(ماجد أبومديده)=
بعد حصولك على الدوري=من وسط قلبي وأخذت الكاس
سلام من بين جمهوري=يامُنتهى الذوق والإحساس
(قابل البشري)=
محسوب في ورود وصدوري=يامِبدع الحرف ياحسّاس
يامرحبا ردها فوري=يسمع صداها جميع الناس
(ماجد أبومديده)=
هبْ الهوى وإعلن حضوري=على جناح الأمل والياس
وكل ماأقول إنتهى دوري=يرُدني للهوى نِسناس
(قابل البشري)=
درب الهوى درب مخطوري=ماتجهلُه ياصليب الراس
إمشي على عِلم مقروري=ولاتتبع الظن والهوجاس
(ماجد أبومديده)=
ماكان عقدُه معي صوري=مسطّرُه بالذهب والماس
المِشكله جرّح شعوري=واللي جرحني قويْ الباس
(قابل البشري)=
العلم به عِلم مقطوري=ومافيه مبنى بليا ساس
راجِع لهم كل منشوري=وإقرا الذي داخل الأقواس
(ماجد أبومديده)=
شكيتلك مِن عنا جوري=عُقب إطلاعي على القرطاس
ومابين جرحي ودكتوري=تآزمت والفؤاد إنحاس
(قابل البشري)=
مادم ماجيت محظوري=وبيناتكم مادخل دسّاس
أنا على حسب منظوري=لفراقهم دنت الأجراس