الوسام اللي على صدري خذيته بامر سامي= و كل واحد يالطريسي يعمل ليكسب وسامه
و العطش و الجوع ما تاتي مع برد و سلامي= و نسأل الله يوم ذاك اليوم نحظى بالسلامه

الوسام اللي لبسته من كبيرين الاسامي==اطلب المولى يزيدك واطلب المولى دوامه
انت ماعلمتني عن محزمك وسط الزحامي=لاتصير اللي ماعنده لاشداد ولامسامه

الطريسي ليته يفكر و يفهم في كلامي=ما عرفنا وش هدف بحثه و لا وشهو مرامه
محزمي ربعي "بني زيد" القضاعيه ولامي= الحضر و البدو تعرفهم و لا فيهم هلامه

الطريسي ليته يفكر و يفهم في كلامي=ما عرفنا وش هدف بحثه و لا وشهو مرامه
محزمي ربعي "بني زيد" القضاعيه ولامي= الحضر و البدو تعرفهم و لا فيهم هلامه

الطريسي ما رماله رميتن من دون رامي=كلمته ترعب وتصحي واحد طول منامه
نعم في ربعك وانا ماذمهم يبن الكرامي=مير شفتك غازي العربان في مطرق بشامه

أنت طالب ثانوي للمعرفه و العلم ظامي= لكن الله و الركاده قبل لا تجني الندامه
ما تفرق بين عجاج الرمك هو و العسامي= و لا تميز بين معترك الثمامه و الرغامه