|
مساجله في (عصر الهاف)بيني وبين الشاعر/ سعد المسيبير العتيبي
لبغيتوا عبرة الــــحد يا مزيــد =مقبل ظلام الليل مــــقفي نهاره ودك خوي فهيد والا مسيعيـــد = ذليلته لجاء مــــــــن الحد غاره لجت من النمرود وألا مقيريـــد = وألا حضر كوبان يوشي شرارة ركب سبيره حدر نار البواريــد = يـــوم الردي يمناه تخطي يساره قال ذبحوك وقال عيدٍ على عيـد= أما دمــــــار الروح وألا عماره حنا ترانا رجال والذبح للصيـــد = مــن راح منكم غير لحط أثاره يمسيد لولا فزعت الليل يا مسيد=واحــد من الاثنين اخذله بشارة الرد من الشاعر/ سعد المسيبير العتيبي
يا قهــــوجي عطـــنا ثلاثـة براريــــد=زايد حلاه ولا تزيد المرارة عجل ترى عنــدي شويه مواعــــــيد= نبي براد الليل عن الحرارة نبي نروح عن عــيون المقـــار يـــد = اللي يحسبـون النذالة شطــاره مـــاغــشنا غير الــوجيــه الملابــيد = اللي لهم بالكذب مركــز وأداره جاهم خبر طــايش على غــير تأكيــد= مابين خفر جديـــدة والامـــاره وان كــان حصلـنا الخبر فــيه تأكــيد= قلنا لراع الهـــاف غير مســـاره لا تقفـــل القســـام والــنور لا يزيــد =ترى شعاع الغرب يفضح غبـاره وخلك على العادة وفوت المواعــيد = وعن مركز التفتيش يأخذ يساره مـــافيه لاوقــــفه ولا فــيه تبريـــد = الحزم وان فاتك مـلف الحـــواره واخذ الحذر لاتقول في مرتع الصيد = يصيدك الصياد ويشـــب نـــــاره ما فيه عِـــد ألا يجــيــــله مواريــد =والــحر مثــلك يكتفي بالاشـــاره |
هذه مساجله بيني وبين الشاعر / فواز السحيمي ( سمو الاحساس )
يقول فواز :
سر ياقلم واكتب حسينات الأشعار=والبيت لاينقص وحـذرا يـزودي لك بصمةً(ن) تبقى مع الناس تذكار=تذكار لشعـار وحفـظ العهـودي ياراكب اللي تشبه الطيـر لاطـار=من المطـار مـزوده بالوقـودي من مصنع الكفار وانتـاج كفـار=والـي تفنـن فاالقيـاده سعـودي اخذ السلام وبلغه يابـن الاخيـار=وده لبو خالـد عريـب الجـدودي نعم الرفيق وعز لضيف والجـار=لاجى نهار(ن) فيه قدح الزنـودي خاله وابوه احرار من ماكر احرار=والحر في نسب الحرار معـدودي بنشدك عن جمع (ن) مايقبل تغيار=اعداد تبدى مثـل عـد النقـودي للي يغيـر جمعهـا اقـل مقـدار=ليا حظر كنـه عديـم الوجـودي لاوالله الا جاتنا بعـض الأخبـار=لبنان خانوهـا حمـات الحـدودي تجاهلو ياشعـب لبنـان ماصـار=انتم عرب منتم سـوات اليهـودي بكره يجي واحد من الشعب غـدار=ياكثر من يضحك وقلبـه حقـودي الي غلط ماتنفعه بعـض الأعـذار=فعل الخطا محد(ن) عليه محدودي رجوا اجتماع القمه لوظع الأشوار=يعلن جزاه لكل واحـد جحـودي يشوف البروق شعيل ويلد الأنظار=لاكـن مايسـري وفيـه القيـودي هذي نتيجة فـورت الـدم لافـار=يانعنبوقـلـبٍ بـدمـه رقــودي هذا ردي عليه :
سر ياقلم واكتب حسينات الأثمـار=اثمار ورد الشعر من غير عـودي بالحب سجلها على حرف الأسطار=مـن دم قلبـي سجلتهـا جهـودي فيها السلام الـي كمـا در الأبكـار=اليي رعت عشب النفـل بالنفـودي وده لشبل النمر فـي دار الأنمـار=مـع التحيـه سلمـوه الــردودي على الدلال الي بهـا بـن وبهـار=في مجلسٍ ماصـك قـدم الريـودي من عقيها كبشٍ تشوفه على النـار=ماقـال والله ماتجيبـه جـهـودي في دار ابو فـواز مافيـه معـذار=اسد ربـى فـي عرينـه أسـودي قالو شعر فواز بـه لـد الأنظـار=من فرحتي بش العرق في خـدودي وسهرت اناظر فيه لاحد الأسحـار=حتى ظحاح الصبح جاله عمـودي ناشي وفكره من حسينات الأفكـار=عقل وذكى عميت عيون الحسـودي جمع(ن)سألتم عنه محفوف باخطار=في وسط بير