الشرق الاوسط كلهم شلة خمام=وجودكم مثله مثيل العداما
ما ينفع اخوالك ولا تنفع اعمام=بالمختصر ما عاد فيكم كراما
خلك معي والوعد قدام قدام=الين تاصل عند مسك الختاما

مدام بعض رجالكم مثل الاصنام= ما عندهم الا رخيص الكلاما
نبي نثبتهم على الصفحه أرقام= و ملبوسهم عقب البشوت البجاما
و بكره نخليهم حكايه بالافلام= و ان ما رضوا نودعهم قوانتناما

الظاهر أنك بايع الخبز بالشام=خبل ٍ ولد خبل ٍ علي الحراما
جنودكم تلبس ثياب ٍ بلا أكمام=مثل الحصان اللي بلش بالسناما
النصر للي عارف ٍ نهج الاسلام=أقولها صادق عليك السلاما

يا حسني "ار" "تح" لا تعرض ولد سام= حنا تركناكم سواة النعاما
كلٍّ دفن راسه بحفره و لا قام= و يقول هو عنتر و مِرْوَدْ ظلاما
حنا خذينا درسنا من فيتنام= و انتم كفيتونا التعب و الملاما