=المثل
سلام ياجمل بحور القيل=ياحلى شؤاطي لها نسري
حرفي معانيه مثل النيـل=دايم الى بحورها تجـري
=عقيد الخيل
يا مرحبا صاحب التكميل=اثلجة بالقافيه صدري
يشهد لك الكل وافي كيل=لك حرف دون الملا يغري
=المثل
دام البقى ياعقيد الخيل=على الصفى يتضح امري
لاهوجس القلب راح الليل=يطوي السجلات ماندري
=عـقـيــد الـخــيــل
من حال لا حال به تسهيـل=وكم حال به طب.! ما يمري
وضح لنا الان ايـن الميـل=يمكن يجـي بتهـا جـذري
=المثل
كل ما ظهر للقوافي جيل=يحتار في وصفها حبري
حتى رأيت الوفاء تمثيل=كنك تشاهد فلم مصري
=عـقـيــد الـخــيــل
حسب الاصل مُحكّم التحليل=والطيب بين العرب يجـري
ومن قبلكم قيل من ما قيـل=كثير.! لكن مـن يطـري.؟
=المثل
اللي اعانيه ،، بالتفصيل=اني تميزت في عصري
واللي يعانيه نجم سهيل=انه تعذب الى الفجري

المشاركة الأصلية كتبت بواسطة عبدالعزيز الزويهري (المشاركة 890462) سلمتم و صحت السنتكم و بيض الله وجيهكم متابعين معاكم و عساكم على القوة

المشاركة الأصلية كتبت بواسطة ماهر ابو خالد (المشاركة 890489) صح لسانك يالمثل وصح لسان اليوبي ومتابعين هذا الجمال لاهوجس القلب راح الليـل = يطوي السجـلات مانـدري (بيت ملكي يالمثل عالي الجوده والمقام )