي الله يخارج من التيار و اسلاكه=والله يخارج من اللي جا على بالي ليته على اللي مضاله يقفل ابواكه=يروح غالي ويبقى عندنا غالي قدام يفرح ويضحك كل مضحاكه=ويصير بالسالفه شيله وموالي العاقل اللي يميز عقله ادراكه=ومن لا ادرك العلم فرقا عينه اشوالي من لا خذاها شحم يشتالها احكاكه=انزله منزله وأبقى بمنزالي كان انت سباك زاول مهنة اسباكه=والنعم ماهو بلاش من الخلا الخالي ماني مقيَمك لا كشخه ولا شياكه=النعم تستاهله لا صرت رجالي لخشوم حبت خشم وخشوم فراكه=والاوله يا وسيع المعرفه فالي الفرس لو اسلحتهم شبه فتاكه=ماعندهم ربع عزم جنود الابطالي ماسر في بدر كثر الكفر وشراكه=نص الكتاب الكريم وخير الاقوالي الدين بالقلب له وازع وممساكه=ولا كل خيال فالميدان خيالي والنار شبابها با النار محراكه=والكل قد ذاق مر الوقت والحالي |
وش ما قلت وش بتقول=هيا قول وهيا عاد نبي الكلام المعقول =نبي الكلام الوكاد عطنا الكلام المقبول=الدعوى ماهي بعناد كلن عن قوله مسؤل=انكان اخطاء والا اجاد لا تدخل ضمن المجهول=وتسجل ضمن الحساد في عالم صدقه مقلول=وكثر ما فيه الهرباد واهل الطيبه فيه اخبول=وجواده ماهم بجواد ورحوله ماهي رحول =لا تنساق ولا تنقاد وحلوله ماهي بحلول=وهجاده غير الهجاد تلعب كوره سجل قول=هذا الواقع والمعتاد خض الملعب عرض وطول=عان الكوره والاستاد ماتعرف تلعب يازول=ضبط يازول البراد سيف الله سيفن مسلول=جاهد في عز الجهاد جاهد بيام الرسول=يوم العده والعتاد لاتفتح بابن مقفول=الا انته في وسط الماد اخذ من العلم المدلول=ان فاد العلم او مافاد والا روح بدون تقول=قد قلت وقولك من عاد |
ياهبوب الجنوب وياهبوب الشمال=بمر رب الخلايق يا هبوب أركدي من هبوبك خطير يحول البرتقال=من بساتين يا نع برتقال بلدي لا تردين عزم مشوربين العيال=ولا تخلين مجهود العيال يغدي مع طرف سيدات المجتمع و الجمال=سابقي حبلها لا ينفلت من يدي النشاما نشاما ستر بنت الحلال=كان شح الذرا بلي ذراهم ردي في زمانن يئيد فكرت الا حتلال=شايلن هم بنتي شلت هم ولدي همهم هم راسي ما بهذا جدال=ولا أجتهدت ارجي الله ما يخيب أجهدي ونسئلت أسل الله السلامه سوال=ومن يبي يستدل يشوف نجم الجدي وكذب الخلق ناسن يدعون الكمال=ومن غدا لا نشدته قال انا ما غدي والخطا دام وارد للخطايا احتمال=صح والا خطا يا عزوتي وسندي جل علام درب المهتدي والظلال=واحدن مال علمه با الخلايق لدي |
اليا اختلط با الوقت خيره و شره = نطلب من المولى يكافينا الاهوال الله هو اللي يرد عنا المضره= والله هو اللي لشرابيك حلال والله هو اللي لا نوا با المسره= سرك ولابه شك في كل الاحوال ما في رجاء رب الخلايق مغره= سبحان خلاق الملا عضم وجلال من عضم الخلاق لله دره= ومن لا يعضم خالقه ماهو رجال ماله من المقدار مثقال ذره= قدره عسا ماهو لنا يا ملا فال اوصيك يلي لي من الناس قره=تراك يا قرت عيوني على البال اغليك اكيد وطامعن با المبره= رجاي با الله ثم بشرواك لازال من ظهر حر وحر من بطن حره= ما للقطاعه درب يمك ومدخال ولا لرداء يمك حراوي وجره=و ربعك لهم في صفحة المجد منزال محصلين النعم في كل مره= مدهالهم با الطيب عن كل مدهال والنعم في سبع القبايل مقره= يستاهلون النعم جزلين الافعال والدين لقلوب الشغاميم دره= طاعة ولي العرش با الجاه والمال وقليل الطاعه حذاري تمره= اوصيك لا تشرب مع الاش فنجال يغنيك برك عن شعيره وبره= وليا وردت اورد على عد(ن) ازلال |
كل قصيدة بالديوان ديوان .وكل حرف بالبيت بيت وكل بيت ٍ بالقصيدة قصيدة
أقول صــــــــــــــــــــــــــــــــح لسانك مليون أبو خالد على درر يحتويها الديوان معلقة على جيد الصفحات تتلألأ شموخا ً بما تحتويه من أبيات . وإلى الأمام .بارك الله جهودك ونفع بشعرك. |
صح لسانك 00 نجم من نجوم الشعراء 000 كل يوم تأتينا بجديد من الشعرالمفيد 000 الى الامام يابوخالد
بارك الله فيك |
الطيب كله في حميدان موجود =شبعان راس العوفي من الحميه هذا الصحيح وصامل العلم ماكود=مدحه وجب با البينه والخفيه ماني بلا مكره والا ني بمحدود=ولا لي رجا با المدح هذي وذيه طبع الثنا بصدورنا مهو مجحود=وأجب على كل الرجال الوفيه شين موصينا على فعله العود=يا حي فال العود راع الوصيه وصيتن مضمونها منبع الجود = دافع وفا با الذات من حسن نيه لطيب بهل الطيب ناتج و مردود=والا مع الرديان با المهمهيه والشاوري مهو مثل ريحت العود=دخان لاكن ما يشبه سميه وعلوم راع الطيب جاوي وكنبود=طيبك يا ابن عمي الربعي وليه وراع الحميا له براهين وشهود=وشهود خلق الله مع الناس حيه بيت الوفا والطيب ماهو بمهدود=والي يبا يهده ماهو وا هنيه ومن لا ثنا لهل الثنا شبه مقرود=ماله مع أهل الطيب شف وحضيه ما يلحق أهل الطيب لايم ومنقود=يستاهلون النعم ماهو هديه الطيب فالك واردا عنك مسدود=والشك زايل والحروف ابجديه والوجه ماهو يبيض الوجه معبود=عبادت وجيه الاودم دنيه لو ماش معنا با الردا شخص مقصود=كل(ن) من الحضار له مقدريه ومسروح هم ويا بني سالم عضود=ساس الوفا والطيب والنار حيه |
