|
دمعي ذرف من قساه وفاض=اللـي سرقنـي وبكـانـي ما شال حاجة من الأقراض=سرق منامي مـن اعيانـي |
متعلم الحرف مـن صغـري=واليوم لـي ترجمـة وكتـاب أبيع في المعرفـة واشـري=واخذ نصيبي مـع الأصحـاب كـل المخاليـق بـي تـدري=من يوم نجمي طلـع ماغـاب محفوظ بين العـرب قـدري=والطيب نحسب له الف حساب |
سلام مخصوص لليوبي=مع طلعة الفجر سرحناه في خط مكتوب باسلوبي=واضح ونبغى فهد يقراه يـا مرحبـا وهــذا مطلـوبـي=نظم الشعر مع عظيم الجاه الـشـعـر بـالـعـز مـكـتـوبـي=للصاحب اللي بروحي أفداه كيف اتهنـى ومحبوبـي=يقسى على القلب مايدراه اللي مضى عذب مشروبي=واليوم حنضل تجرعنـاه ما يوم يحصل ولا ينوبـي=درب الوصل ينقلب لجفـاه خل الزعل هذا مسحوبـي=روح وتعاتب بغزل ما احلاه رفعت في العزم منسوبي=بروح لـه والأمـر لله واخاف تتحمل ذنوبـي=وتقول ياليت مارسلنـاه زيد الوصل بكل مرغوبـي=ما يوم يذكـر أبـد فرقـاه ما احد"ن" من الحب بيتوبي=طيع الخوي والعسل تجناه |
بوش انتهى وانتهى غيه=والناس متأمله في الجي واخاف يطلع لنـا زيـه=عن وضعنا ما تغير شي في كل روحة و كل جيـة=الوضع باقي في قلب الحي جميـع الآمـال وهميـة=و النار تلهب و تكوي كي حزبين صنعه يهوديـه=لوتختلف فالاسم والزى من راح عمق لنا الكيه=والجاى يطوى علينا طى |
غالـي بأصلـي ومبدايـه=لو باعني بعضهم بالرخص بمـد طيـبـي بيمنـايـه=( وعمر الوفا مايعود نقص) من عادة الحر له غايه = رصيد زايد ولاينقص حكمة ومظمونها ايه = في منزل القول هذا النص القصد تذكيـر ودرايـة=تكتب لشرواك في ملخص والطيب لهل الوفا رايـة=بيضا وماهي لحد مختص |
أللي من الناس ياخذ حـرف=تكلـف يجـي يـوم يتعلـم وعمر الزمن مايغض الطرف=لازم يجـي يـوم يتكـلـم |
بعد الوسم هلت نجومه = وبرق الحيا لاح في منشاه البحر من يقدر يعومه = غزير جمه وباردماه بعد اللحن زان منظومه = أللي كتبته لنا نقراه وكلن يعلم بمعلومه = ويرو ح يم الذي يبغاه آه أصدر الود مرسومه = واصبح عن القلب في منحاه كيف الحشا ينال مقسومه = أللي من الود يتمناه طبيت لك في بحر عومه = واصبر على كل ماتلقاه لوشفت فيه الخطر سومه = وما قدره ربنا ترضاه |
ياللي ظروف الزمن تحداك=عني وانا عنـك تحدانـي مشتاق لك وانتظر لقيـاك=أسهرني الشوق وابكانـي |
طفنا بحور الغرام سنين=حتى المحيطات غصناها ومن ذلك الحين لا ذلحين=وحدودهـا مابلغنـاهـا |
يقـول مـن طـاف وتجـول=ومن سابق الوقت عاش سنين أبكـي علـى وقتـنـا الأول=واضحك على وضعنا ذلحيـن تغيـر الـوضـع وتـهـول=ولو جيت انادي أنادي ميـن كـل شـي مقلـوب ومـؤول=حتى اصبح الكل له اسميـن يابو عمر وقتنا حوَّل=على القسا بعد شفنا اللين وإن كان ليل الفرج طوَّل=الله على الباقيات يعين |
من حط يمناه في يمنـاك=خليك دونه بحـال ومـال وحاول تجنب دروب عداك=ترا العقل زينة الرجـال |
