فواز يافواز ياشهم منعاز=يانسل قوم ٍ يذكر الطيب فيهم
صادق ولك في ساحة الطيب مركاز=وناس ٍ تبيع الطيب ماتشتريهم
نبغاك تعطينا من القول ماجاز=في ناس باعوا عشرة اللي يبيهم
زلزال همّه داخل الصدر هزّاز=يشكي عى اللي بالقشر مبتليهم
قلب انحرم من منوة الروح مافاز=عافوه راحوا خلف منّلا رضيهم
طيبي لهم قدّر بتقدير ممتاز=لكن ربك للوفا ماهديهم
عند المصالح والدنانير تنحاز=وجور الليالي والفقر ماوطيهم
ناس احرقوا حلمي بتنور خبّاز=لو للهوى قانون كان اشتكيهم
وسمعت لي فتوى من الشيخ بن باز=لو كان كبرت حسرتي ماارتجيهم
حسره على اللي من ورى سور واحجاز=شفق ٍ على لاماي حكمه بديهم
لو ياصل المكتوب من يمّه انجاز=مخطور يذبح كان قدر يعصيهم
بيني وبينه بعد صنعا للاهواز=ولو كان بحذف لي حصاة ٍ تجيهم
فواز يافواز حلاّل الالغاز=الناس تطلب حل لغز ٍ خفيهم
وش مكسبه برويز من ظلم نوّاز= مادامت ( ياصف ) صرت حاكم عليهم ؟