تركي الحربي

ياسلام الله على كل الرجالي=اللي لهم في داخلي قدر وقيمة
يابوديمة كان تبغنـا نلالـي=ابدع القيفـان يالله يابوديمـة

ابو ديمه

يـاهـلا يامرحـبـا يـابـن الحـلالـي=عدماهـل المطرمـن وســط ديـمـه
انت تزهمني ولا انت بوسط بالي=ميـر جيـب العلـم يـامـال الغنيـمـه

تركي الحربي

دام عزك واستمع منـي سوالـي=كيف تنسى صاحب اليمنى الكريمة
ازهمك فـي كـل ليلـة ماتبالـي=جاحدن صاحبك ياكبر الجريمـة

ابو ديمه

كثر مامرت على الناس الليالي=افتكر في هرجتن ماهي حكيمه
لوخبرتك من كريميـن السبالـي=ماخبرت المد؟ يامـال الحريمـه

تركي الحربي

انت جاحد يابو ديمة والاسالـي=من يجحد المعروف مالة حشيمة
اذكر اذكر عند مستشفى العقالي=يوم اشيلك انت وموترك القديمة

ابو ديمه

عـد معروفـك وانـا مانـي مبالـي=دامني موضفك ومعطيك العزيمه
والميـه ياصاحبـي ماهـي ريالـي=والـريـال ابهالـزمـن ماهوبقيـمـه

تركي الحربي

الوظيفـة بـالادارة لاتزالـي=والادارة ضنتي ماهي سليمـة
وبالختام يدوم عزك وانت غالي=والله يخليـك لبنيتـك ديـمـة

صحت السنتكم بيض الله وجيهكم
محاورة رائعه

هاذي محاورة فكهيه مميزة شكرا لكم على هالبداع