القدوة=
ســلام تصنيـفـه الاول=يامن فجوك حصـل تشويـش
احنـا مـن الحـق مانـزعـل=وانته من الحق تزعل ليش
الجمل=
يامرحبـا عنـك مااحـوّل=واهل العقل ماتجيب الطيش
غيـر العذرمنـك مانقبـل=والباقية ما تأكّـل عيـش
القدوة=
عسى البقى بالمثل ماجهـل=وبعد معك قفّلـت بالشيـش
انته وانـا نوصـل المنهـل=حظك معي يموت والا يعيش
الجمل=
اعطيتـك العلـم لاتشتـل=وتكثر الهـرج والتنبيـش
غير الذي جاك مايحصـل=لايضيع جهدك على مافيش
القدوة=
انته معي ليه ماتوصـل=اما لحمـدان ولا دبيـش
اقضاه من عرفها ننهـل=ماتعرف الغش والتغشيش
الجمل=
مااقول في سادة المحفل=ياحضرة الفاهم النبريش
بس الجمل كلمته تفصل=فالقيل قايد وعنده جيش
القدوة=
عاداتنا مـن زمـانٍ زل=مانقابل القـن بالتطنيـش
وانته مسوي عليه اشكـل=وهذي ادانه على الشاويش
الجمل=
لاتكثر الهـرج وتطـوّل=يافاقد العقـل يادرويـش
مجهول انته ومستجهـل=تطرد ورا اللبش والتلبيش
القدوة=
احفظ لسانك وحذرا تـزل=ماهي لنا الدروشه ياربيش
وشاور هل المعرفه افضل=لاتشاور اللي ماجاله ريش
الجمل=
من يبخس الناس ويدهمل=ويبدّي الزور والتهميـش
هذا فقـن العـرب مهمـل=محسوب في صفة التبكيش
وانت الخطا فوقـك مدبّـل=قدوة مسوي علينا بيـش
وان كان تبغى الوفا كمّل= من دون فتشه ولا تفتيش