ويش بنت ٍ كل ماهبت هبوب =عاتـيـه والا عـواصـف هـاديـه
ماتركها الشهم غالب ومغلوب =مــن قـديـم وفالسنـيـن التالـيـه

شفت رجال ٍ مع الناس حاضر مايغيب =لو تحـاول مسكتـه مامسكتـه فـي ايديـك
يجتمع ثم يتفـرق ولـه مشـي ٍ عجيـب =وإن بغيتـه مـا خذيتـه ولا يشّـره عليـك

ياويش رجال ٍ يدوّر لرجال = ومن بعدهم بنت ٍ نفت لتشابه
الياجمعت احروفهم سج بالحال = لاكن ماهي سجت ذهول وغرابه

ويش الاسير الي مع اثنين حراس = والياطلع من بينهم يفقد اسره
قصير عمره بينهم مامعه باس = ولاصار وسط الناس ياطول عمره

ياويش بنت ٍ دورها دوم فعال = كم واحد ٍ باسبابها جر ونه
خواتها اربع كل وحده بمنزال = والبنت في منزالها مستكنه
تقيم وقت وباقي الوقت ترحال = وخواتها مسهاجها يسهجنه

ياويش رجال ٍ وجوده مغره = كم واحد ٍ غره وهو ماجهل فيه
في ساعة ٍ فيها المنايا تجره = من قبل ياصل له نزح عن حراويه

رجل ٍ يعيش وقيمته في بطن بنت = ولولى بطن هالبنت ماينقلونه
مهمته معها اليا منك امعنت = والبنت تفقد فايدتها بدونه

اسالك عن بنت ٍ لها دور حساس = لاجيت تسالها عطتك الاجابه
تنزل له الانظار وينزّل الراس = وتعطيك توجيه ٍ دقيق الاصابه