سلام و ارسل سلامي ود= مرسول في طية الكسرة
هل كل قـولٍ يبالـه رد=والا النظر يكفي الزهرة
ترحيب لو بحسبة ماسـد=باللي وصل للفضاء شبرة
كل مد لا بد له من حـد=وأقصر حدود الوفي شكره
يامرحبا ياعريـب الجـد=وصل السلام وحصل قدره
القول مابيـن جزرومـد=وألا النظر طاهر الفطـره
ترحيب عطره زهور وند=بعض اللحن عالي النبرة
يجبرك تمشي معه لابد=يجتاز بك كوكب الزهرة
الطيب ياصاح مالـه حـد=والرجل يمشي حسب نظره
ومن بدأ الطيب مـا يـرد=وأقـل رد الوفـاء كثـره
يامرحبا والوفى مقصـد= ربان ما يغلبـه بحـره
الحال حسب الذي يورد=وبعض الموارد بلا نمره
يامرحبا بالذي ينشد=ويقول شوفو لنا دبره
أحياناً الاطلاع يسد=ويسد من مركم عطره
واحيان يلزم عليك ترد=ولابد كلٍ معه عذره
ترحيب مني بليـا عـد=من مكة محمول لك أمره
اللي يجافي عبير الورد=لا بد له في الأمر نظرة