سلام مثل الشهد معسول = وأحلى تحيه صباحيه/مسائيه
والشكر ياأستاذنا موصول = وهيا إستمع ماطرا ليه
في وقت صارالوفاء(مقتول) = وفيه المفاهيم عكسية
شبابنا حالهم في نزول = حتى الفريضه إختياريه
قليل عن موقفه مسؤول = والعيب فيه إتكاليه
ندعوالرقابه فكر مشلول= و تمرد الناس حريه
حتى الأحاسيس صارت كووول = وكُل العلاقات سطحية
لا والأمل عاكس المأمول = حتى فقدنا الحميمية
صارت حياة البشر كشكول = مادري على أيش مبنيه
ما أخفيك سراً أنا مذهول = واللي أكنه ماهو شويه

يامرحبا ياهلا وآقول =اهلا هلا .. الفين مثنية
من عبد مايعلم المجهول =يبني على صافي النية
العفو ياصاحبي مشمول=هذي وهذيك مع ذيه
لو كان حر النهار يطول=لابد بعده تجي فيه
خل الأمل في العقول يجول=مادام نار الأمل حية
الوقت مايخلف المعقول=ولا يغير اشياء غيبية
وإن ودك الحق يا مقبول=ياعارف الوسم والكية
شبابنا يحملون عقول=ما استوعبوها السنافية
لكنْ ..لاقرَّب المحصول=وكل حي عوَّد على حيه
لابد هذا لظلام يزول=وتبدي لنا ايام وردية