بي جرح جوف الحشا دامي = كل ما تشافا منه يرتد قالو مودين قدامي = جرح المودة دواه الود |
هذه الكسرة من عامر ابن أخي وابن عمي أحمد حسن محمود العمودي والرد مني أوردها في هذا المنتدى راجيا من الله أن تنال رضاكم واستحسانكم
عرقين في القلب معترضا = نيران تسعى نهار وليل أصبر على حالتي وارضى = وألاّ اتنحى واذوق الويل
من صار للأمر ذا عرضا = يثبت على ماقفه لا يحيل من لا صبر ما يحط امضى = في دفترالظبط والتحصيل |
رسمت له شكل في ذهني = وسهرت ليلي اتأمل فيه مشتاق والشوق عذبني = وأللي حداني عنه حاديه |
من حط يمناه في يمنـاك=خليك دونه بحـال ومـال وحاول تجنب دروب عداك=ترا العقل زينة الرجـال |
سلام ومساهمة منا = بعد اطلعنا على المكتوب أللي افرحنا وزعنا = وين التقي حقي المسلوب ترحيب غالي ويسعدنا=ياراعي القن والموجوب تشريف شرواك مكسبنا=ابشر ونوفي لك المطلوب تبقى وشرواك يتمنا = وحنا في كل الوجوب انوب لكن صوتك قصر عنا = لو يتشامل وراح جنوب تسلم وحنّا كما حنّا=والصوت ماحدٍ عنه محجوب وتسد عنّا فعايلنا=فاللازمه حظها محسوب ماذمكم ياهل القنا = مير الذي عكر المشروب يوم شفت حرفك تجاهلنا = ونته تنادي رجال حروب لعموم الاجواد نظمنا=أقوالنا حاسبين وجوب وفي عرفكم مايجي ظنّا=لاتاخذ النص بالمقلوب |
ما كل مخلوق يستاهل = تقدير في عالم العشاق من كان بامر الهواجاهل = وما يحفظ العهد والميثاق معاشره يرهق الكاهل = ويحمله فوق مايطاق العشق ماهو أمر ساهل = العشق فن وأدب واخلاق |
لا تطيع الانذال لو مالو = وراعي الوفا لا تفرط فيه أهل المثل قبلنا قالو = من يعرف الصقر ما يشويه |
لوفكر الكل في حاله = اذا رحل والأجل وافاه وتذكر القبر واهواله = ماتشوف احد مايخاف الله |
راعي الهوا عادته وافي = منا الهوا ما ينقص شي لولا نسيم الهوا الصافي = ماظن يبقى عليها حي |
من ودي أللي رفع ضغطـي=أمسى الفكر في الأمر حيران حتى انتقض جرح من مبطي=في القلب خامد كما البركان يخطي وما يـوم يستخطـي=ويضيق لا قلت له غلطـان أجاملـه كـل مـا يخطـي=وألا اتقنـع منـه ياخـوان لابديرسى على شطي=ويمشي على سنة الخلان يكفي تماشيه وتغطي=وانته تشوف العذاب الوان هذاجوابي وذا خطي=وفيه الافادة مع البرهان من كان ياخذ ولايعطي=ارميه في عالم النسيان |
أثني سلامي بكل سرور = تقدير لاصحابنا مني أللي حوالي شهر وكسور = مامنهم أللي سأل عني مِني عن الجمع والجمهور=ترحيب يحمِل عُذر فني من بعد ماغِبت بِضع شهور=وأقبلت سالِم ومتهني تبقى وراعي الوفا مشكور = وواجب عن الحال تسألني وأللي يعد ا لعذر معذور = وانتم هل العرف والقني بسأل جنابك عن المستور=لكِن حضورك مطّمِْني ومن لاتعذّر يجيه الدور=يازين الإنسان متأنْي من ما تعدو على الدستور = سؤالهم ما يزعلني وما دمت داري عن المخبور = ما خاب في عرفكم ظني ربعي وربعك وساع صدور=ولابينهُم شخص مِتجنـي مادام ماوِصلْت المحضور=خلك للأصحـاب مستنـي |