ترا خط السعه ماهو مثل ميقاف خط النار=على حمر الخطوط الملح والبارود و الصالي وكلٍ له من الدنيا من المتر لثلاث امتار=من ارخص خام يذرع ذرع داخل سوقنا الحالي هذا الواقع وهذا اللي من الواقع مافيه احوار=حياة الحي قافيها الفنا ما با الفنا جدالي وخواتيم الاوادم للاوادم حاصل الاثمار=يبي يرحل فقارا الخلق مع تجار الاموالي انا ماحب انا وانا انا الشاعر وانا البيطار=خصوصٍ في مجال النضم نضم الجوهر الغالي مديح الذات يهل الذات ماهو ميزت الاخيار= يجي قلت ثقه والا يجي مع كل متعالي تقدم وترك الباقي على اهل الذوق والشعار=وساع المعرفه يستطعمون المر والحالي كثير اللي يبي ميه من الميه وجاب اصفار=عسا ما فال راع الصفر يهل المعرفه فالي ولا لشعر في تقييم مقدار الرجال عيار=حسب عرفي وما يمليه عرفي ما يورالي وكلٍ له مع العالم مقام وقيمه ومقدار=وطبع المحترم له في صدور الناس منزالي ومن يذخر مشاكيل النشاما ذخر ما يحتار=يسرونه اليا شح الزمان براي وريالي وراع الطيب حطه عن يمينك والنقيض ايسار=ترا راع الوفا والطيب قدره با الوفا عالي ترا الطيب بحزات اللزوم اطيب من الفكسار=قوي عزوم لا دقر ضعيف العزم با الجالي يعديك الدروب اللي خطرها به تروح اعمار=حزام اقسا المهالك والمدارك واشهب الالي وردي العزم مثل اردا المواتر عزم با المشوار=يضربك المهاميه ويكبك با الخلا الخالي ولا به شك كلش با الزمن بامر الولي بقدار=ولا عند العباد بعلم خاف الغيب مثقالي ما عند الناس لاقطمير مايقسم والاقنطار=وقسم الناس عنهم ما يرده كل محتالي خشينا الله ولانخشا سونامي الوقت و الاعصار=على الله لا توكلنا كفانا شر الاهوالي عظيم الشان ومغيث العباد من السماء مدرار=كفيل ارزاق خلقه رازق الاول مع التالي سبحان الله وبحمده سبحانه واحدٍ قهار=عظيم الشان من يحيي الهشيم الديدم البالي وختام القول شكر الله وذكر الله مع التكرار= وثمرت القول قول الله وقوله خير الاقوالي |
يا عصابت راس ابوك اسمع العلم الصحيح=والنصيحه هي ثمرت العلوم وجلها دام راسك حي اوصيك سدك لايبيح=الصدور المغلقه محدن يا صلها خل سدك وسط صدرك وريح وستريح=سبحتك جود خرز سبحتك لا تهلها لا تقول افلان من بدت العالم نصيح=ثم تجيك امر وادها العلوم بحلها ما حصل لمبيح السد قدامك مديح =لا تلوم صدور غيرك وصدرك ملها ابرك الحزات دامك على سدك شحيح=اعقد العقده متى ما بغيت وحلها ما كلاها مفلفله في زمنا الا الصريح=عيفوه مصارحات الاودم كلها والمثل قال اقفل الباب قبل يجيب ريح=وسلامه من بعض ناس ناس احسلها لايغرك حالي(ن) يتبعه حنظل وشيح =ناس تستدرج بساليب ما يفطلها والله اعلم طيبين الاوادم والقبيح=ضاهر العربان لك والخفايا خلها لا تنبش عن بلا خافي القلب الجريح=هم خلق الله حوال الاوادم سلها كـل شغمـومً يبي يدلي الـدلـو ويمـيـح=واليدين اللي تلقا الدلي تقلها ونتبه حذراك حذرا تخطرا لك طريح=لا تخطرا الناس دام الدروب اتزلها جنب الدرب الضيق دور الدرب الفسيح=زبدت العلم النصيحه والدروب ادلها والتجارب علمتنا علم زبده ما يسيح=العزيز يعز نفسه والذليل يذ لها |
قصيده وجهتها لشاعر//سداح العتيبي من خلال منتدى المرقاب ورد علي استلم القصيده ورد الرد
كمبودي وجاوي من العـود فـواح=يا اعلام بثي وانشري يـا جريـده لو كل شعار النبـط مثـل سـداح=كان أنتهى موضوع نقـد القصيـده ما يغوص غبات البحر غير سبـاح=ولاكل غـواص" يجيـب الفريـده ملبس الغيدا من الغالي وشاح=تنضيم عقد الماس في عنق غيده شاعر له الجزله تمطرح تمطـراح=وشاعر عليه أغلى النوادر عنيـده وراع النظر ما يسنح الجزل مسناح=يستمتـع ويقراالجزيـل ويعـيـده يدققـه تدقيـق تجـار الاربــاح=إليا دخلوا مشروع صفقـه جديـده وسداح له من جملت الناس مـداح=ماهو مثـل غيـره بجملـه مفيـده ينوح الورقا على الغصـن لا نـاح=اليا حـزن حـزن قلوبـن سعيـده يدخلك مع جوه بحزنـه والافـراح=ويلفت نظر حتى القلـوب البليـده والشاعر الموهوب نجمه اليـا لاح=نقـول مـاشـا الله والله يـزيـده والشك عن مثله وشـرواه ينـزاح=كم شاعر,, مبـدع كتبلـه نشيـده والشعر ذو حدين والشاعر سـلاح=وبعض القرايح حك على الحديـده واللي مهو موهوب ياالربع يرتـاح=يشوف غير الشعـر شـي" يجيـده الشعر لو يقبـل أومايـه بمسبـاح=أوما بهـا راع الصعيـد بصعيـده لله در اللـي مثـل شعـر سـداح=ايـوالله اقولـه و اقـولـه و اعـيـده رد الشاعر سداح العتيبي
فرايد ٍ بنحورها النـور وضـاح=تشغف عقول أهل العقول الرشيده قامت تروم النوف والشوف ما باح=وشبّت على روس النوايف وقيـده ما ردّدوها بين مسـرا ومسـراح=في زومهـا بعزومهـا مستفيـده اللي خياله خصب عن نعتها طاح=الوصف فارق والمزايـا عديـده ما جاتني من كف سارق ومـزاح=ابن عتيق أختارها مـن رصيـده في شاشة المرقاب والزنـد قـداح=من راسه لمتصفّح الشعّـر سيـده راحت هواجيسي على خفّ وجناح=ما غير أدرّج واهسـي وأستعيـده يا شاعر ٍ في طبّ الأمثال جراح=عسى سنينك يا السنافـي مديـده عز الله انك من بعيدين الاشبـاح=عليك مردود الخصـال الحميـده وان عوّدت للشعر كبتـن ومـلاح=ولا هي غريبه وانت عمّه وسيـده شهادتـك مـا جاتنـي بالتمـلاّح=انا أعتبرها منك فرصـه سعيـده افخر بها قدّام .. شالـح وشـلاح=وأبدي بها .. مبدا العلوم الوكيـده من دونها حطيت للبـاب مفتـاح=و دسيتها عـن الوجيـه النكيـده مخطور يلفحني من الكبـر لفّـاح=يا طيب حظي والهقـاوي بعيـده |
السلام عليكم بدايه احب ارحب با الشاعر غالي ربيعان الحربي في ملتقى حرب اللي شرفنا وتسليمه با الابيات الذي على هذا الرابط http://www.m-harb.net/vb/showthread.php?t=72294 وارجو ان يتقبل هذا الرد المتواضع ومن الواضح انه شاعر متمكن وابياته تدل على ذالك وتحياتي للقاري الكريم والحضور عموم ي
دوم الك البقا مليون يا الخير مع الاخيار=تراحيبن على فالك ومقدارك نثنيها هلايا مرحبا بك يا هلا يامرحبا تكرار=تراحيبن على معنى و مبدا الطيب نبديها ترحيبن النشاما با السحاب اوابل الامطار=عدد وبل المزون اللي تكاشف من مناشيها هلا يامرحبابك في محلك مرحبا مقدار=هلا بسم الرجال اللي لك اسم ضمن اساميها تفضل في محلك وقدح بزندك وشب النار=ترا مثلك حرار ولا تبا منهو يوصيها جديد بملتقى حرب وحضور الشاعر البيطار=طواريقك تشوق صف صفينن تغنيها تعامل با الريال ولا يخلا جيبك من الدولار=خبير وصيرفي با العمله الصعبه وصافيها على ما قيل تاجر سوق متعامل مع التجار=تعرف اسعار سلعت عارض السلعه ومغليها تميز با القصيد وبا الحضور بساحة الحضار=وتعزوا في عزاوي يعتزي راسك عزاويها مثل شرواك ما يبحل ولا يبحل ولا يحتار=تراحيبه على وضح الناقا ماهو بمخفيها الا يا مرحبابك ما بها منه والا معذار=وعلى الهقوه هل الهقوات توصلها هقاويها عسا هقوتك ترقابك على قمة جبل سنجار=نهار مثل يوم العيد لاشفتك معديها عسا التوفيق فالك والوفا والطيب لك مدرار=وجزيلات القوافي عد قدرك فوق عاليها |
ابيات رثا في مرزوق الضافي الحصني(العضيد) رحمة الله عليه الله يغفرله والا يفتنا بعده ويلهم اهله الصبر والسلوان
مرحوم يا من لاعني علم فرقاه=شخص(ن) عزيز(ن) لاعني في فراقه علمه هزع قلبي هزع من حناياه=همن ثقيل ولا يبيله الحاقه اكيد ما كلن اليا راح ننساه=الله يزودنا من الصبر طاقه والله يعين اللي فقد من فقدناه=جميع من له ببن ضافي علاقه مرزوق لو يفدا بغيره فديناه=مار المقدر ماش فيه انفهاقه من جاه موته يا ملا ما تعداه=الموت ورادن على غير فاقه الموت مابه شك فرض ورضيناه=لوهو خذا قرمن عليه الشفاقه كل المزايا الطيبه من مزاياه=خيرت من يقدر حقوق الرفاقه يا الله يلي كل خلقه ترجاه=وليل الدجا الثلثين مسدل رواقه ايلاهنا اللي مالنا غيرك ايلاه=اكرم نزل ضيفك وبا الخير لاقه يا الله في رحمتك تغفر خطاياه =عبدك وبن عبدك وبمرك اعتاقه ينزل مع الابرار سمحن محياه=لا التف با الميقاف ساق(ن) بساقه والله يساعد من شكا حر فرقاه=با الصبر والسلوان على فراقه |
لاصارت الخوه على القرش والصاع=تبور مار اليوم والا تبيعه يغنيني الله عن خبيثين الاطباع=اللي يشيلون النجاسه طبيعه اهل الوجيه اللي مع العالم اوساع=وجيههم فوق المعدل وسيعه مدورين القمه اللي على القاع=ويقصر نضرهم عن مقام الرفيعه الله من معروف ببطونهم ضاع=بوجيهم تقرا الردا و القطيعه روسن يعادل مستوا روسها ا كراع=ومنهاجهم ما طاعك الوقت طيعه يدلون با الثنتين بنفوسن اجياع=مطعومهم ما سمن والا اغنا ضريعه السحت ما بين على ابطونن اشباع=حرمل وحنضل با الكبود و نقيعه للقرش رقصهم على طق الاصباع=وشكره على قدر الريال وصنيعه القرش ما ني حاسبن له الياضاع =وحاسيه للازم وسد الذريعه كان انت سبع الليل في ديرت اسباع=كم سبع لليل جاه من سد ريعه الله من مخرم اخشوم اخدم و طاع=والله يعز السيف سيف الشريعه وان طعتني دور عن الدرب مهزاع=الخط واحد والحوادث شنيعه ان كان ما عودت عودت مرتاع=تهرف اهراف اللي خطاهم سريعه |
يالهفتي يا غايتي و شتياقي=لا زلت تسوا في عيوني ملايين مثلك اليا دورت ماني بلاقي=ياسيد الخفرات با العقل والزين باقي غلاك بداخل القلب باقي=امقيم والي غير ماهم مقيمين ياذوقي الراقي على كل راقي=انت الغلا كله منول وها الحين سكر بنات بخاطري وبمذاقي=يرجح غلاك بقايمت كل غالين حبك بلغ با الروح حد التراقي=غلاك بالغ مبلغ القلب والعين حب(ن) من الله ماسبقه اتفاقي=وسر المحبه والغلا بين قلبين جوهر ضميرك والاحاسيس ناقي=وانا ادري اني مثل مغليك تغلين الله يبطي في نهار الفراقي=والله يجمع شمل كل المحبين نبذه بسيطه طالعه من عماقي=تقدر تسميها رموز وعناوين |
اقتباس:
قريت خطك يا جزيل التماثيــــل=يامرحبا حييت والنار حيــه ياشاعرن ما في كلامك مداخيــل=شرواك بين الناس له قابليــه غالي على اسمك با الغلا ماش تاويــــل =من لابتن با المجد ماهي خفـيـــه اللي مثل شرواك يستاهل الهيــل=والعود الازرق والشحم مقدريـــه قدر الكرام اللي على غير تبديــل=سلمن عليه جدودنا الاوليـــه سلم النشاما واليالي مقابيــل=ولا عندنا في تركت السلم نيــــه واللي مثل شرواك كيف المعاميـــل=كيفه ولا يحتاج مني وصيــــه وشكواك تخفاني خفايا التفاصيــل=لو بان بعض املابسات القضيـــه تشكي غرام ام الرموش المضاليــل=بسهومها تشقا العيون الشــقيـــه الجادل اللي تدعج العين با الميـــل=تجني على بعض النفوس الــبريـــــه وحب العذارا علتن العصر والجيــل=وراع الهواء كم جاذب السامــريــــه يشكي عذاب ام الترف والخلاخيــل=من حبها قد هام باالمهمهيـــه عقب الغلا ذاق العنا والبهاذيــل=ومن الغرام العذب للمكرهيــه وكثرهن اللي للخطايا محابــيل=والثلث منهن با الحراوي نقيــــه وحب الشرف مافيه يا القرم تاجــيل=وترا مهر بنت النشاما علـيــــه ابختصر دعواك ما ودي اطـــيل=وختامها مني سلام وتحـيــــه |