وقل عنـه الـورودي من عقب مايقسم علـى سبعةأنهـار=اليوم حـارس راس مالـه قعـودي خلك فهيم ولانبي كشـف الأسـرار=عن دار فيهـا مبرمـات العقـودي راحو وراها قوم تسعيـن مشـوار=وساس الخراب من الخراب مهدودي ماباقي الا الصقر من ماكره طـار=ناحر جبال فرسـت يـم الهنـودي وحنا ترانا رجال والوقـت جبـار=لمالـت السهلـه رقينـا السنـودي ماهمنـا لـو قالـو الـوقـت دوار=عشاق مـوت ولا علينـا قيـودي صغارنا فالمعركه شـر الاشـرار=وكبارنا نار ورصـاص وبـارودي ولانتابع الغلطـه ولانقبـل العـار=ولانقول للماضـي ياليتـك تعـودي نبدي بحرف الطيب في راس مسبار=ولاجا الردى خنا جميـع العهـودي فواز ابوك وجدكـم واف الاشبـار=علمبهـا الـي يحسبنـا رقــودي قله نحول فـي عميقـات الابحـار=وناصل لياهاب الردي والشـرودي من مات خلفه ربعتن تاخـذ الثـار=ومن عاش علمها صغار المهـودي فواز قدم طيب لـو ربـع قنطـار=وابعد عن الحاسد ودار الحسـودي العلم خلا بالفضا وضـع الأقمـار=والجهل دمر قوم عاد وثمودي ياويلهـم لابركـن فــوق الازوار=وجيب البعير الـي يعـظ البـدودي ياكم يمين تحط فـي راس شنكـار=تقطع ليـا وردو عليهـا الشهـودي |
من الارشيف
يــاسعـود يوميــن الشفارات صفـن =عندك من اللي يقعد الرأس حاجة راســيــن مع راسيــن لـراس يكفـن = راسً يحب وراس يبغى علاجه ولا حصل مطلــوبهن سـعد أهلهــن = بيجيلهن عقب الأخير اعتلاجه ابيـــه من لمــس القـدم لــرتكـز ون =ونين مخلوق غدا منه حاجـــة ولا صــفــا جـــوه وجــا للهـواء فن = يسرى لوان الخط فيه انعواجه وعلى أيمنه ياسعود مخلــوق يفتــن = ويرافقه ياسعود واحــــد دجاجة لحــرك الــشرطـــان ومسجــلـــة دن = حسية بالرحمة وخضعت حجاجه وقلنـا لــراع البـــن لا تحــرق البـــن = خل الردي يقفل زريبة انعاجـــه غمزة عيونـه ســابقــة ضحكة السن = وقلبي وجسمي سار فيه ارتجاجه اشـــر عــلي وقــلـت كيــف انتمكــن = اسود وليل اسود صعيب انخراجه الــدار مسكــونـــة واشلــون نسكــن = أخاف من هــرج وراه السماجـة ميـــل عــليـــه ليـــن الأكتــاف حكــن = حتى مع الأكتــاف وقـــف عجاجه ولمست انا الحساس لين الجرس رن = ماعاد بـــاقي ترجمــة ياخــواجــة راعي الهوى مايفوتــه البيت يفطــن = وأهــل القلوب العمـي فالاندماجــة |
قصيدة حفل الهندية
تم إلقاء هذه القصيدة في حفل الشيخ مطلع بن رشيد لشيوخ حرب في قرية الهندية
يـــامرحبا ترحيبً أحلى من الدرر = در البكار إن بينها العشب نور بشيوخ حرب ومن حضر فيه نفخر= مكرر الترحيب مــــا هو مدور في دار أبــــو مطلع تراحيبنا أكثر = قدم الضيوف الدار والحفل نور في بيت مـــن للمدح والطيب يقدر= على دلالٍ وسطها الهــــيل فور بيت الذرا عن لاهب البرد والــحر= و مزبان من هو طاح وألا تعور أهل البيوت اللي لهــــم فعل يذكر= مــن واقع التاريخ ماهو مزور يوم الزمان اللي به الــــفر والكر= يثنون فوق الخيل دون المعور مــــركاضهم يشبعبه الذيب والذر= ومعوادهم من رايب الدم كــور يومنها صحراء وقــــــلبان وحفر= اليوم دولة وسطها الخير ثـــور في ظلال أبو متعب بها الخير يكثر= على الـــــعدو رده كذا لا تهور هذا وطنا دونه الــــــموت الأحمر= والشعب يعمل بالسلاح المطور فيه الوفا كالنهر يــــــجري ويكبر= ماهو قليب إن قالوا الناس غور الطيب مــــــايطلع من البحر للبر= ولاهو على بابور في البحر دور الطيب له روس الرجاجيل مصدر = وألا الردى عكسه على ماتصور |
الساعة الآن 10:42 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir