ملتقى قبيلة حرب الرسمي - ياللي ترش العطر مثل البنيات=ومضيقن ثوبك مثل ثوب ريمه

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

صح لسانك وسلم بيانك الشرهه على ابوه اللي امتدحتيه اللي ماعلمه علوم الرجال 0
احترامي

اقتباس:

المشاركة الأصلية كتبت بواسطة متعب العمري (المشاركة 988871)

ههههههههه والله صادقة يالكحيلة ,,, كثر تقليد الشباب للغرب وأكتسبوا الكثير من التقليعات ومثلهم مثل كدش وماسموه وهو يمشي مايندرى وجهه من قفاه ( يادافع البلا ) وفي العطل الصيفية تضك صالات المطارات الدولية
بالكثير من الشباب وخذ تقليعات ولوكات وستايل وماأدري ايش (( الله يهدي شباب المسلمين ويرد ضالهم ))

على القصيدة مليون صح لسانك والله يعافيك ..

دمتي مبدعة..

صح بدنك لاهنت

والاعتراف با الذنب فضيلة

صح السانك اختي,,
كحيلة حرب
صدقتي,,,,,,,,,,,,,,

قمة فاللذوق,,,,,,,,,,,,,

اقتباس:

المشاركة الأصلية كتبت بواسطة الكحيلة (المشاركة 988865)

مـــــــــــــــــــــــع ألآســـــــف
دخلنا مجمع ومر شباب واحد لبس برمودة بيضاء [برمود هي بنطلون ماسك تحت الركبة 3سيم فقط ]وقميص او بصراحة
بلوزة بيضاء مطبوع عليها ورد زهر ومكتوب i love you ورسم قلب صغير احمر
بصراحة لو لقيتها شريتها
مرة بناتي والثاني مضيق ثوبه معرف كيف لبسة وجت على هذا المنظر هذه القصيدة

ياللي ترش العطر مثل البنيات=ومضيق/ن /ثوبك مثل ثوب ريمه
وإلى مشيت تهز الاكتاف هزات=كنك على المرقص تلاعب وسيمه
وقف دقيقه واسمع اجمل عبارات=ترا الرجوله فعل زايد حشيمه
ماهو بلبس الكاب فوق الكلتات=او قصةٍ تلعب بها ريح غيمه
جدك وابوك مسطرٍ لك بطولات= وانته تناسا فعلهم يا البهيمه
تلبس من الالوان مثل الوخيات=وردي وزهري لك مزاجٍ يريمه!؟
بالله وش خليت لهل العبايات= اخاف فستان الفرح لك تهيمه؟
تصدق اني ماحسب لك حسابات=اقدر اناظر لك بعينٍ سليمه
ماخاف منك ولاعتبر لك مقامات=اقول سامط والمهابه عديمه
اللي أحترمهم صدق اهل المروات= اللي لهم هيبه وعز/ن/ و قيمه
لهم سلامٍ عد مارش زخات= ذاك المطر في وسم وامطار ديمه
اللي بمجلسهم من الهيل نفحات=عطر النشما عاليين الشكيمه
وخص منهم عالي الذكر بالذات= اللي غطا ستر ويصون الحريمه

اللي أحترمهم صدق اهل المروات= اللي لهم هيبه وعز/ن/ و قيمه
لهم سلامٍ عد مارش زخات= ذاك المطر في وسم وامطار ديمه
اللي بمجلسهم من الهيل نفحات=عطر النشما عاليين الشكيمه
وخص منهم عالي الذكر بالذات= اللي غطا ستر ويصون الحريمه

كفو يا بنت حرب نعم هذولا من يستحقون الاحترام

صح لسنك كحيله حرب
على القصيد الجزله الرائعه
والتي تحدثتي بها عن عينه وهم ضعاف العقول
وعديمي الرجوله ويستحقون اكثر من مما قلتي

الكحيلة صح لسانكِ

كلام مثل ضرب السهام بيض الله وجهكِ

دمتِ بخير وعافية

قصيدة رائعة تتحدث عن قضية اجتماعية منتشرة للأسف

في شباب اخطأو طريق الرجولة

صح لسانك يالكحيلة

اقتباس:

المشاركة الأصلية كتبت بواسطة محمد عبدالله البدراني (المشاركة 988973)

بالضببببببببببط مثل ماقال اخوي متعب

وازيد لقيت هالبيت يالكحيله :

جـدك وابـوك مسـطـرٍ لــك بـطـولات
وانـتـه تنـاسـا فعلـهـم يـــا البهـيـمـه

هذا البيت يضع اكثر من علامة استفهام

ولااعتقد ان اللي شفتي الا طرش بحر لان ابناء من ذكرتي في البيت لايمكن ان يفعلوا مثل ذلك فمهما انحرفوا تردعهم شيمهم وارثهم ؟؟!!

لو حذفتي هالبيت كان ياسلام

لاهنتي يالكحيله

لاهان تواجدك الكريم شاعرنا محمد عبد الله البدراني

يجب ان نكون صادقين!وان نقبل با الحقيقة مهما كانت مرة

صح الله لسانك
ولاهنت
وسلم فكرك وبنانك
دمت برعاية الله وحفظة

اقتباس:

المشاركة الأصلية كتبت بواسطة رابح الجحدلي (المشاركة 988983)

¨°o.o ( ×××××××) o.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك لاهنت على تواجدك

اقتباس:

المشاركة الأصلية كتبت بواسطة حمدي العوفي (المشاركة 989109)

صح لساااانك يالكحيله
على القصيد الجزله الرائعه
والتي تحدثتي بها عن عينه وهم ضعاف العقول
وعديمي الرجوله ويستحقون اكثر من مما قلتي
صح لساااانك

والله لايكثرهم في مجتمعنا

صح بدنك لاهنت

على مرورك الرااقي
وربي يصلح شباب المسلمين