السلام عليكم ورحمة الله وبركاته اقدم لكم هذه المشاركه الترحيبيه التي القيتها بمناسبة الحفل المقام بضيافة نايف ابن عواد ابن جديع الحنيني وجماعته لتهنية الشيخ نواف ابن غالب ابن سليمان الحنيني لتعيينه رئيس مركز غسل ونسئل الله العلي العضيم ان يوفقه لخدمة ولآت الأمر وان يديم امن البلد ويحفض بلادنا عن كل مكروه
سلام الله عليكم يا النشاما فـي محـل الجـود=على جود الكريم وكل قرمن جـاد مـن جـوده هلا بسم الجماعه وبقدم عنهم ابـو سعـود=نقـدم شيـخ قـوم قدمـه لنايـف اجــدوده ولد شيخٍ رحل وسمه مع اشيوخ العرب موجود=على التاريخ تبقـا شيخـة العـواد موجـوده رياجيلن عداهـا الشـك والهفـوات والمنقـود=وكبيرين الاسامي عنـد خلـق الله بهـم زوده هلا يامرحبا ترحيب يضفي مثل ريـح العـود=اليا فوح ثمين الطيب فوق الجمـر مـن عـوده هلا مليـون ترحيبـه تبلـغ غايـت المقصـود=جليل القدر هي غايـت تراحيبـي ومقصـوده اثنيها على شيخن عطـوه أحقوقـه آل سعـود=عطوه اشداده اللي يملكـه نـواف مـن عـوده اشدادن له مقام وقدر من بين العـرب محسـود=وكثير اللي مثل شرواه بـا العربـان محسـوده اشدادك يا ابن غالب من قديم ولا يبي مجهـود=مقر وساس من برهن زمانٍ فـات مجهـوده زمانٍ فـات يومـن المنايـا سيفهـا مجـرود=سيوف العز بيديكم مع اهـل العلـم مجـروده على عـز ومعـزه ثابتيـن وطيبكـم ماكـود=وعدوان اهل العليـا بخشـم السيـف ملهـوده وهلا العلياء على العليا وفا تاريخهم مشهود=وعقيدتهم من التوحيد والقرآن مسنوده اشيوخ للوازم والمواقف با اللزوم عضـود=مواقفكم بحـزات المواقـف ماهـي مجحـوده نشامانن تنشمينـا لا حـك العـود راس العـود=جزيلات المواقف مع هل الطـولات مشهـوده زمانٍ فات قبل الكـل يصبـح للامـام جنـود=قبل وقـت السـلام يعـم دارٍ كلنـا جنـوده قبل حكم الملوك اللي ذراهـم للبشـر محمـود=ملوك السيره اللي في قلوب الشعـب محمـوده كفونا شر ميـلات الزمـان وثـورت العبـرود=تحت ضل السعود الكـل بـاع بزهـد بـاروده عسا الله لا يقدر سـو ويـدوم البـلاد اركـود=وتبقى المملكـه ريعانهـا بـا الجنـد مقعـوده وتهانينا لنـواف ابـن غالـب حبلهـا ممـدود=نزف ازكى عبارت التهانـي ماهـي محـدوده هلا عداد ما يمطر حقـوق المزنـه ام ارعـود=وعدد ما حن ورزم في صدوق المزنه ارعـوده تراحيبن تعـم الكـل وكلـن لـه مقامٍ زود=وبنات الفكـر لترحيـب والتقديـر مرصـوده هلا من خاطرٍ جزل الكلام بداخلـه مرصـود=وجزيلات المعاني لجـزل الترحيـب معقـوده وختام القول ذكر الله سبحانه واحدن معبود=وصلى الله على الهادي مبلغ خير مقصوده |
يا وطن مفروغ من حقك علينا=قدرك اكبر من تعابير القصيده لنك اللي في ضفافك محتوينا=محتوينا في مزاياك العديده ما يجود بجود مداتك حدينا=مدت اهل الجود مع مدك زهيده كم غمرنا من سخاك وكم خذينا=فاض فيضك للمواطن في رصيده في نعيم افضال خيراتك حضينا=قد خذينا ما نود وما نريده والامان اكبر نعيمن به رضينا=لو قضينا اعمارنا على الحديده لو تزود حمول بقعا ما شكينا=رزق خلق الله على خالق عبيده لاسترنا اعراضنا رحنا وجينا=مع هقاوي من هقاويهم بعيده والوطن بقلوب كل الغانمينا=دام عزك يا وطن جمله مفيده مخشرينك با الغلا مع والدينا=في شرايين الخفوق وفي وريده ما نطاوع فيك كيد العابثينا=ولا علينا من الشياطين المريده جمعنا دون الوطن حرزن مكينا=والمواطن للوطن جندي وليده واجب مفروض با العلم اليقينا=من رجال العلم ورجال العقيده وللبلاد التهنيه و الحاكمينا=يوم توحيد الوطن والله يعيده |
اقتباس:
لاهنت والا عليك زود شاعر متمكن والمعذره على التاخير وعذرنا على التقصير
دام البقا با العميل اللي هجوسه ثمر=وجزل المعاني خيال الحر مندوبها قريحته من جزيل العلم تقطف زهر=من ضمن شعار حرب ابملتقى احروبها شاعر اسلوبه مميز عند زيد وعمر=ومقدار قدر الحا من واقع اسلوبها من شد قاف القصيده ونحته من صخر=جزل الاشاده وساع العرف قروبها وتبقا صدور النشاما للمعاني مقر=والناس ما يندرا وش قر بقلوبها محدن بمظهر خفايا خافقن ماظهر=والذاهبه ما نفك ارموز مكتوبها واللي يبا الحل ياتينا بعلم وخبر=وانكان له وجهتن ينعت لنا صوبها يبشر بعزمن اليا عضد عضيدن عبر=من لا بتن كانها فزعه ما شحوبها ربعن ما تنبش حصيل القبر للي قبر=والخافيه خافيه لو بانت اجنوبها لا غاب راس العلوم اتروح جرت وبر=والجره البينه تستقطع ادروبها ما با القضيه لك الله يا عميلي مبر=فند قضيتك والا قض مسحوبها والخوف ما هو من البين من اللي سبر=يمكن تصنف معه ويفر دالوبها يجيك بكره على ما قيل بدها وامر=لو اللوازم بسده ما قضا نوبها هذاك فاله بعيدن عنك فالن غبر=والجابيه فوق راسه تنضح اغروبها حضيض من جاله بغيره دروس وعبر=ان شيد اصروحها والا بنا طوبها ومثلك حكيم وفيهم انقاس والاشبر=واللي ما تستر ما يسترها طرف ثوبها |