من محاوراتي مع الشاعر ماجد ابو مديدة
الليلة احنا دخلنا ثول = في منتصف ليلها التالي وقالو شواطي ثول أجمل = وموية بحرها عسل حالي عوايدالليل لا أقبل = يستقبل رجال وابطالي وثول فيها بحر للكل = مزيون مير السمك غالي الصبح فيها علينا طل = المنظر أللي سلب حالي ياللعجب ياغروس الفل = وازهاره الوان واشكالي مادام طل الصباح وهل = قفل على الليل باقفالي لا يكون شاهدت لك حنضل = وخلاك فاحلام وآمالي آنا عجبني الندا والطل = أقبل على الشط متوالي ماكنه الامزن مرسل = وحرك في قلبي هوا بالي اثرك مع البحر مسترسل = وبيناتكم بث وارسالي هيا احظن الطل واتحمل = ما ثار في قلبك السالي ما قصدي الا اطلع واسأل = عن كل ما شفت في اقبالي والا ثول أهلها كمل = ومقدارهم في الحشا عالي غيرك سأل مثلكم واشكل = واخذ الاجابات طوالي وحصل من الطيب ما حصل = وانته لك المنصب الحالي ويصحابنا سامحونا |
من محاوراتي مع الشاعر ماجد ابو مديدة
مليون دكتور ما فادو = ومايفيدني ضعفهم مليون ان كان الاحباب ما عادو = وعالجو جرحي المدفون يامن بصوت اللحن نادو = ويامن بالالحان تتمعنون ـأخشى اذا عودو زادو = حيث انهم عنك ما يدرون ولفو على البعد واعتادو =رغم ان قلبي لهم مايهون بوصلهم بس لو جادو = انساه واللي يكون يكون من أخفو العشق ما سادو = في عشقهم من زمن فرعون من لا أشادو بما رادو = غير المعاناة ما يجنون مانته على خط معتادو = وجدي على قولك الموزون عشقي بالاخبار والرادو = بيني وبينه خبر مسنون رأيي بهم انهم كادو = ومن أجل هذا السبب يمشون الخل اذا قرر عنادو =يزيد غبن الذي مغبون سابق وقلت انهم حادو = وزردو طعون الفؤاد طعون كررت قولي والهادو = وانحيت بالشرع والقانون هيا استمع قول نفادو = سوس الأمر بينكم بالهون وان كان للوضع ماانقادو = لازم تترك وتبتعدون وهذي نصيحة لها قادو = رواد في العشق ويعانون شربو من الكاس وازدادو = أللي عنه اليوم تستفتون |
محاورة جديدة العمودي وابو مديدة
عشية يوم الخميس ليلة الجمعة الموافق 5|1|1431ه ونحن في طريقنا لتأدية واجب العزا في وفاة المرحوم عمر سعد الصالحي وقد كا ن الجو غائم وممطر فدارة بيننا هذه المحاورة عسى ان تنال اعجابكم واستحسانكم
الليله ثول ممطورة=وشايف عليها سحب وغيوم ولعل الاقدام مأجورة=أللي على الواجبات تقوم يازينها منظر وصورة=وعسى جمال الطبيعة يدوم ودروب الاوجاب معمورة=واجرك على الواحد القيوم طبيعة الارض مخبورة=وجمالها للعرب معلوم بالطيب والخير مشهورة=ومن طيبها نابنا مقسوم ماجبت حاجة ومنكورة=ذا قول صادق عليه ختوم واخاف تصدف لها دورة=ويمر بك يوم عكس اليوم هذه قرارات مقرورة=وانصدر الحق في مرسوم واقدام الانسان مأمورة=وفي غير سوق الوفا ما سوم مثلك مخاليق مجبورة=وما تبدل سلومها بسلوم وان عندك علوم مستورة=مانت على كتمها ملزوم لناس عادات مشكورة=تبقى على اصلها المفهوم ونفسن على الطيب مقصورة=ما عندها في العلوم علوم راعي المواجيب اسطورة=تلقاه بين العرب محشوم وبعد اجتمع مجلس الشورة=اعطوك تاج وثلاث نجوم وانكسر هذا اللحن ويا اصحابنا سامحونا |
