سؤال يا صايبين الشور=أبحث عن إجابته من أمس
كيف العمى مايشوف النور=وبيديه يبغى يطول الشمس؟

يالافي الأمر فيه قصور = ماجبت طاري فعول الخمس !!
والحلم للناس ماهو زور = يمكن يجيب السماء باللمس !!

مايوصف العلم ذا دكتور=لوكان فالطب متحمس
هذاه يبغى بنات الحور=عساه يأصل ويتلمس

حيرتني ليه يا منصور=فاللي عمى ويتلمس لمس
مثل الذي يرفع المجرور=عنده رجاء في رهينة رمس

الطب يكشف على المستور=لو كان بعض الأطباء عمس
وكل مجتهد لاحتسب مأجور=وعلمي حواس البنادم خمس

القلب مبصر كفاه اسرور=فيام فيها النظر يعمس
ياكم مبصر غدا مامور=في حكم أعمى خشى يرمس

ياذيب خلف الصقور نظور=في مداوله بينهم بالهمس
ومنه يفكر بدون شعور=مخدوع وألا مسقَّى طمس