احلف بمن هو رفعها سبع = وانزل بها سبع سبحانه
لابيع خوت ردي الطبـــع = بالرخص لو الذهب زانه
ولابد بلقى مخوت سبــــع = في حروتي شب نيارانـه
لاجاك مده عسل من نبـع = حاليه يروي فى مزبانـــــه

طالبـــك يـــــارب يامعبـــــود = طلبه وليه رجــــاء فيها
تعصم لسانـــي عن المنقــــــود= وشهاده الحق ماخفيــها
وليـــه الشيــــاطين يــــوم تقود= اعمال زانت مساعيــها
تجعل طريقـــــي لهـــا معقــود= وتفكني مــن بلاويهــــــا
وارضى بقسمي من الموجــود= وعيني على الغير تعميها
ورحــمتك بيه فى يوم شهــــــود = وصحايفي فيه تطويهـــا

حنا بدو مضرب الامثـــــال= طيبه ومذهب وفزاعـــــه
وقت اللوازم من الابطـــــال= تحت المطاليب والطاعــه
والي يجـــــاور لنا منــــــــزال = نعطيـه قنه تدفاعــــــــــه
ووقت النغص نطرح المعدال= ولانقوم دون التقناعـــــه

يارب عبدك كثير اعصاك = كل مالتفت دق له ونه
طالبك عفوك وحسن ارضاك= وختامها خلد فالجنه

مر الهواء وانتقض جرحي = من بعد ماوشكت نسيانه
ان طعت له واستعد فرحــي = ويني انا وينه اوطانــــه

كانو وكنا وكان وكان = ايام كان الهواء كنا
واليوم ماعاد بالامكان = نرجع سوى في اماكنا

اصعب من المر نسيانك = واحلاء من الشهد في لقياك
ياحرقة الشوق لاحضانك = وكلمه احبك نطقها فاك

يوم الهواء صار متردي= الي صبحنا مسينا فيه
بعد انتهى عهده الوردي= اليوم نبكي على ماضيه
عدي بنا يازمن عدي = لاوين بالشوق نستهويه
ماعاد فينا جهد يجدي =لاعاد ناخذ ولانعطيه

شدو رحلهم فى ليله سبـت=واقفووالاعيـان ترعيـهـم
واعطو مع الليل ذاك الخبت=حتـى غنمهـم تباريـهـم
وقطعوعليه حصيل النبـت=الي سقيتـه فـى واديهـم
يارب مزنه بهـا لاصبـت=وين امرحو غيث تسقيهـم

عشنا هوانا وعدينا = ونلنا منه قد مانلنا
وكل ماطراء ذاك ماضينا= نشتاق له في منازلنا

جعل الحديد الذي حدك = يصهر وتحنى مصاليبه
وتعود له قلب من ودك= وتريحه في مطاليبه

عدت سنين العمر ياسيد = وانته وانا في جفاء وخصام
تعال نقضي سواء ونعيد = ذكرى هوانا صفاء وليام

ياسيد حالي ولاحالي = الله عن الحال لايوريك
فى عراكهه سيف وقتالي= لوشفتها بالنظر تبكيك
ومزبانها رؤس الاجبالي= وانته فى روض الحمى ترعيك
يامغربل القلب غربالي = لاوين بالعطف تسترجيك

استلطفه بالكلام العذب = واذكره من هواء الماضي
كيف اقنعه والموالف صعب = ومع كل حلفي مهو راضي

لي سيد قفى عن الديره =في ليل فيه العباد ارقود
ناسي لي الحق فالجيره= ولاهو فى خبري منه معهود
واصبحت من حال تأثيره = غايب وبين البشر موجود
ابكي والافكار في حيره= ودموع عيني عليه شهود

دام الهواء بيننا مسموح =وعانق لها شوق باشواقي
حبي لها صار حب وضوح= واستوطنت داخل اعماقي

ذابت شموع الفرح والانس= واستوطنت ظلمة الآحزان
وطرفي يراقب طلوع الشمس= محتاجها لحظة النسيان

واقلبي الي معنيني = كل مانهيته يزيد اصرار
يتبع غرام المقفيني= ويرمي ضلوعي حطب للنار

حنا بدو نعشق النيران= وياويل منهو يعادينا
نسمه هوانا من البران= والكيف فينا قهاوينا
ولادق واجب من الشجعان= تحن الاوامر تلبينا
مانقبل الضيم والطغيان= لو كان فأصغر عضو فينا
ولانخايل الهيج للضميان= يشرب من الي فيادينا
والضيف نفتح له البيبان= وحراسها دون عانينا
ونعامل الناس بالاقنان= ومفزاعنا مايعضينا
والقاله الي بها نغصان= مزبانها عند قاضينا
كتبأ كتبته على البرهان= ومعروف للناس ماضينا
حروب لولا التباعد كان = في جمعنا من يساوينا

يكفي من الهجر والتعذيب=الي حصل منك يكفينـي
تبدي الحب والترغيـب=ومعك الدواء ماتداوينـي
وينه ضميرك عن التأنيب=من نار الاشواق تكويني
اساهر النجم لين يغيـب=فى مواعدك وانت ناسيني