الندم
من كان بالنصح ما يهتم = تنهاه عن أمر ويسويه خله ولابد مايندم = وعمر الندم ما نفع راعيه |
محاورة ساخنة العمودي وابو مديدة
من غاب مدة3 ايام=حسب النظام الذي نقراه لابد تصدر عليه احكام = ولازم عليها يحط مظاه أللي تشره على الضرغام =امس اتصلنا وكلمناه ولو يعرف ان المواصل هام = كان اتصل بالذي يبغاه جانا عذر ما عليه اختام = وحسب المعاريف صادقناه ومن لا سعى بالوفا قدام= مالي شرهةعلى شرواه الآن هات الكلام التام = أللي كماكم يجيد بناه حضرت الاوراق والأقلام=معاك رسم المثل اهواه كتبت لي حرف بالمرسام =بعد قريته عجزت امحاه اسس في جوف الفؤاد نظام=وسوا من الظلم ماسواه أللي كتبته من الأرقام =والابحرف الهجا تهجاه اقول تبفى عليه الزام = من بعد شرعت في معناه احترت في مترجم الاعلام= يتوه بين الجدي والجاه لولاي اعده من الفهام = القلب ما ابديت له شكواه مايجوز تحتار في مقدام=يواكب النجم من منشاه صحيح قلبك شقي منظام=لكن حرفك سبب بلواه نمشي ولو تعبت الاقدام = في حدنا ماتعديناه وشيخ البلد لابس الاحرام=وقدم يساره على يمناه مايقنع الشاعر اللوام=رغم ان قوله في عكس سراه نجيه قبلة يجينا شام = لكن نقول العوض في الله احسنت يامفسر الأحلام=أللي درس درس درسناه وافطر نهار العباد صيام=مجنون مدري الزمان أطغاه |
محاورة بيني وبين ماجد ابو مديدة
هذه المحاورة جرت ليلة خروج أبنائي عمروعامروعمارمن المستشفى يوم27ذو القعدة عام 1427ه
آنااحمد الله على الايام=أمرارها مع حلاوتها ومهما تقاسي من الآلام =ربك يخفف مصيبتها الوقت حاكم وله احكام=حلاتها في قساوتها ورب الخلايق ماهوظلام=له حكمته في ادارتها عايش على الهم والأسقام = أللي معك عشت حا لتها لعلها ما تجي قدام= بعدانتهت من مهمتها وافي ولك في اللزوم اقدام=وقفتك بالفعل تثبتها والعبدله في الحياة أقسام=ما تختلف عن مسيرتها وزن المعاني على مايرام=بعد استمعنا اجابتها والآن نبغى معاكم زام=يرد للعين غايتها من مثلكم نكسب الأعلام = يامن رفعتو مكانتها وما تكتبه يدك بالأقلام=حنا علينا قرايتها عيت عيون العليل تنام=حتى السهر سار عادتها واللي سقاها العذاب التام=مايوم فكر في راحتها حشمة عيونك نقوم قيام=حتى تبين افادتها أما نصدر حكم بنظام =والا نقرر احالتها سطرت لك يالطبيب العام=شكوة عيوني بدمعتها محروم حتى من الأحلام=واسبابها من مودتها الود من سابق الأعوام =كم عين سبب شقاوتها وان طاعته تلبسه هندام=ويسير يمشي في طاعتها سنين في حالة استسلام=راضي ورافض عداوتها لكن كاس المودة سام=واليوم هذي نها يتها اسم المودة لطيف وهام=لكن شديدة خصومتها ان صدرت حكم بالاعدام= دور لروحك سلامتها وانكسر هذا اللحن وياصحابنا سامحونا |
