ياماحلا الوقده برمث عقب سيل=بادنا خناصر بالصدا غرب صاره
كد فات هود وباقي هود بالليل=اللي عليه مشددين الخفاره
تسعين ليله عقب مابين سهيل=قبل البراد وبام صاره حراره
والبرق يبرق فوق سود الهماليل=ومن كل صيبه معطيات الاشاره
متنزح عن كثرة القول والقيل=عن غايب تنزاح عنه الستاره
والا الليالي مقفيات ومقابيل=متعلمات للقسا والجباره
فيهن مدابير وفيهن مقابيل=ويغطي الحالي رصيد المراره

يالساحر اللي على الحراث وقفها=لك خلق تيتشتغل والبرق شف لونه
طف المكينه والى طفيت لحفها= والشبك قل للبشر ذولا يصكونه
عجل علينا ترا العزبه مكلفها=بجمس مشيك ودرب الجمس تلقونه
للديره اللانت خابرها وعارفها=مثلك يوصي وغيره مايوصونه
نبي المدينه على يسراه ينسفها=وابيض وابيًض على اليمنا تحطونه
من فوق جمسً كناديسه معكفها=يسار ويمين يطوف ولايطوفونه
كن الحجر يوم بالدولاب ينقفها=شرشور رشاش حال الملح من دونه
مع طلعة الشمس وارض القار حاذفها=بارضً خليه خطوطه من دركسونه
يتبع دروب الوسوم اللي تسرجفها=ولاقط خلابها القناص كرتونه
رمايها صيدته منها يطرفها=ماذير الصيد ياقف لين ترمونه
والاهل السحر معروفه سوالفها=الميت اللي عقبهم جوه يوذونه