|
تكفي لاتدعي علي حليلي ما استاهل
بس ينفع احط لغيري اذا ايه يا كثر طرايف الزميلات بستاذن منهن واكتبها واذا لا انتظر يا قمر غياب الشمس تري هالمثل من راسي وربي بدل مثل مب زين ابد ولا احبه دمتم بود |
اقتباس:
هههههههههههه والله رهيب شلة انعس وانجح الله يعطيك العافيه سلمان وعقبال ماتشلع واحد خابره هههههههه |
اقتباس:
ههههههههههههههههه احساس شكلك حتى انتي بالاخير صدقتي صرتي مثل اشعب كذب علي ناس وصدق كذبته الله يسعدك ووووووووووووويييييييييييييييييييينكم ياعضا نبي مووووووووووووووقف تضحك |
انا والمواقف المحرجه والمضحكه متلازمين بسم الله الرحمن الرحيم اجيبلكم موقف من ايام الطفوله كان جدي عنده حوش كبير مره زارع فيه نخيل شبه مزرعه كنت اروح معاهم خميس وجمعه المهم جالسه طفشانه مافي ألعاب ولا اي وسيله من وسائل الترفيه قلت لعمتي وهي صغيره بسني تعال نزرع بس وش نزرع ندور يمين شمال مافي شي رحنا المطبخ مافي غير رز وسكر وشاي قلتلها انا بزرع سكر واشيل من ذا السكر وادفن واسقيه وكل اسبوع على ذا الحال سبحان الله وبقدرة قادر طلع زرع وشهو ما ادري اي شي طبعا الا قصب سكر كان نوع من انواع المشيات المهم زرعته في حوش الرجال وكان مرصوف حصى خربت المنظر جاء عمي بيقلعوا قلت له لا هذا انا زرعته تعبانه فيه قالي لا بالله قلتله زرعت سكر قالي ما شاء الله طبعا قلع الزرع وراح علمهم (تعرفون اللقافه)ماتو ضحك وجدتي تقول انا اقول السكر فين يروح المهم كنت مقهوره انهم ما صدقوني لا تقولون وش ذا الذكاء والله كنت صغيره واحسب كل شي تزرعه يطلع تزرع ريال تطلع شجرة فلوس تزرع بسكوت ماري يطلع شجر بسكوت بس انا اخترت السكر ومن يومها كل ما يشوفني عمي يقول تصدقون في ناس تزرع السكر؟ يفشلني |
اقتباس:
ههههههههههههههههه حنين عاد دعوتي الله لايوريك طوالي تصير ينفع تجيبين لغيرك المقصد حنا نبي نضحك وانتي دبري عمرك الله يسعدكم وانا معكم |
موضوع جميل
ياجريح الفرقا وخلني اعطيكم موقف مر علي طريف جدا كنت مره داخل مطعم اخذ عشا سفري طبعا ويوم جيت احسبه دق الجوااال ورحت اكلمه واعطايته الحساب واخذت عشائي ومشيت يوم وصلت السيارة ولا لاحقني واحد وميت ضحك قلت سلامات ترى الضحك بلاسبب من قلت الادب مسوي فيها زعلان قال ابد ياخوي لاكن تراك اخذت عشائي ونسيت عشاك عند المحاسب ههههههههههههههه |
موضوع رائع يا جريح
امتعتوناا بروعة طرائفكم يعطيكم العافيه |
اقتباس:
ههههههههههههههههه ربي يسعدك يازارعة السكر وربي متت ضحك لي عوده ان شالله |
بسم الله الرحمن الرحيم هذا أحرج موقف وقع لي كنت يوم في السوق مع أخواتي وأذن للصلاة وأنا أكره السوق وخاصة مع أخواتي وأباهم يخلصون بسرعه وكل المحلات مقفله للصلاة وأشوف محل مفتوح من زود نظافة الباب وهو قزاز طبعاً أجيك مطيره وخاشه فيه وأبرر لنفسي كنت دوبي أتعلم الغطاء تقريبا سادس اولى متوسط اصلا في ذي المرحله انا مو بصاحيه المهم أدخل في الباب طررررررررررررخ وعيني ما تشوف ولا نور العصافير والنجوم اللي في افلام كرتون كلها فوق راسي وأدور اخواتي وبانة النذاله المزبوطه ما القى جنبي أحد ومن الكسفه ما ابا اقوم من الارض والرجال راحين للمسجد ما اسمع الا سلمات سلمات اقوم والقاهم(اخواتي) مو بعيد واقفين يستنوني وابا ارجع البيت بس حكم القوي وبعد الصلاة كل ما ندخل محل يقولولي سلمات سار اسمي هذاك اليوم ورجعت البيت بليمونه فراسي |
ههههههههههههههههههههههههههههههه
همس سلامااااااااااااااااااااات ماتشوفين القزاز ربي يسعدك وربي متت من الضحك اتخيل المنظر عاد دوبها متغطيه تلقا العباه والمغطى والدنيا راحت حوسه الله يسعدك ومشكووووووووووووره بس مافيه مثل زراعة السكر ههههههههههههه ربي يسعدك |
الساعة الآن 07:35 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir