ماجد أبو مديدة =
يامن لكم فالحشا مركاز=ومقداركم عندنا غالي
الليله القاف يافواز=نبغاه فالمركز العالي
فواز الزويهري =
ترحيب من يمنا وإيعاز =معكم على القاف طوالي
تقديركم عندنا ممتاز = هات المثل واسمع امثالي
ماجد أبو مديدة =
ماعندنا شك فالإنجاز =يالشاعر اللي تمعنالي
أرسلت صورة بلا برواز=بأسبابها الدمع همالي
فواز الزويهري=
ماكل واحد معانا فاز = غير الذي شال الأحمالي
مادام سالت دموع الباز = لابد فالمسألة إشكالي
ماجد أبو مديدة =
ماقلتلك فالكلام إعجاز =حتى أوضح عن أهوالي
وآ دمعي اللي ذرف وانحاز =ياصاح يعكس لك أحوالي
فواز الزويهري =
مادامك أنت لنا معتاز =أصبر على الطب لو طالي
وحرر لنا باقي الإيجاز =أشرح وريح لنا البالي
ماجد أبو مديدة =
لو رزتني ياخوي مانراز =لكنك أعطف على حالي
عزيز قفا وكب اعزاز =والدار من فرقته خالي
فواز الزويهري =
الكل حسب السنن يجتاز =وللأمر مخرج ومدخالي
خلك لوقت الدعا نهاز =باب الدعا ماله اقفالي
وللجميع خالص التقدير=