ما كل عمله طابقت صرف عمله
ولا كل مانسمع من الهرج ينقال
ياكم مكيـالٍ ليـا كـال طملـه
وياكـم مكيـالٍ لراعيـه كيّـال
ترى الجمل مايشتكي ثقل حملـه
دام الثقال الناس قالوا لها جمـال
ماكل واحـد للوفـا فيـه كُملـه
درب الوفا لرجال تمشيه لو طال
ناسٍ تعشق الطيب وتلـم شملـه
ماتفرُقه تكسيه في كل الأحـوال
مجلاسهم في عز ورجال صملـه
على سمين وبن مع هيـل ودلال
والسالفة لاجات ماجـات ثملـه
ينشط لها السامع وتشرح له البال
عُقال تنقد مـن عُلومـه مملـه
اللي يدربيها من الجـال للجـال
من لا يصف حساب مافاد جملـه
ومن لايقود جمال ماهو بجمـال
وختامها عـداد وبلـن وهملـه
صلوا على شفيعنا يوم الأهـوال


صح لسانك وعلا شانك تسلم وبيض الله وجهك على هذا النظم والمعنى السامي بيضالله وجهك
وتقبل تحياتي

صح بدنك ولاهنت على طيب مرورك ياخال

صح بدنك ياذيب وبيض الله وجهك على طيب مرورك

صح السانك وبيض الله وجهكـ
تحيااااااااااتي

صح بدنك يابو عبدالكريم وبيض الله وجهك

صح بدنك ولاهنت يالذيب