العيون السود والطرف الكحيـل=البلا والموت الاجلد في هدبهـا مستحيل اسج عنهـا مستحيـل=لو عنا قلب المشقا من سببها لجلها لو اسهر الليـل الطويـل=خاطري زود الكلافه ما حسبهـا لو اسامر طيفها في كـل ليـل=شف بالي مهرتن تسوا تعبهـا مانبا الا الترف منسوع الجديل=لو هوا ترف البني حالي قلبهـا علني لو مانـي بقبلـه عليـل=والغلا نارن توقد فـي حطبهـا وقعها في خافقي ماهـو قليـل=ويل قلبي كان حضي ما كسبها دآمها طب ودواء قلب العليـل=علتي ودواي كـان الله كتبهـا مالها با المجتمع عندي بديـل=وهي كذالك كان ابوها ماغصبها وش دليلي عندي الخافق دليـل=من مشاعر خافقه قلبي سحبها والقلوب اتحب وتحس وتميـل=ودها ياقلب احاسيسي وجبهـا غير هـذا لا كثيـر ولا قليـل=والبيوت بسترها محدن قربهـا حايلن من دونها السيف اصقيل=سلم بدون بارك الله في نسبهـا سلمهم مع قدرهم قدرن جليـل=ومن يخالف سلمهم روحه نكبها والهواء دام الهواء حده نبيـل=حشمة ابيوت المعاني ماسلبها الغزل ماعذرب الشاعر سبيـل=شاعرن جزل القصايد قد كتبها بختصرها والهواء شانه ثقيـل=ماش حل الا اني اروح اخطبها |
هذي قصيده مصافحه وتم الرد عليها من الشاعر محمد العريمه علها تعجبكم
نبي نصافح هـل التقديـر والهيبـه=قدر ومقام النشامـا عندنـا غالـي حق النشاما هل الترحيـب ترحيبـه=ومقرهم فا الرفيع الشامـخ العالـي والكل منهم عزيـز وثابتـن طيبـه=ربعن لهم با الوفا والطيب منزالـي الابه اللي عداهـا الشـك والريبـه=في ماكر الجود لهل الجود مدهالـي الطيب حرب النشاما هـم معازيبـه=ذخر المشاكيل لا من الدهـر مالـي وافين كـا ن الدهـر دارة دواليبـه=مرين للخصم حالينن مع الحالي بعزومهم كم تجـلا هـم ومصيبـه=يروح صدر الهموم من الكدر خالي وعدوهم يا عما عينـه ويـا شيبـه=خصيم حرب العزيزه شاف الاهوالي خصيمهم كدرو صافـي مشاريبـه=اهل السطر والضفر حمايت التالـي فريسهـم كـل مزمومـن تعديبـه=ربعن تفج الصفوف ا قفاي وقبالـي حرار كلن اليا ادلا ادمت مخاليبـه=كم خصم عن سرجها قدامهم مالـي وكم شيخ قومن على يديهم عوا ذيبه=من فوق راسه تراب القاع منهالـي اقفا وربعه علـى الفرقـا تهذريبـه=مقدام قومن فنـا بيديـن الابطالـي والضيف والجار معطينه مواجيبـه=كلن خذا واجبه مـا هـس مثقالـي طيب ووفا حرب كم شاعر يغنيبـه=مشروب خويهـم قـراح وزلالـي موقف نويشي جميع الناس تدريبـه=ذباح ستـه وملحقهـم يـد الخالـي وفعل البلالي عـده الشـك الريبـه=لجل الامانه تجبر ورخص الغالـي فـدا الامانـه بعمـره والله يثيبـه=ياعل له في جنان الخلـد منزالـي حرب النشاما مقر القـدر والهيبـه=قبيلتي تـاج راسـي والله الوالـي صح لسانك ياعبدالله واليك هذه الابيات مجاراه عسى ان تنال اعجابك واعجاب الجميع :
ياهاجسي ودنا بالشعر وديبه=نبي نجاري هل العليا على العالي وهذا ردي على العريمهفي دار لاهل الكرم خضراء معاشيبه=يامرحبا بالرفيق الشاعر الغالي قال العريمه وهذي من مكاسيبه=اكيد شرّفتنا ماهو يو رالي قاف الحنيني على ماقال ياطيبه=المر من عقب قوله ينقلب حالي افخر بشرواه واغنّي واناحيبه=الطيّب اللي على باله على بالي الفرصه اللي تجمّّل فيه وتجيبه=يفرح بها كل واحد طيّب الفالي ماقلتها للمجامل عنده وليبه=لاوالله الا كلام الحق ينقالي شبابه اللي يجمّل حرب وعتيبه=تفخر بشرواه لنّه قول وافعالي يالشاعر اللي مع الشعار ترتيبه=قدام وسط المنصه يلقي القالي متنبي القوم في حزّة مكاتيبه=لو شاف شعر الحنيني قال عزالي ولاّّ يقول الشعر عزلّت ماليبه=مالي معه يارجال العرف مثقالي وجهة نظر عندنا والحق تبديبه=مثل الغذاء والوفا وان زدتوا المالي ربعه بني سالم ومسروح تطريبه=لاقالوا الناس منهو مطرب السالي ربع(ن) لهم مع ظروف الوقت تغليبه=واحوالهم لو نشدت الناس في حالي مثل اليد الواحده والخصم توميبه=او ماي صقارن بشلوه على الجالي واللي يبا يَحصده قهر ومتاعيبه=لو مات ماحصل المسكين مدخالي يبا يحارب ولاكن حصل الخيبه=وبالمعركه روّح الاول مع التالي ضلع(ن) بوجه العدو وسيول وحريبه=فعل(ن) قديم وجديد الوقت مازالي
هجس العريمه وفا ملـزوم اهليبـه=ماني بقدره شحيح ولانـي امبالـي والطيب راع الوفا والطيب يحريبـه=له من مديحه مقام وقـدر وجلالـي شاعر بـلا شـك ومميـز بساليبـه=له كايف القاف من شيلـه وموالـي يتعب على القاف ويجمـل هناديبـه=والقاف لا نضمـه مابـه تخلخالـي لا طب سوق الجزيل الجزل يشريبه=ويغوص جمن لطم من جال لاجالـي ياخذ ويعطي جزيلـه مـع لواعيبـه=ويحد خصمه بعرفه لشهـب الالـي ماولف العلم وسـط العلـم تركيبـه=وميزان عرفه مع اهل العرف مكيالي جزيل هجسه بسـاع العلـم جانيبـه=ساق الجزيل الثمين وقـام يختالـي والطيب مردود منـي لهـل الطيبـه=واهل الوفا حقهم ما با الوفا اشكالـي والكيف راس العريمه من شواريبـه=من مبتدى الكيف لين الكايف التالـي أشقـر مـردد عريباتـن مجاذيبـه=متكانفه جود عـم وطيـب الخالـي مازل هجسه والا هسـة مقاضيبـه=مقفول ما هس عن شـرواه بقفالـي من الرها كل قافن عسـر يرهيبـه=ينقا ويلقا ثمـرة الجـزل والغالـي لاهان قدر الفهيم اللـي وفـا طيبـه=ساس ومقر الوفا والطيب لـه فالـي |
