منتب مثل صياف و الا جاره، و بالشعر حاشا ما سكنت بحيِّه= وانا زرارك لين تارد ظامي، و المنهزم لا شك يطلع برا
و الفوز ما يمشي لمثلك كارِه، و المعركه قدني حسمته ليَّه= منت احمد الناصر و لا انت زلامي، و المنهزم لا شك يطلع برا

ماسمع كلام الهذر والهذاره،اللي يحبون الفتن والسيه=ماعندهم مذهب وعلمٍ سامي،و المنهزم لا شك يطلع برا
حاول تراجع نفسك الاماره،وين الصراحه وين طيب النيه=ودامك تحلم كذب الاحلامي،و المنهزم لا شك يطلع برا

الحرب غاره يقتفيها غاره نيرانها دايـم تراهـا حيـه=وميدانها لا شك خطر وحامي والمنهزم لا شك يطلع برا
ومن فاز فيها فاز بالصداره والفارس الصنديد يالله حيه=يجي وياقف صاحبي قدامي والمنهزم لا شك يطلع بـرا

الحرب تبغى جيوشها الجراره، و جاتك جيوشٍ يا لها من جيَّه=قدام طعن الرمح رمي الرامي، و المنهزم لاشـك يطلـع بـرا
و الفوز مضمونٍ لراع الشاره، اللي يدوِّر مثـل هـذي هيَّـه=و جاب الله الطوفان هذا العامي، و المنهزم لا شك يطلع بـرا

الظاهر أنك ناوي الخساره،خسارةٍ تطلع ميـه بالميـه=والرمح ماصاب الهدف وأمامي،والمنهزم لاشك يطلع برا
والفوز الي ياصاحبي شطاره،وأنا تراني قايـد السريـه=بكره بجيك ابيرقي واعلامي،والمنهزم لاشك يطلع بـرا

مناب انا اخسر لا و لا اخطي الشاره، و اللِّي يبارزني يموت بغيّه=يجيه من يمناي سهم ولامي، و المنهـزم لا شـك يطلـع بـرا
كلٍّ بدرب الفوز يقـرع طـاره، حتـى لـو ان جالـسٍ بالفيّـه=و لا جا لساعة حسم خار و نامي، و المنهزم لا شك يطلع بـرا

اللي وفت له مات فايت حاره،مات السحيمي يارجل والعيـه=وأحسن لك ابعد قبل أسل حسامي،و المنهزم لا شك يطلع برا
والفوز ينخاني وأنا في ثاره،نويت حسم المعركـه جبريـه=واجب عليه حسمها والازامي،و المنهزم لا شك يطلـع بـرا

منتب مثل صياف و الا جاره، و بالشعر حاشا ما سكنت بحيِّه=وانا زرارك لين تارد ظامي، و المنهزم لا شـك يطلـع بـرا
و الفوز ما يمشي لمثلك كارِه، و المعركه قدني حسمتـه ليَّـه=منت احمد الناصر و لا انت زلامي، و المنهزم لا شك يطلع برا

ماسمع كلام الهذر والهذاره،اللي يحبون الفتن والسيـه=ماعندهم مذهب وعلمٍ سامي،و المنهزم لا شك يطلع برا
حاول تراجع نفسك الاماره،وين الصراحه وين طيب النيه=ودامك تحلم كذب الاحلامي،و المنهزم لا شك يطلع بـرا

جاك الجمل ممرور شف هدّاره، حسبي عليك و تهمتك كيديّه= مناب مثلك يا رخيص الخامي، و المنهزم لا شك يطلع برا
أنا أحمد الله ماني من أشراره، و لناب مثلك ناقةٍ مطليّه= و انا حلومي علم و انت افلامي، و المنهزم لا شك يطلع برا

المشاركة الأصلية كتبت بواسطة ابن خيرالله الردادي (المشاركة 810956) الطوفان والصييفي بيض الله وجيهكم وصح الله السنتكم شعار كبار واسمين نعتز بها لكم مني اجمل التحايا ودمتم ودام ابداعكم

المشاركة الأصلية كتبت بواسطة محمد عويض البدراني (المشاركة 811203) محاوره مستواها راقي شكراً بيض الله وجيهكم

المشاركة الأصلية كتبت بواسطة رابح الجحدلي (المشاركة 811245) ياسلالالالالالالالالالام على الابداع صحت السنتكم والله يعطيكم العافيه بيض الله وجيهكم