|
|
اقتباس:
مرحبا بك يبو سامي و لا ابطى من جا أنا لما شفت ان منتب حول النت رحت بمشوار و تو رديت و عندي مشوار طارئ سأحاول ارجع منه الساعة 11 و ودي نتابع لين يشيب البيت حتى لو أخذنا يومين ههههههه استلم لا هنت:
اشهد انك شاعر(ن) تضبط عيار القاف بالمليَّه= و السبب هذا هو اللّي شدني أرمي معاك الشارة الله انه يرحم الشيبان أهل القهوه البريّه= وقتهم روّح و جا وقت(ن) لجيل الببسي الفوّاره |
اقتباس:
حياك يا مضحي صح بدنك الصفوف وحده مشكور على تواجدك |
بيض الله وجهك اخوي الصييفي وانا جلست لقريب
صلاة المغرب على النت وبعد المغرب عندي ضيوف شرواك وما راحوا إلاّ الساعة وحدة ونصف ليلاً واستلم لاهنت
الشهادة منك ياسرحان تكفيني ميه بالميه = والهدف منصوب والرشاش حذرى تخلفون عياره ودنا ناخذ معك لفه على سيارة الدوريه = لين نبرح نقطة التفتيش للزوار والمراره |
اقتباس:
حياك يا الشاكر أبو سامي
العرب حطوا لهم لجنه بمصر بطبخه سعوديه= و الهدف إنقاذ لبنان الأرز من حفرة القباره و اختطفها الجبر للدوحه بليل و جيّر الملويّه= حطها انجاز(ن) لدولة "موزه" اللي ماسكه بالطاره |
اقتباس:
حياك يالصييفي واستلم :
خلها تنفخ وتطبخ والعمل ياصاحبي بالنيه = ليتها تنقذ لنا لبنان حتى نهتني بدياره لاتصدق كل مايحكي به اهل الرايحه والجيه = شي ماشفته بعينك لاتعده لاتولع ناره |
اقتباس:
مرحبا بك يا الشاكر أبو سامي استلم لاهنت
غاضني يوم الصغير يزاحم العملاق في ناديِّه=عقب حطوا "سام" في وسط "العديد" و شن منها غاره ما درى انه في خصر عملاقنا كالزايده الدوديّه= لو تألّم منه ساعه، بآخرتها نطلته مقداره |
اقتباس:
سلمت اخوي الصييفي واستلم لاهنت :
كلنا نومن بطبخ الطبخه المطبوخه السريه = حاكها من حاكها لباسة الدشداش والنظاره والبلا نعمان يوم انه تعكز بالعصا السحريه = واحتزم ثم التزم يثني بها فنجال ماهو كاره |
اقتباس:
مرحبا بك يبو سامي:
لو بغى يخفي الأثر برداه ما يخفى على المريَّه= لو هو اللص الملكَّع في البلد ما تختفي آثاره لا يهمك صاحب الثوب الغبر و الغترة الورديَّه= لو عمل مهما عمل يبلش بعملة نفسه الأمَّارة عن إذنكم عندي ارتباط و راح الليلة بعد العاشرة و النصف تحيات للجميع |
[QUOTE=الصييفي;337767]
مرحبا بك يبو سامي:
لو بغى يخفي الأثر برداه ما يخفى على المريَّه= لو هو اللص الملكَّع في لكاعات البشر ما تختفي آثاره لا يهمك صاحل الثوب الغبر و الغترة الورديَّه= لو عمل مهما عمل يبلش بعملة نفسه الأمَّارة عن إذنكم عندي ارتباط و راج الليلة بعد العاشرة و النصف [/تحيات للجميع QUOTE] سلمت يالصييفي واستلم لاهنت
عد بنا يالتاجر اللي مغتني ومنكس الكوفيه = ابك انا شاوي وراعي بل خلف البل بالمطاره لاتودينا البحور اللي عميق غزرها عن ديرة الحربيه = البحر غدار والدوامه اللي داخله غداره |
الساعة الآن 06:12 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
