محمد بن عاتق=
عد المسافات و الاميال = للي دعانا و جينا له
سلام منا لكم في الحال = ياللي اجتهدنا في ميصاله
فواز الزويهري=
جيتوا على الطيّبة و الفال = و اللي حضر نحفظ اجلاله
ترحيب وافي على المكيال= و راع الوفا نكرم اوصاله
محمد بن عاتق=
عسى البقا يا جويد الخال = ياللي مجود نسب خاله
يبقى لنا في المثل منوال = ان كان يسمح لنا رجاله
فواز الزويهري=
من مثلكم ما أحسن الأمثال = و راع المثل ندرس أمثاله
هيا ابتدي و للبحر أهوال= ربانها اللي درى بحاله
محمد بن عاتق=
هيا استمع محضر الاشكال= من بلوة الوقت و اهواله
صاحب مسبب لنا زلزال = و انا موفيه مكياله
فواز الزويهري=
ما دام نهجك معه ما مال = ملزوم بالعرف لرجاله
ولا بد منكم يجيه اسآل= لعل يكشف لك اهماله
محمد بن عاتق=
المشكلة اني معه في اقبال = رافع مع الناس منزاله
و كل ما عقدنا عليه آمال = نلقى العراقيل في جاله
فواز الزويهري=
ما أنصحك قطعه و لاني دال = مثلك جمل يقدر أثقاله
سايس أمورك و لا تحتال = خليه الايام تعناله