حربي وربعي حرب في كل الاحوال=والحربي الطيب محله محلي لاصار قرم وللمشاكيل مدهال=أهل الوفا مدهالهم مدهللي والطيب وهبه ما يثمن با الاموال=ونجم الوفا والطيب دايم أمطلي موجود مع سبع القبايل با الامثال=والا الرداء عنا وعنهم يولي جزلين وافين الخصايل والافعال=ما يذمهم غير الهبود المغلي مايذم ويعم المخاليق رجال=لاصار له ذمه ومسلم يصلي يا عل ذم الخلق ماهو لنا فال=يا الله عسا ما ذمهم مسهملي يا الله عسا لي مع هل الطيب منزال=عل وعسا منزالهم منزلي قدرن مع اهل الطيب ما هس مثقال=يبقى على وضح النقا مستقلي مع الرجال اللي لهم قدر وضلال=منهاجنا منهاجهم ما نزلي نهج الكرام اللي عن الطيب مامال=وعزمن يحل اللي صعيبن يحلي و نشوم عن بعض السوالف والاقوال=لاصد راع القول ما قلت قلي ما انجادل اللي مهنته خوض وجدال=ولا ننخدع في ضحكة المسفهلي ولا نقيم اهل الطيب ببشوت وزوال=كم بشت حدر البشت ثورن مفلي لرجل با التقييم مظهر ومدخال=واللي ماهو قول وفعل يضمحلي أحدن بحزات الشدايد على البال=وحدن غدا طاريه يا طير يلي عده بحزات الوازيم تمثال=رفقت رخا وقت الرخا و تسلي له جدتن تلمع لميع الكرستال=وشوي ويبين الحديد المحلي واللي على الحروه يجي ما به اشكال=مار البلا اللي عن هقاويك زلي ساس ومقر الطيب ومعرب الخال=حول بوسط القاع من راس تلي والمرجله مايحوشها قاصر أحبال=ودرب العوارف من بغاه أستدلي قلته وانا حربي وفي كل الاحول= الحربي الطيب محله محلي |
نايف علـى ماقالـو البـدو مرقـاب=مرقـب هبـوب النـود والعالـم الله والعالي اللي حايـزن كـل الاعجـاب=قـدر ومقـامـه زود والعـالـم الله لشـعـر والشـعـار مـقـر الآداب=سـاس ومقـر الجـود والعالـم الله وجزل وثمين العلم يحسب له ا حساب=وراع الجـزل محسـود والعالـم الله و الجزل يبقى حي لو صاحبه غـاب=جـزل الجـزل موجـود والعالـم الله بصدورنا ما قال ابـو زيـد وذيـاب=والغالـي المعـقـود والعـالـم الله كم قاف لو قالو لنـا شـاب ماشـاب=لاكـن يبـا مجهـود والعـالـم الله والشعر لو لا مجاملت بعض الاصحاب=عــدا عــن المنقودوالعـالـم الله راحت قناواة الفضا شعوب وحـزاب=وقبـر الشعـر ملحـود والعالـم الله تكانفـوه وصـار بيديـن غــلاب=وسيف الفنـا مجـرود والعالـم الله وحب الظهور القصد واهم الاسبـاب=هـذا هـو المقصـود والعـالـم الله كلن يدور لـه مـن النـاس طـلاب=يحـك عـود بـعـود والعـالـم الله لو ماش لازم من ورا فتل الاشنـاب=حكامـنـا الاسـعـود والعـالـم الله يا اهل الحا عيب التنابز بـا للقـاب=ولا بـا المجـادل فـود والعالـم الله ورجال مابه دين لوطـاب مـا طـاب=وبـو لهـب ملهـود والعـالـم الله ماودنا عن بـاب نفتـح لنـا بـاب=ابقـفـل الـمـرود والـعـالـم الله يهل العلـوم الطيبـه كلنـا احبـاب=والله هـو المعـبـود والعـالـم الله والشاعر الماخوذ لا صـار مشـذاب=نقـولـه مـقـرود والـعـالـم الله يلعب ويظهر له مـن النـاس لعـاب=وجـم الـرواء مـارود والعالـم الله يطير طير عقـاب ويحـول عقـاب=وطيـر السعـد موعودوالعـالـم الله طير الشبب يسطي ويدمي بمخـلاب=يقبـل كمـا العبـرود والعـالـم الله ومن لا يهاب ابسلم الاجواد ما يهاب=لا نـشّـع الـبـارود والعـالـم الله عشنا شباب ابمدرسة نـاس شيـاب=لله در الـعــود والـعـالــم الله لو ما مشينا ما جهلنـا بـا الاقطـاب=ولا نجامـل النمـرود والعـالـم الله ومن لاتعب ما يطعـم الشهـد لا ذاب=والخالـق المحـمـود والعـالـم الله ويكفيك عن كـل القنـاواة مرقـاب=ماهـو لحـد محـدود والعـالـم الله |
مضمون نظم القافـي=يسار شطـر يمينـا عقد الثمين الصافـي=من هاجسـن مغنينـا هجسن ما يبغا سعافي=يبحث خفا مقاصينـا جزل وثمين اوافـي=لا قـلـو الوافيـنـا لا بار خطو الهافي=حصيلـنـا مغنيـنـا في عالي المشرافـي=مجهودنـا يرقيـنـا كل الثقال أخفافـي=بعضودنـا ويديـنـا و الله هو اللي كافـي=خلاقـنـا كافـيـنـا ما به على الله خافـي=والله عالـم خافيـنـا ربن بمـره متعافـي=والله بمـره هادينـا ما ندور المزهافـي=ولانبيع من يشرينـا ورفيقنـا البـلافـي=يقفـي ولا يطريـنـا عنا يـروح أخلافـي=ما نوحي لو يوحينـا امره هيـن عوافـي=يقضي بمره قاضينـا عن دربه لي محرافي=يشقـا والا يشقينـا للقـوارب مجـدافـي=وللـوازم حاضيـنـا من يضيف وينضافي=حقه كبشـن سمينـا الناس أجناس اصنافي=مصنفهـم واليـنـا مقابيـل او مقـافـي=بيـن القسـا والينـا وبعضهم ضوه طافي=يرضيه ولا يرضينـا ساعه برض الفيافـي=عن مجلسه تغنينـا |
خبري بكم يا اهل الحكا ماهو اليوم=خبري بكم مبطي بكم خاب ضني بعتو ثمين اصدوركم برخص السوم=ارخص من اللي قيمته حكم صني واللقمه اللي مالها قبل بلعوم=قامت تمناها الحناجر تمني الكل منكم كنه الحوت لاهوم=يشتالها لو جاوز الوزن طني وطيبكم اللي مسهمه جملة ارقوم=برقامها عنده خبيرن و فني خبرة خبير وقدمه الدرب مرسوم=يمشي وقلبه يا ملا مرجهني والليل مضلم والسماء مابه نجوم=عنه النجوم المرقبات ادبحني وخيم دجا ليلن به الحق مهضوم=دام اهل الذمه اذممهم غدني صدو صدود وغمضو مابهم نوم=كلن يجوز يقن للحق قني دام اهل الصدات با المجتمع كوم=أمؤشرات العارفه با التدني قامت تدنا اعزوم وتهبط اعزوم=وعزم العزوم الهابطه ما يكني با الملحمه سيفه مشبب و ملحوم=مسنون سنه تالي الوقت سني سيفن خذاه الاش في سعر قدوم=يوم ارخصه راع الظروف اجبرني ازرا وكضمله على شوك برشوم=لا يقدر يسولف ولاهو مغني والموقف اللي يفرق الحر والبوم=ويكشف رصيد اهل الرصيد الهبني صحيح وقت الازمه تظهر اعلوم=اصبح وجه والا اصبح الوجه بني واللي بصدره علم عالم ومكتوم =العلم يضهر والخفايا خفني ينام قلبن مابه احساس معدوم=فديغ قلب في حياته امرني مع العزايم والهمم غلبت الروم=ولاكل حربن للغنايم اتشني وطهر بلد في حكم آل سعود محكوم=والدار بضلال السعود اطمئني ومساندتهم فرض واجب ومحتوم=حق الوطن مافيه مني ومني ابذل سبب ثم قل مقدر ومقسوم=والا ترا الاهمال قسم التجني والوقت هذا حرب وعلام ونجوم=وقصى طموحات العرب يا عنني |
