طريق الخير من يمشيه فـعل الخير يحريبه=وراع الجود ماحدٍ ينكره ماهو بمحسودي
وأنا شهد والشهاده واجبه للشب والشيبه=وعلومك وافيه يالاجودي ماجبت منقودي

فواز الزويهري=
سلام الله علـى الحضـار والشعـار بالطيبـه=وأنا طرقي ومعي بـدره توصلنـي لمقصـودي
صدفت السوق وأهل السوق كل(ن) محتمي جيبه=وكل ن دون مجهوده وأنا بعزمـي ومجهـودي
الطوفان=
هلا يامرحبا واللي خطر لـك يارجـل جيبـه=وكلٍ ياوسيع المعرفـه لـه حـد محـدودي
صدفت السوق مار السوق غالي كيف تشريبه=مدامك ماانت تاجر مامعك عمله والانقـودي
فواز الزويهري=
نقول إلك البقا ياضلع نايف عـاو(ن) ذيبـه=على الطالات أناوأنته وحبل العـز معقـودي
صدفنا السوق وأثر السوق فيه الشك والريبه=وأنا أشري بالأمانه والأمانه سعرها يـزودي
الطوفان =
ترى ما كل من يرم الهدف بالبرنو يصيبه=وأبه رامي مايخطي للهدف ويسود ويرودي
ولاتلحق سوقنا شكٍ وريبه وأنت تمشي به=وترى راع الأمانه بالأمانه رجل محمـودي
فواز الزويهري=
أنا ماني بحاذف بيتـي المعمـور وأغريبـه=ولامشي في طريق ن مامشوه الناس مسدودي
تعال أنظر معي وأشهد على التاجر وأكاسيبه=بيارق نصبوها أشباح والمركب بـلا جـودي
الطوفان=
طريق الخير من يمشيه فعل الخير يحريبه=وراع الجود ماحدٍ ينكره ماهو بمحسودي
وأنا شهد والشهاده واجبه للشب والشيبه=وعلومك وافيه يالاجودي ماجبت منقودي

المشاركة الأصلية كتبت بواسطة أ-سلطان الحربي (المشاركة 830188) ياهلا بالشعراء وصح ألسنتكم

المشاركة الأصلية كتبت بواسطة محمد راضي العريمه (المشاركة 830201) صح لسان كل من الشاعرين على هالطاروق

المشاركة الأصلية كتبت بواسطة ماهر ابو خالد (المشاركة 830238) تعال أنظر معي وأشهد على التاجـر وأكاسيبـه =بيارق نصبوها أشباح والمركـب بـلا جـودي صحت السنتكم والبيت هذا وزنه ذهب يعطيكم العافيه يابو محسن والطوفان وكل عام وانتم بخير

المشاركة الأصلية كتبت بواسطة الصييفي (المشاركة 830359) صح الله السنتكم يالشعار فواز الزويهري و الطوفان بيض الله وجيهكم مبنى و معنى لا هنتوا