يالهاب ما والله تضــــــــــــــيع الذهيبه=مدام به عينن تحوف المــــــــــــــلايين
اللي جـــــــــــــــــــهل بالعلم ولا دريبه=يقرا الرســــــــــايل بعد شاف العناوين
البارحــــــــــــــــه ليلي همومه عجيبه=ضاقت بمحشدها وساع المـــــــــيادين
اتبع كتيبه واتـــــــــــــــــــــجاهل كتيبه=لين اثبتت مقصودهــــــــــــا بالبراهين
مقصودها قصـــــــــــــــة عنودن اديبه=في شاطين بالمــــــعرفه يعرض الزين
فلة جدايلــــــها براس الجــــــــــــــذيبه =محدن قدر من زينها يغـــــــضي العين
تسحر عـــــــيون اهل القلوب العطيبه=وتسحر عقول اهل الصلاه المصــــلين
مصيوغه بجهد اللــــــــــهاب وصحيبه=يعني على ما قيل خــــــــــتم الضمانين
من شاعرن وافي هجـــــــــوسه لبيبه=ساق القوافي مــــــــثل سوق البعارين
بالطوع ما تمشي بفعل الغـــــــــــصيبه=تجي معه بالطــــــــــيب واليسر واللين
مير الــــــــــــــحدث مبهم ولازم نجيبه=بين السطور ويظهر الحق ويبـــــــــين
اللي فعايلنا خطــــــيرن تشــــــــــــيبه=اليوم قاضي وامس ما يقضــــي الدين
الحــــــــــقد واضح لو خفانا لهــــــيبه=هذي سوايا العـــــفن ماهي بتخــــمين
لعيون ابو هــــــله وشرهة قـــــــريبه=ومن شان بنتن ســـــكنوها حمر عين
ياخذ من العـــــــشره عشر في نصيبه=هس الامـــــــانه مير حنا غنــــــــــيين
ماهي على مــــــــــــثله سوايا غريبه=هذي وصايا جده اللي من ســـــــــنين
والا انت ياكحيـــــــــــلان ما فيك ريبه=قــــــافك على السنه وبيتك على الدين
خل الخسيس وشــــــــــينته وش نبيبه=ما يطرد المسكين غير المســـــــاكين
واعرف ترا ربعــــــــــك بفعلك مجيبه=تفخر بمثلك يا طــــــــــليق الحجاجين
وياحرب باقي واحـــــــــــدن له طليبه=يبغى يرد الثـــــــــار قدم المـــــــــلبين
مدامــــــها صدت عن اهل المـــــعيبه=وصار الحــــــكم بريالها والدكــــاكين
تكفون بالله لا تضــــــــيع الذهـــــــيبه=به واحدن عينه تحــــــــــوف الملايين