الله وأكبـر يـازمـانٍ مضـالـي=ماهمت الدنيـا عـذاب الغراميـل
عصرٍمضالي بين حُمـرٍ طوالـي=ضلعان فيهـا للفرايـس مداهيـل
الله يامحلـى هـذيـك الليـالـي=اللي بهـا كنـا نجـر المواويـل
في مجلسٍ بالحيل جـوه صفالـي=أسمع واسولف من علوم الرياجيل
بنٍ.. وهيلٍ.. والحطـب والدلالـي=وجمرٍ على ضوه نسوق الفناجيـل
وبعزومنا نرقى على كـل عالـي=والحمد لله كـل إبوهـا تساهيـل
وأركض مع السحقان والقلب خالي=ماجاتـه الدنيـا تسـوق البهاذيـل
واليـوم ياحالـي وياحـال حالـي=قامت تصافقبي هبـوب الغرابيـل
ودي أقول ومستحي مـن هبالـي=مير اسمعو لو صرت شيخ المهابيل
عقب الشمـاغ ولبستـي للعقالـي=البطن ضامر من حزام البناطيـل
وعقب السوافي والحصى والرمالي=تمسح خدودي ناعمـات المناديـل
وعقب المكيف أصبح الجسم بالـي=وتحلحلت فيني جميـع الصواميـل
وقولو معي .. مليـون ياهمالالـي=عشاي همبرقر عقب فطّح الحيـل
ومن لامني في حب شيء هوالـي=أقول لـه مالـك عليـه مداخيـل
جسمي بنجـدٍ والعقـل بالشمالـي=بديار عُربٍ كل أهلهـا حلاحيـل
فيها الحيـا والصيـد وأم العيالـي=وجماعهٍ معهـم تزيـن التعاليـل
عمان لي فيهـا وربـع وخوالـي=يالله تسقيهـم مـزون الهمالـيـل
وتسمع فحيح الصدر لامن طرالـي=دغـداش والا ظـم راع المقاييـل
يعجبك في ضمٍ عن الناس عالـي=وإنه حمايه للوطن مـن سرائيـل