الاخ الشاعر عبدالله ميزان البدراني

بيض الله وجهك وصح الله لسانك

وصح الله لسان الشاعر مشعان البراق

ولله دركم

ويعطيكم العافيه

وكل عام وانتم بخير

تقبل تحياتي

البدو مالامو طميه يوم جـات مـن الحجـاز = تبغى قطن في وسط نجد وهاضها برقٍ عـلا
وهوه يبيها وضيقوا عكّـاش يومنـه مافـاز = الله واكبر ياجبـل شديـت مـن زود الغـلا
هذا الجبل وهو الجبل وانا احسبنـه مايهـاز = معذور اجل قلبـي لونـه ماستقـر ولاسـلا
لجل الهنوف اللي تسلقط حبها من دون ايعاز = باقصى معاليق الضمير وقالت عروقـي هـلا
تربعي وسط الحشـا والـدار دارك بامتيـاز = وهاتي سواليفك وقهوينـي وانـا ماقـول لا
ياصوت عذب . وخد برق . وعين حرٍ تو فازّ = والخصر ضامر ساحلي (........) ياريم الفلا
في ناضري كل الفياض بجيتك وان كان جـاز = ماكنهـا الا مـن مراويـح المخايـل سيـلا
والحال لاغبتي تراه اشـد مـن نـارٍ وغـاز = واشد من فتك اليهـودي بالضعـوف العـزلا
روفي على قلبٍ مايسمع للعذل فيـه انحيـاز = كل ماسمع صوتك وجا طاريك من بين المـلا
يامجاوب الورقا يابن بـراق ياكنـك خـزاز = ياصاحبي مشعان .. هم الحـب لامنـه ولا

طرى عليّ اللي يقول اقرب جهاز اقرب جهـاز = والشعر وهبه .. والشرايد حضرت لي من - الى
هيضني اللـي فالقدايـم مـن بعيديـن المـراز = آثـره مبلـي فالهـوى .. والله يعيـن المبتـلا
والله يكون بعون من قلبه مايبغـى لـه جـواز = ادنى مايلعـب فيـه لـو كلمـة هـلا يامسهـلا
اعلّق الشرهه علـى قافـي وشـرط الاجتيـاز = اثنيـن .. ثالثهـم يعرضّنـي تهاتيـه الـخـلا
لو مابقى لأغلى الفرص شيٍ مايسوى الانتهـاز = كان الديّر ماتفقـد اللـي عـن مرابعهـا جـلا
اللي تحّن اقدامه رجلينه مـن الارض العـزَاز ! = ما ألوم قلبك فيـه لـو كّـن المشاعـر وامتـلا
لكّن حل السالفـه جـاء فـي عمـود الارتكـاز = أما اطرف ابـواب البيـوت العامـره والا فـلا
والحب يبقى فالضميـر الحـيّ مثـل الاعتـزاز = عند العزيز .. وعزّته كنـزٍ مايفنـى وايخـلا .