محاورة مسعود المعبدي والعمودي
هذه المحاورة جرت عند مشعل العمري بهدا الشام في 27|7|1427ه
يابو عمر وش تناحابك= وخلاك سارح مع التفكير خرجت من مجلس أصحابك =أللي لفيتو لهم تقدير جتني معانيك في كتابك=واعلام حضرتها تحضير ولو الذي صابني صابك=ما تحسن الشرح والتعبير في مجلس الأنس نهقابك=من أللي عليه البنان يشير تجامل وما تبدي صعابك= وماتسير عرضة لطرف الغير لاشك ما جابني جابك=وانته وانا في الوجوب نسير مير الأسى لاطرق بابك=لا بدما يحدث التغيير سنين عايش وما عابك=أللي منه تشكي التاثير واخاف حنيت لاترابك=وحنا الذي سبب التعكير لوما حصل لي من اسبابك= أنساه وأللي يسير يسير لكني واقف على اعتابك=وخابرك للمستجير تجير لو كان ما نحسب حسابك =مما صار لك عندنا توقير وأللي مصيطر على اعصابك=للآن ما بان في التقرير شلون تخرج من انشابك= المعظلةاللي بلا تبرير هذا يتمنى تعذابك =وهذاك يعصف كما المعصير ما دمت قايم بما نابك=ومن يمكم ما حصل تقصير لو بعضهم حاول ارهابك=ماله في هذا الأمر تدبير وانكسر هذا اللحن وياصحابنا سامحونا |
البعد
اشتقت للي يسليني=لوكان عيني تراه ارتحت لكنه البعد حاديني=واسهرني الشوق لين اصبحت |
أطفال تصرخ
أطفال تصرخ بأعلى صوت=تشكي لنا ظعف حالتها وتعيش في رعب لين تموت=وما هب مسلم لنجدتها وكلن يعرف النهاية موت=وكل نفس كتبت نهايتها الى متى عايشين سكوت=شعوب الامة وقادتها |
جهز القوات
عدونا جهز القوات=واليوم يجتاح اراضينا ونشوف الايتام والاموات=وما كن ذا الأمر يعنينا |
محاورة بين العمودي وابو مديدة عام 1429ه
أبومديده= أنظُر معي في عذاب الليل=قدام تطلع عليه الشمس وتزيدني ويل فوق الويل=اللي أحسُه من أول أمس العمودي= أخوك دونك بجيش وخيل=شرواك ماأرضى عليه المْس إشرح لنا الوضع بالتفصيل =مادمت واقف ومدّ الخمس أبومديده= كيف الزمـن قـام بالتمثيـل=وأقلق منامي بطيبـة نفـس مابين عدل الكـرى والميـل=خلاني أمسي في وسط الحبس العمودي= طبع الزمن من زمان الفيـل=مقلق وكلـن بطبعـه حـس بس الكرا عنك ليش يميـل=وتصبح بسجن السهر محبس أبومديده= عذاب نومي عذاب مهيـل=من يوم هبْ الهوى وإحتْس ولاتلوم أعمى على القنديل=مادام ماشي معُه بالعكـس العمودي= ماظن عنه العذاب يحيـل=منه عليه الهوا نسنـس وأللي بلاشوف كيف يخيل=لوما يمد اليدين وعـس أبومديده= ماأبغاك تسعى ورا التأويل=وإنت عن الوِد تعطي درس نبع الأحاسيس يوم يسيل=بيـن الموديـن ماينـدس العمودي= حسب التقاريـر والتحليـل=أصـدر قــرارات وآدرِّس والود من جيل يتبـع جيـل=غامض كما البحر ومطلمس واحيان يحصل منه تكميـل=ما اقول لك الود متغطـرس لو يسلم الود قـال وقيـل=فالود مـا تلتقـي مفلـس |
