ياللي سرقت ايام عمري سراقه=وانت الذي قفيت باللي مضالي
اسهر معك ليلي ونومي شفاقه=واصبح مع الاقراب كني لحالي
ماعاد لي وياك صبر(ن)وطاقه=ارحل ولا تبقى ثواني ببالـي
اترك لي الباقي ابطعم مذاقـه=ارجوك لا تقرب لعمر(ن)بقالي
اسمك لوحدك هم ودي فراقـه=واسمي معك مهموم واعزتالي

على الخيال اللي معانـق حقيقـة=تصورت صورة خيالـي حقايـق
خيال والواقع عطـى لـة وثيقـة=واكثر علوم النـاس بليـا وثايـق
والجوهر الخافي لمع لـي بريقـة=ولا كن بين العين وبينـة عوايـق
شفتة ومن شوفـه بقلبـي حريقـة=من الشرر نوب(ن)تشب الحرايـق
حمل بة التايـة وضيـع طريقـة=منجوم تاية عند مفـرق طرايـق
وعندي دليل يدل من جـف ريقـة=وشاور هل الحكمة ليا صرت رايق
الثوب ما يستـر ليـازاد ضيقـة=ما يستر اللباس وان صار ضايـق

ليلى بثر ليلـى وليلـى سبقتهـن=وساطي بثر ساطي وليلى عشقوها
وخوات ليلـى جنبـن وغلبتهـن=مع كثرهن مع جمعهن ما غلبوها
واعطن لها غصبن وهي ماعطتهن=وأهدن لها عمري مع اللي هدوها
ثم نادت لساطي وخيله جمعهـن=وعيا الصبح يطلع وعيني نسوها
واحلى البنات اللي عيوني لمحتهن=ساطي وليلـى اجرمـو وقتلوهـا

قـال الدليـل بنصـح منهـو يدلـه=اسمع وأطـع تجتنـب كـل منقـود
من طاعني محشوم عـن كـل زلـه=ولايطيعني كود الـذي يقـدر الكـود
نوب(ن)طريقي كـرة للنفـس علـه=ونوب(ن)طريقي صعب يحتاج لصمود
بـروس النشامىدولتـي مستقـلـه=واطيب رجال الكون صارو لي جنود
وعدوتـي نفس(ن)قـراري تمـلـه=نفس(ن)تحب الهون والصعب به فود
من طاعها بالنقص كل(ن) فطن لـه=ومن طاعني بالزود تلقى له شهـود
خيـرت مـن يختـار بنيـة محلـه=يسكن بقصر العـز اوبيـت مهـدود

قال منهو يشـوف وشـاف بالدنيـا عجـاب=ان ثبت لي خطـاي اكثـر الميـه مصيـب
واعترف في خطاي بعين من نفسه صـواب=واستدل براي عاقـل دلـة لـدرب صويـب
قيل قبلي مـن دليلـه بـوم دلـه للخـراب=وكل شخص(ن) مع قرينه وان تعيب يستعيب
وقلت منهو سبقنا ماتـرك شـي(ن) يجـاب=ويتبع الخطوة اصيل ينتمـي لصـل عريـب
لعن ابو وقت الحضاره شاب منه الراس شاب=من شبابي شفت شي(ن) عجل بوقت المشيب