الا ياسحاب في علو السما شفناه = تكون من المنشى في جو السما العالي
سحاب تراكم مثل روس الهضاب اعلاه = مناظر تسر ووصفها يذهل اذهالي
ليا دن رعاده وبرقه لمع فاقصاه = وهل الوبل من عالي المزن همالي
تسوقه رياح مسخرة دايما تقفاه = بقدرة حكيم تنقله شرق وشمالي
اخيله وانا شفي علينا يجي مسراه = وياخذ على وادي الفرع عدة ليلي
ديار العمور اهل الصفا والوفا والجاه = هل الجود والمعروف حماية التالي
مناخ الضيوف ومن لفا كرموا ملفاه = ووقفاتهم ماطالها كل خيالي
رجال تجود وواجب الجار ماتنساه = ومنه زبن تفديه بالحال والمالي
ترى اللي يدورالعرف يم الفرع يلقاه = رجال مجالسهم مدارس للاجيالي
يحصل رجل يفتل له العلم من مبداه= ويمشي ويلقى رجل للعقد حلالي
الا ياسعد من كان وادي الفرع مرباه= نشى بين ناس نارهم تشعل اشعالي
لعل الهبوب اللي لياجا المطر تبراه = تسوقه على دار للاجواد مدهالي
يالين النهر فالخيف يجري على مجراه = وترجع نخيله بعد قفت فالاقبالي
نخيل لها ماضي على الزين يامحلاه= نخيل سند لاصحابها فال واعقالي
ولاعاد مي النهر هداج في مسقاه = يعودون ناس روحوا عنه رحالي
ويحيون غرس الخيف ويعززون حماه = وتحيا بساتينه بدل وضعها الحالي
لوان الفرع مهما حصل مااختلف معناه = حضارة وطيبة ناس مضرب للامثالي