خلي عنود الصيد لامر عجلان= فيه الحسن يابدر ماكثر وصوفه
عليه فمٍ مثل خاتم سليمان= والخد مياس بروقه تشوفه
العين ذباحه تقل عين شيهان=والرمش من صابه يلقى حتوفه
والخشم سلة سيف في يدين فرسان=والشعر شلالٍ تعدى كتوفه
والصدر كنه ياولد حب رمان=تقال عسكر جيش بأثنى وقوفه
والخصر ضامر كنها خيل ركان=بنت العبيه معربه ومخلوفه
قابلتها صدفه على باب دكان=طلق الرسن يابدر ماهي معسوفه
تقال حوريه على هيئة إنسان= وحر قلبي يابدر يوم اشوفه
حبه بقلبي صار دمٍ بشريان=مقدر على بعده ولا أقدر أحوفه
أنا بليت بحب مدعوج الاعيان= ولو تدري بحبي تجيني معطوفه