فايز ال محيسن=
ياقابل الطيب من ساسك = والقصر مبني على ساسين
سلام من راسي لراسك = نبغا معك فالمثل حرفين
قابل البشري=
ابشر ولانخلف قياسـك=والعلم مانقسمه نصيـن
يامرحبا دن هوجاسـك=ومن عندنا تاخذ التثمين
فايز ال محيسن=
مادام نورت نبراسك = غاب القمر وختفا نجمين
تبقا وولّم لقرطاسك = وخُطّ ياقلم والجروح تبين
قابل البشري=
ياحرف راقي ومتماسـك = النور بوجودكـم نوريـن
هات الخبر وانثر احساسك = وحنامعك بالوفـا ماشيـن
فايز ال محيسن=
ياسيد ... الحرف مجلاسك = وافي على طبعكم وافين
ميَر الزعل سببه ناسك = اللي مادارا دموع العين
قابل البشري=
الطيب مصبوب من كاسك = شرواك عندي من الغالين
حنا نساعدك في باسـك = ومن يمنا مايجيك الشيـن
فايز ال محيسن=
من قبل لاتظرب بفاسـك = ماكان تعفو وتكسب ديـن
وان صك باب الرجا ياسك = خليتنـا فالخـلا ضاميـن
قابل البشري=
يابنك لاتعلن افلاسك = و الخيرباقي ليوم الدين
ولوكان راجعت كراسك = تلقى السبب والخلافة وين
فايز ال محيسن=
جينا طرقنا على اجراسك = والباب مقفل على قفليـن
ومن بعد لحنت مرواسك = وش عاد باقي تقول منين
قابل البشري=
ماهو على عدل مقياسك = والناس باللي حصل دارين
وانت الذي هب نسناسك = تخطي وبتردنا مخطين
فايز ال محيسن=
هذا القدر حاسني وحاسك = والعاقل مايتبع الغاوين
ياكبرها ان كان متراسك = طالب وراغب على الحدين
قابل البشري=
لاتضمر الظـن باقواسـك = وتشب نار الاسـى ناريـن
وعلمي في صحوتك ونعاسك = واضح عطيتك عليه يميـن
وخلك بجيد العرى ماسـك = لاتشت عن ربعك الباقيـن
مـارد الاقـدار حراسـك = ارضى وحنا معك راضيـن