الرسالة
بعد التعوذ من الشبطان=القول نبداه باسم الله وصلاة ربي من الوجدان=على محمد رسول الله وبرسل رسالة لكل انسان=مسلم من اخواننا فالله يعمر القلب بالايمان=ولازم يأدي فروض الله ويعامل الناس بالاحسان=ويقدم الخير لجل الله ويحارب الظلم والطغيان=المنتشر في بلاد الله واذا حكم يعدل الميزان=ويخلص افعاله لوجه الله ولا يخاف من أي كاين كان=مردنا كلنا لله لجل انتغلب على العدوان=أللي استبدو في خلق اللة ومن خالف الأمرذا خسران=نهار يوقف أمام الله |
الله الله والنعم فيكم جميع وتحياتي لكم وعسي الله يلطف بالجميع
|
محاورة بين العمودي وقابل البشري عام 1427ه
هذه المحاورة جرت مراسلة بالجوال وفي ظرف طاري مريت به ولم يزرني ولم يتصل بي صديقي قابل لعدم درايته بالموضوع وأنا أعلم ذلك فأحببت أن أخبره بهذه المداعبة اللطيفة
: أفيدني عن سؤال الود =أللي اشتكى من مودينه وقلي يجوز البنا ينهد = أللي على ساس بانينه : واجب عليه الجواب أرد = عاجل وياصلك ذلحينه ايش الذي فالمودة جد = حتى نسي عامر سنينه : قسي عليه الزمن واشتد = وزاروه معظم محبينه وأللي بطرفه جهتهم لد = مدري عشان ايش ناسينه : راعي الجفا قابله بالصد = جزا فما مدت يمينه عساه بعد الصدود يرد = وتصبح معك مشيته زينه : لا تحط بيني وبينه حد = صديقنا أللي مداعينه يجوز عنده عذر ينعد = لا زال غالي وشارينه : آنا معاكم وماني ضد = وبالحيل حالك مراعينه وانته وانا ننتظر للغد = ويبان خافي مظامينه : مادمت معنا فهذا يسد = القول مرضي وراضينه وواجب على مثلكم ينشد = عن وضعنا أللي مقاسينه : حنا في واجبك ما نقعد = ولا بد شرواك لافينه ولو كان عندي خبر ياحمد = أوفيك واجبك في حينه : أهل الوفا والخبر يسند = عني وانا من مقرينه والله على قولنا يشهد = الحر نعطيه تثمينه ونعاتب أللي نعزه جد = والشين ما همني شينه وان جيتني خاطري يسعد = وهذا الذي منك محرينه |
الود
للود عند العرب قانون=مبني على ساس قانونه أهله على منهجه يمشون=ويقفون سده ومن دونه وأللي عن الود مايدرون=ويبغون بحره يعومونه الوديبقى وهم يفنون=وما حصلو ما يريدونه |
رؤياك
مشتاق أشاهدك باعياني=واجلس دقيقة أنا وياك شوقي لرؤياك بكاني=لا تحرم العين من رؤياك |
أتخيلك حلم
نفسي بجلسة معك وحدي=آخذ معك في الحكي واعطيك يامن معك يكتمل سعدي=بترك جميع البشر وآجيك لجلي محافظ على عهدي =ولازلت عايش على طاريك وأتخيلك حلم في بعدي=أحققه يوم أناظر فيك |
سلطة القيل
للقيل عند العرب سلطة=حاكم ومحد يتحكم فيه يصدر الحكم في القلطة =هذا يحيله وذا يبقيه |
الساعة الآن 07:27 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir