محاورة مع الشاعر المغامر=
حسيبك للزمن=
حتى الرِّجا قَفِّلوا بابه = نجم (ن) سِطعْ في سماك وغاب
البعد ماعاد نشقابه = يازينها عيشة الأغراب
المغامر=
يمكن سبب غيَّر اصحابه = من جرح ينزف الم وعتاب
اقفى عن الدار واحبابه = واليوم عادت به الاسباب
حسيبك للزمن=
عَليّت ساسه ومرقابه = ولاباقي الا ابني المحراب
لاعاده الله ولا جابه = دايم عديم الحجج كذَّاب
المغامر=
ارسل هداياك لِحْسابه = بالقرب يرجع لكم طلاب
وان مارجع ليش تعنابه = الناس واجد ولك احباب
حسيبك للزمن =
سَلَّمته القلب بضبابه = ولولا الحيا نمت تحت الباب
خلَّ الأسى عند طلابه = يكفي شِقا حسن ظني خاب
المغامر=
انت العني به وادرابه = لاصار جرحك منه ماطاب
يمكن يجي يوم تهنابه = بعد العداوة تجون اصحابه