سريت مع نوًّ تكاشف بروقه = في ليل أجهم وامض البرق مايليق
ساري على ضوه ونفسي شفوقه = متوكلً باالله وراجي التوافيق
جوف الحنايا حمّل محدً يطوقه = حتى ولو صُم الجبال الشواهيق
رجلي في درب الطيب دايم سبوقه = اشتاق لهل الطيب شوق العشاشيق
يومن يهيض هاجسه لمشوقه = اهيض هجوسي بذكر المطاليق
حربي وقافي من هجوسي اسوقه = في حرب ربعي زان لعب الطواريق
اللي لهم تاريخ محدً يفوقه = فوق الجدى وسهيل كنه لها يويق
يـابــعــد مــــــن خــلــفــه ونــــــاوي لــحــوقــه =يبـطـي عـظـم مايلـحـق اهــل المـواثـيـق
حربً مـاتـخــلــف مـــوثــــق ولا تــبــوقـــه =كــســـابـــة الــطــيــبــه وحــــلالــــة الـــظـــيـــق
مــنـــهـــو تــحـــداهـــا بـــتـــغـــدي حـــقـــوفـــه =هـــــذي حـقـيــقــه مـانـجــيــب الـتـلافــيــق
تكسر ظلام اليل شمسً شروقه = ويبان من زيف تاريخه بتلصيق
الصدق راسي ياعرب من عروقه = راسي كما ورقان والا كما طويق