خالد اللهيبي=
سلام وافي (على اسمه )=مرسول منى يا بو وايل
يوم ان كلٍ ربح قسمـه=باشكي لكم حظي المايل
سالم البشري=
ترحيب مايختلف رسمه=والطيب لاهل الوفا شايل
والحظ لو خالفك وسمه=اصبر وخليك متفائل
خالد اللهيبي=
الصبـر ماينقبـل طعـمـه=وكني علـى حيـد متهايـل
ومن قبل لاتخوض في حسمه=هيا استمع شكـوة السايـل
سالم البشري=
من واجبي ازرع البسمه=في مجمل الوضع لو طايل
ونتيجةالجمع والقسمه=تطلع بعد نسمع القايل
خالد اللهيبي =
اقبل عليه كما نسمه =هبت على غصن متمايل
تكمل الزين في جسمه=وطبعه اناني ومتحايل
سالم البشري=
الزين مايكتمل دسمه=لامن بدا يعجب النايل
لو زان في عينكم وسمه=الناس ماتتبع الزايل

المشاركة الأصلية كتبت بواسطة ماهر ابو خالد (المشاركة 605115) ومن قبل لاتخوض في حسمه اذا احد سألك عن كسرة القمرة .. هذا اجد مثال تقدر تقله عليه والجديد اللي ننوه عليه انه صار لكسرة القمرة (لحن القمرة ) صح السنتكم ومتابعين والله يقويكم يالسلطان ويالعمدة