ابن وازن =
بالطيب نبدى المعاني فوق = يـامـنـبــع الـطــيــب مــرقــابــه
صـقـر المراقـيـب كـلــك ذوق = ســـلام مـــن طــيــب نـبـدابــه
صقر المراقيب =
ترحيب لايق بكم مرمـوق = طـيــب الـمـعـانـي تـعـلابــه
ذوقي وذوقك مافيه فروق = يااللـي لـنـا وجّــه خطـابـه
ابن وازن =
عسى البقى بالرضا مرفوق = وفـاحــت مـعـانـيـه واطـيـابــه
تكميـل يــا زاهــي المنـطـوق = الـقـيــل انــتــم مــــن اربــابـــه
صقر المراقيب =
منته على النايفه مسبوق = يااللـي لـهـا يفـتـل اشنـابـه
معناك هاته مـع الطـاروق = وانـا تـرى حـاسـب حسـابـه
ابن وازن =
مابين قلبي يابن معتوق = وما يجري فالدم لصحابه
يجري غلا ودهم فعروق = ماقدرو نبضه احبابه
صقر المراقيب =
ياالجحدلي كان لك معشوق = خاطرك ضايق من غيابـه
سر الجفا عننـا مـدروق = ياليتنـا نعـرف اسبابـه
ابن وازن =
قلبي لمس فالوداد اعقوق = من حقي لو قمت بعتابه
واليوم عايش أسير الشوق = قلبي ويش الحل فمصابه
صقر المراقيب =
قلبك شقـى فـي هـوى مخلـوق = طـشّــه وســــط نــــار تـصـلابــه
لايــآســـرك ودّ راعــــــي بــــــوق = مــــاقـــــدّر الــــلـــــي تــشــقــابـــه
بـــاب الـعـنـى اتـركــه مـغـلــوق = مــــــادام لــــــه ريــــــح هــبّــابـــه
ولاتعيش في حسرتك محروق = واســــلا عــــن الـبـيــن وغــرابــه

المشاركة الأصلية كتبت بواسطة عبدالله الزغيبي (المشاركة 854003) صح لسانك ...

المشاركة الأصلية كتبت بواسطة محمد الكنيدري (المشاركة 854006) ياسلام على هذا اللحن من شعراء لهم وزنهم ومكانتهم سلمت يابو وازن وسلم اخي صقر المراقب كلام يقر الراس الله يعطيكم الف عافيه تقبلو تحياتي

المشاركة الأصلية كتبت بواسطة وليف الشوق (المشاركة 854008) صحت السنتكم وبيض الله وجيهكم كل عام وانتم باالف خير وعساكم من عواده دمتم على الف خير

المشاركة الأصلية كتبت بواسطة رابح الجحدلي (المشاركة 854089) صحت السنتكم والله يعطيكم العافيه بيض الله وجيهكم

المشاركة الأصلية كتبت بواسطة هزيم الرعد (المشاركة 854125) محاورة قمة صح لسانك يا ابن وازن ولا هان الشاعر الرائع صقر المراقيب