يامن يطمني عن أحوال صياف=علم تبشر فيه كل العشيره
ماودنا يلحقـك ياسيفنا اخلاف=واللي نخافه ظامنين مصيره
حسناك يارواف ياخير رواف=اتقومه بالعافيه من سريره
الكوكب اللي في دجى الليل ينشاف=بين الكواكب مايحلى بغيره
مكانته مابين شعار الاسلاف=نبراس مشهورٍ بشبه الجزيره
له ماقفٍ ماياقفه كل وقاف=راسٍ جمع مابين حكمه وغيره
في صوغة المعنى وتفجير الاهداف=سباح غبات البحور الغزيره
أديب ماهو بالمواقيف مزهاف=وشهود ماقلته جموع غفيره