كان الهواء كان ياما كان=وهناك كانت مراسينـا
كنا سواء نعزف الالحان=ونعيـش قمـة تهانينـا
واليوم تبكي لنا الاعيان=متذكره حـال ماضينـا
وياليته اليوم بالامكـان=نرجع وترجع خطاوينـا

شقيـان قلبـي وزاد اشقـاه=مايرحمـه يــوم ويهنـيـه
وزود على الطرف حرق ابكاه=واحترت كيف اسعده وارضيـه

من علم اكنه معي بابديه= جيت اتشرف معك وابداه
سلام مني لكم بقريه= ويجيك علمي بعد تقراه

ياكنيدري هات ماتخفيه=ابو عمر علمكم يخفاه
ترحيب بالقاف وامسويه=اللي على مستوى سواه

المشاركة الأصلية كتبت بواسطة حرب (المشاركة 670809) ياكنيدري هات ماتخفيه=ابو عمر علمكم يخفاه ترحيب بالقاف وامسويه=اللي على مستوى سواه

لي سيد بالليل قمت ابكيه= واخيل زوله وروض احماه
ليه بغيه وانا باغيه= ومن بيننا سد قام بناه

عشنا الزمن مع تهاويله=وذقنا من المر والحالي
وغربل بنا من غرابيله=لين انقطع بث الارسالي
وساعة جنينا محاصيله=ميرادنا فـيء مقيالـي
ومن فوقنا رب نشكي له=سبحان قدره بالاكمالـي

سؤال لازم عليك اللّقيه=السّد من سيّسه وانشاه
حتى الذي جيت تستفتيه=يقدر يصدر لكم فتواه

المشاركة الأصلية كتبت بواسطة حرب (المشاركة 671674) سؤال لازم عليك اللّقيه=السّد من سيّسه وانشاه حتى الذي جيت تستفتيه=يقدر يصدر لكم فتواه

واليه جبار مستوليه = ومدبره حي مايبغاه
صحيح مالي حكم واقضيه= مير البلاء كيف لي وانساه

ياحسبـك الله سواتـك فـي=بين العرب صرت اهذريبـك
حارق ضمايه وعنـدك مـي=وعـدي فادنـى مراتيـبـك
وزادك منهـج واكلـي نـي=مايسد جوعي فـى تعذيبـك
وامشي فى عتمه ودربك ضي=وبعيـد عـنـي مراقيـبـك

الكنيدري=
من علم اكنه معي بابديه=جيت اتشرف معك وابداه
سلام مني لكـم بقريـه=ويجيك علمي بعد تقراه
حرب=
ياكنيدري هات ماتخفيه=ابو عمر علمكم يخفـاه
ترحيب بالقاف وامسويه=اللي على مستوى سواه
الكنيدري=
لي سيد بالليل قمت ابكيـه=واخيل زوله وروض احماه
ليـه بغيـه وانـا باغيـه=ومن بيننا سـد قـام بنـاه
حرب=
سؤال لازم عليك اللّقيه=السّد من سيّسه وانشاه
حتى الذي جيت تستفتيه=يقدر يصدر لكم فتـواه
الكنيدري=
واليـه جبـار مستوليـه=ومدبـره حـي مايبغـاه
صحيح مالي حكم واقضيه=مير البلاء كيف لي وانساه
حرب=
من الواقع اللي لنا تشكيه=كثير مثلك بدا شكواه
والكون ماضاق باللي فيه=وماخاب من قال يالله

يوم الموادع جـرى دمعـه=ودمعي جرى والمفارق حار
ياوجد روحي علـى نبعـه=سيله حدر والملاقـى نـار

بعد الهواء فالخفوق انصب=شربني المر عن صافيـه
يابعضها الناس ماتنحـب=وكلمه احبك كثيـره فيـه

ناصيك ياقابل البشري= يلي لكم فالملاقى قن
بيه الم فاق عن قدري= ودكتور قلبي فى حالة صن

اخلو والاوطان خلوها= توحش لنا بعد فرقاهم
وعادو عليها وهدوها= واحطامها صار ذكراهم

هب الشمالي وذكرني= لآيامنا في بلاد الشام
لاشو مالك وتأبرني= الله على ذيك حلو ايام

ماكل منهوكتب لـه قـاف=يعرف معانيـه واوزانـه
قيفان بعض العرب بخلاف=مدسوس سمه فى نيبانـه
الشعر ماهوبروز اكتـاف=الفـن والـذوق عنوانـه
والي يخالف له الميـلاف=مردود قافه علـى لسانـه

كلن بطبعه يشـوف النـاس=وكلـن بعرفـه يماشيـهـم
ولاشبـت النـار فالمقبـاس=كلـن بكيـفـه يقهويـهـم
بعض البشر ذوق فالاحساس=يقـدر بـذوقـه يلاغيـهـم
وبعض البشر يفقد النومـاس=دايـم يــدور مأسيـهـم
ومن كان طيبه جذور وساس=يوفي لهـم ليـن يرضيهـم
والي من الناس شاف وقاس=قاس الخطاء من خطاويهـم

انساك لحظه واعود اذكرك= واحسب لها لحظه النسيان
ياليت ليه امر وامرك= ماتغيب لحظه عن الاعيان

لاني في قربه كسبت العطف= ولاني فى بعده وناسيني
مابين ناره وبين اللطف= يبعد غرامي ويدنيني