سلام ترجم حروفه من =من يعزف الحرف ولحونه
معنى ومغنى يعبرعن=أصحابه اللي يقولونه
عادتك تحسب حساب الفن=وتراسل اللي يمعنونه
يامرحبا والمثل لاحن=كل حرف نعطيه قانونه
اللي لهم فالحشامسكن=مشيودكل العرب دونه
ظنوافودي وبعض الظن=أثمه على من يظنونه
مادام هذاالبنا متقن=وماقدرالود مضمونه
ابحث معه قد ماأمكن=ويبان ظنه من عيونه
الصد من يمهم معلن=باين ولو كان يخفونه
واصل الخطا عندهم بين=ويبغواعلينايحطونه
قدام اقله غلط اضمن=أتدارس الوضع وشئونه
يمكن جرى له امر يغبن=ينتجه لو تخطونه
حنا ترى من رجال القن= من ياخذونه ويعطونه
نوفي مع أصحابنا لكن=لازم خطاهم يشيلونه
أناعلى البينة ازكن =وأيد اللي تعدونه
بالغيب ماحكم ولا اخمن =ودمح الخطا لاتناسونه