مشكلتك انك تغطرس لا انتعشت=منت من يشكر اليا ذاق الحياه والزمن ما ينومن لبسك بشت=والله اعلم وش وراء بشت الغناه والزمن دوار وفطن كان عشت=وكل حين با الزمن يتبع هواه الزم العلم الثمين انكان ششت=منت راسً شاش طنخه من طناه ندري انك من عراميشك عرشت=ويعرف البيت العزيز ومن بناه لا تضيق انكان منت انضقت هشت=ولا تهدد من يوسقك القناه ولا تقول اللي اليا قلته بلشت=وكان قلت وقل ذوقك قول هاه الزمن لاغر بك عانك هلشت=لو تحلق فا الهواء عبر القناه وكان من مقسوم رب الخلق حشت=كم شهيرن شهرته سبت عناه لو شهرك الله سما ثم انكفشت=ما غبطت اللي رفيعن مستواه عفت شهرتك وتقلصت و كمشت=ومن مدح راسك يساهم في رداه ماعليك اخلاف وشفيك ارتبشت=واشقا قلب المعنا وعناه احتمال المحتمل يمكن نبشت=وعبرة اهل الموعضه بمر الجناه مار كان اقلقت فكرك وندوشت=غيب صدرك ما نبي نبحث خفاه لو تحلل كل ماقيل الكشت=والزمان بعيد ما تلحق مداه |
[CENTER]
اقتباس:
استلامك والمعذره على القصور لاهنت
قدر ومقام المعتبر باالرفاعه=اللي يتل السبق تل بطلوعه عانق شعاع الشمس حزت شعاعه=مع الحرار النادره والبتوعه يعانقه طربان له بندفاعه=ويقلده في هدته وبشلوعه يفداه قلب المرجفه والرعاعه=اللي لميع الشمس لا المع يروعه سمعت منه اللي يليق استماعه=وبعطيه علمن يقبلنه اسموعه مالي بدعوا ما شتكيت استطاعه=خصمك خصيم المجتمع في جموعه واللي يجيه ايقول سمعن وطاعه=مقدام قطاع النفس عن ضلوعه ومثلك يزود مزهبه من متاعه=وياخذ حصيله مثل خيرة ربوعه يوفي على ماقيل مده وصاعه=ويقلط على خير الرطب من قدوعه والكل لا بده مقطب شراعه=والدرب واحد لو تفرع فروعه الكل يب ياتي رحيله بساعه=شين مقدر مستحيلن رجوعه يروح والتركه الغيره اقلاعه=انكان ماهو لقمته قد جوعه وماراح راح ولا يعود طماعه=ويبقا وقاره ثابتن مع نجوعه يا الله عسا لك يا الفريدي شفاعه=عند الرسول بيوم تحشر جموعه صلو على اللي ذايع الحق ذاعه=المصطفى نهج الهدايه شروعه |
المحترم واجب علينا أحترامه= والا الردي ماله علينا مواجيب الضيف تلزم حشمته بإلتزامه =ومن لا التزم فوقه تدور الدواليب بعض اللحى ما تستحق الكرامه=ومقدارها ماهو من القدر والطيب مجامل الرديان عيب و رخامه=عده ردا مافيه شكن و لاريب ومن لا تردا ما بوجهه علامه=واليا تردا فوق راسه عوى الذيب لو ما تعشاء الذيب الامعط هلامه=لاكن بعض الناس يحتاج تاديب يردع ويوخذ رادعه من كلامه=للهزل هزل و إلا النشاما تراحيب ماكل روسن زاهيه للعمامه=والفتل يزها روس بعض الاشانيب ولاكل سوداء(ن) على الوجه شامه=وبعض الوجيه اوجيهها تقبل العيب حتى ايش لو بانت عليها الوسامه=وسامتن تظهر على الوجه وتغيب وفرقا الردي وكاد عيد وسلامه=و حرب العزيزه للنشاما معازيب |
ياصاحبي دونك جزيل اعلومي=ماهي حلوم يبلش امفسرها مليت روتين الحياه اليومي=وحواجز الايام كيف اكسرها مبسوط لا ولاني ابمهمومي=وحاجات واجد ودي اغيرها حاجات ماهي في يدي وعزومي=لوهي على يديه عرفت اقصرها لا تقولي حامض حلو يلومي=وفواكه المرمر قضا مرمرها والشوك حد اللي يبا البرشومي=ونون العيون بشوكها تسبرها عند الولي رزق الملا مقسومي=لاكن لزوم ارزاقنا اندورها وشكر الكريم العبد به ملزومي=وخير الملا اللي نعمته يشكرها ماعنك سر بداخلي مكتومي=وغيرك عليه اسراري مشفرها اخطي صحيح ولاني بمعصومي=وزلاتنا تصغر والا نحقرها ولاخطا علينا الاش عنه انشومي=وزلت قليل الفود ما نذكرها ونشيم اللي با الملا محشومي=وان جات مكسوره منه نجبرها مانقعد انصوت عليه ونومي=وعصاه با الثنتين ما نشقرها ورفيقنا ماهو بنا موهومي=نوفي مع الوافين ونقدرها وبارو بيدينا من الخلايق كومي=وليا عذرنا ناس ما نعذرها وجه العدو بكفوفنا ملطومي=وعدواننا ناطا على صابرها ولاكل شرً له فسرنا اكمومي=واللي نبي ندلي بها انوفرها وخصيمنا عن حقنا مكزومي=واللي وجوبن سترها نسترها قد ومقاس وفصل فصل اهدومي=واللي تخب اهدومها خاصرها ونشكي على الله واحدن قيومي=اللي عباده بمره امدبرها وياعل عزك يا العزيز يدومي=وجزل العلوم القاف لك صورها |
قصيده موجهه لشاعر غالي ربيعان الحربي وابو نايف كفو ويستاهل بغير قصور با الجميع
بسم خلاق الملا مبدا القصيد=القوافي ساع ذعذع ندها نقش علم(ن) ننحته بطراف حيد=ومع هل المعنى الجزيل انعدها يا ابو نايف ياعسا عمرك مديد=حي فال ام الشحم لي مدها ساس معدنك الوفا هذا الاكيد=والجزاله فال مثلك قدها مع هل الطولات مقدارك يزيد=والهزيله راس مثلك ضدها فالك الجزلات يوم الله يريد=والجزاله للجزيل انشدها من رياجيل(ن) تفيد وتستفيد=ومعرفتهم با الرفيعه حدها تاصلك جزل الهجوس ولا تهيد=ياسديد الراي عطنا ردها وانت من خيرة هل الراي السديد=وشور مفهوم العوارف جدها والهدف لاهو قريب ولا بعيد=ولا توقد يا الفهيم ابدها خلاها تزمي ورا الراس العنيد=ندرن تشدا نوادر ندها واللبيب اللي يشيد ولا يشيد=لا لقا بسر القناوه جدها ماحه اللي ما يحن هدب الجريد=وغايته با الطرس بيح سدها خيب الله كل شيطانن مريد =مذهبه ساس الروابط هدها لاش عرف ولاش قدر ولاش جيد=ولاش هجمه راس مثله صدها كل ماهد الروابع ما تصيد=ومن ملك جزل الروابع هدها لا بغيت اتحدحده قلبه بليد=وغايته عز الصفوف يفدها مستواه من الوفا صفر الرصيد=والجزاله لا اسنحتله لدها لو يجي ويروح مع ساع البريد=ماله الا اشتال جبها ودها الدواء والطب واراي الرشيد=وكان عندك له حلولن عدها وهذا كان رد غالي ربيعان الحربي بيض الله وجهه ومليون صح السانه
