سمي للبشر مطلوب لاكن
عليه الناس صعبه يحصلوني
ليامن شلت حرف الراس يعني
تجي نضره بطراف العيوني

سمي فرق اثنينن ولايف
وبان الي وراهن يعرفوني
بناتن بيض والطيب اكتساهن
عليهن دوم اهلهن يحرصوني

سمي يلمس حمول السحابي
اهل نجد العذيه يعرفوني

ليا من شلت نصه فالبدايه
بقا حين ولاجله ترحلوني

انا موجود فالانسان وهبه
ولاضني تعيش الناس دوني

وعكس اسمي يجي لاختي مسمى
شرحت اسمي وهيا خبروني

بداية حرف واخرته تشابه
وبين اثنين حرفينن تكوني

تلاقيهن مقدمة الاسامي
شرحت اسمي عساكم تعرفوني

انا باربع حروف اسمي تكون.
نصيفتهن جمع ناسن يكوني
وقوفن بالسراء مترادفيني.
شبهم هكذا وقفة سنوني

سمي مطلب الي يعبد الله
بخمس اوقات دايم يطلبوني

على دربن ولافيه اعوجاجي
عساهم فالنهايه يعبروني

سمي طفل ماهو طفل اوادم
وسمي هو سبب جر الحوني
ليامنه ركب ذيك البنيه
خلاص اسمي وضح لاتنكروني

سمي بنت في وقت اللهايب
كثير الخلق منها يشتكوني
على العود الخضر شرن مصفا
وقوي العزم منها يبركوني

انا البنت الشريفه دايم
ليامن جيت فيه تفرحوني
واول حرف باسمي ماعرفته
ولا من ضاع عنه تنشدوني