مرحبا ياشاعراً وصفه فريد = كل عين بالقصيده شدها شدها بالعرف والقول المفيد = والجزيله بصمته في خدها يابو خالد نعم يا نعم العضيد = طالب اليمنى وانا ما ردها عن رجالاًمدحهم ماهو جديد = لابتاً كلن تمنى ودها بالشدايد وانت رجالن شديد = محتزم لاسواء الظروف وضدها الله الرزاق خلاق العبيد = عالمن مصدارها ويصدها السعيد ايماشي الرجل السعيد =والقراده قردها يرتدها مايذوب الصخر لاذاب الجليد = والسوالف شينها في سردها والصعيدي منزله عند الصعيد = مثل يوم الكرد تبغى كردها ان قعد وان راح مايحسب فقيد = يوم يبنيها ويوم يهدها علتن بالترقوه جوف الوريد = لا انعرف مزح ارجال وجدها مالها الامثل سيف ابن الوليد=سيفن اجرد للرقاب يقدها واحسبه عندي وعندك يوم عيد= والحقيقه عدها واعدها مايجي ضد الحديد الا الحديد= ليش تعطا شخص ماهو قدها |
الوفي ياصحابنا لله دره= والردي يرجع على راسه رداه والوفي بالطيب له قدر و مبره=والردي قدر الردا من محتواه والوفي واجب على الوافي يسره=والردي قفل اسموعك عن نداه والوفي لا تحتري منه المغره=والردي تلقا المغره من وراه والوفي طبع الوفا ساس ومقره=والردي ساس الردا من مبتداه والوفي بيته يشرف من يمره=والردي ماسر بيته من نصاه والوفي قدره مثل نجم المجره=والردي قدره تحت حيد الحصاه والوفي ضوه حوآسيسه تكره=والردي ماشعشع الضو بسماه والوفي با الطيب له مبدا وجره=والردي درب الردا شف وهواه والوفي له جوهر المضمون دره=والردي حتى التنك واجد علاه والوفي تمجيدته ماهي بمره=والردي مدحه ماله طعم و حلاه والوفي تامن على ماقيل شره=والردي ما ينومن شرن وراه والوفي لا تحتري منه المضره=والردي يمكن يغشك في عشاه والوفي يحريك با الطيب وتحره=والردي دوم الرديه في حراه والوفي يبقى وفي محدً يفره=والردي يفتر نوبن من خلاه والوفي يدراك يا القرم وتدره=والردي لا فك فمه العن ثواه والوفي له الثنا مليون مره=والردي لا ضاق لا تطلب رضاه والوفي يبقى وفي لله دره=والردي تكرم لحاكم عن رداه |
بسج هاجس هاجسي دار ما دار=عل وعسا في سجت الفكر خيره
ولله ماقدر ولله ما ختار=علام ما تبدي وتخف السريره ولاني عن الجزلات غاوي و محتار=والدرب الايمن ما به ايات حيره والقلب صندوق الخفايا والا سرار=سر البنادم في خفايا ضميره وسوق الجزاله هاجسي منه يختار=ويدرك ثمرت العلم ماهي عسيره وان ما قصفها وهي بكبد السما اطيار=اللي تطب القاع من حض غيره خيال شاعر حر من ضمن شعار =ما يقتنع با الطارفه واليسيره ياخذ ويعطي ما على علمه اغبار=وراع الجزاله با الجزاله خشيره يجدع نياشين الهدف وزن وعيار=وعند اللوازم ما حسب فا الذخيره ما حار فكره في مدا بعض الافكار=اللي بها الابداع يقصر مسيره ولا غره اللي يلقح احوار بحوار=اللي ما ياصل للحراوي شويره اللي يناظر قفو مع كل مشوار=يرجع من المقناص ماهد طيره يقصى مدا الهاجس من يمين ليسار=ولا ياصل الحروه ولو تستـثـيره ادناه لو تقصاه بقرب مدا بار=يملك من الابداع كبر الشعيره حصيل ناتج حاصله تك و صرار=من ما احتوا مضمون بطن الشكيره من ضمن ناس(ن) ما ورا علمها اثمار=لوهم على ما قيل في كل ديره الشعر مضمونه على يدينهم خار=مدو على جزل المعاني حصيره وسوق الجزاله راح درهم ودينار=صفقه لها من مجمل الربح سيره نتايج الارباح مليار مليار=واهل التجاره با التجاره خبيره والشعر سامي مايقيم بدولار=ولا يرخصه ناس(ن) بقدره جديره سحر البيان وله مع الناس مقدار=نشا وترعرع وسط شبه الجزيره شارك زمانن فات في كل الادوار=تاريخ لسلاف وشعوب وعشيره ثبت لتاريخ السلف واغلا الاخبار=ولاغاب عن كل الامور الشهيره شاهد شهد مع كل فارس ومغوار=وسيف(ن) يسل بلازمه عن جفيره ويبقا مقام الشعر مع قدر الاخيار=اهل العقول الناظجه والكبيره نبذه بسيطه والفضا ء دار ما دار=عل وعسا في سجت الفكر خيره |
في كل يوم يزود غلاك يا شوق=يا لهفتي يا غايتي يا شتياقي يا حلا الحلا والملح يا كامل الذوق=كلك على بعضك رفيع المذاقي اشتاق لك من قلب وعن وتوق=من لحظة الفرقا لوقت التلاقي طيفك يداعب هاجس الفكر برفوق=يجلا كدر صدرن تكدر و ضاقي لا مر لك طاري على بالي اروق=وليا عبر طيفك هواء البال راقي موقعك وسط القلب يا خل مرموق=ومن الغلا نلت الجناب الرقاقي مالي هواء غيرك من البيض مخلوق=ومثلك اليادورت ماني بلاقي وتبقى بقلبي دام با القلب معلوق=ما اعلن غلاك من الخفوق الفراقي والقلب لسرار المواليف صندوق=محدن على سره وخافيه واقي عشق ابدوي مايعرف الغدر والبوق=يحيا و يموت وسر خافيه باقي عل وعساء ماء للغلا والوفا عوق=والله يعين اللي من الولف شاقي واغلا الغرام العذب عاشق ومعشوق=دام الهواء والحب معناه راقي انت الغلا اللي بنظري راقين فوق=ذوق وعليك الذوق ياذوق لاقي قطفتلك ورد وزهر كل زملوق=باقة زهر منهال عذب السواقي |
الساعة الآن 12:34 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir