ملتقى قبيلة حرب الرسمي - مايتجاهل عـــــوف رجــــال الصفــــات

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - مايتجاهل عـــــوف رجــــال الصفــــات (http://www.m-harb.net/vb/showthread.php?t=145884)

اقتباس:

المشاركة الأصلية كتبت بواسطة فايزموسى البشري (المشاركة 1361083)

صح لسانك الله يعافيك ويستاهل المدح والثناء صاحب الفعل الطيب

صح بدنك و مشكور ع مرورك

اقتباس:

المشاركة الأصلية كتبت بواسطة داله العوفي (المشاركة 1361018)

هذه القصيدة قلتها بالشيخ/ عبد الرزاق بن منور اللهيبي العوفي الحربي . لماشاهدته له من افعال مع ابناء قبيلة حرب ... و كذلك مواقفه النبيلة في المساهمة في عتق الارقاب و التي كان آخرها قضية/

خالد بن هزاع العلوي الحربي و الاخ/عوض بن عيد الحويفي .. و كذلك قضايا كثيرة قام بها الشيخ ابو خالد و من ضمنها قضية الاخ الجابري الذي قتل زميله العنر بحفر الباطن وتنازل والده/عنبر العنبر عن القاتل
وقاموا حرب بقيادة الشيخ/ عبدالرزاق اللهيبي بجمع مبلغ مليون ومائة الف وشراء منزل لوالد القتيل.

وهذا الرجل من الرجال الذين تفتخر فيهم القبيلة . قد ثارت قريحتي بهذه الابيات:

ياللهيبي يازبون المعجزات =ياعسى عمرك على الدنيا طويل
مابذلت الجهد لـ جل الشايعات= والله انك مجد جيل بعد جيل
ياولد منور تشيل الكايدات=ماقفك مشهود بالحمل الثقيل
الفعول موثقه ماهي فوات= بالقبيلة كلها راعي جميل
يشكرونك حرب من كل الجهات= مقدم القالات بالاسم الجليل
كانها بالمال دون مساومات= ترصد المطلوب ويذل البخيل
يابو خالد .. راعي الفعل الثبات= مايهمش وانت ساس من الدليل
بارك الله باليدين الطايلات=ماتمد إلا الجزيل من الجزيل
مايتجاهل عوف رجال الصفات= يستحي و يعد وافين الحصيل
يوم سمعوا عوف بالقصة وجات=سبعة عشر مليون ساقوا للوكيل
الوفاء في حرب من نوع الصلات=من وفاهم حرب حلوا مستحيل
عند مسعد عن سعيد مميزات= مثل فرق اللي ذكر ماطر و سيل

وانعم واكرم بعوف وبحرب كلها

ويستاهل اللهيبي المدح له مواقف تشرف ربعه والقبيلة كلها
ومثله يستحق المدح والثنا بيض الله وجهه
وجزاه الله خير عن كل ماقام فيه ويقوم به من اعمال تسجل له
بسجل الشرف
صح السانك لاهنت
يا ابن العم

صح السااانك
ياداله العوفي
ابدعت بالقصيده
وبرجل يستاهل المدح ومشهود له بالعلم الغانم
لاهنت يالغالي

اقتباس:

المشاركة الأصلية كتبت بواسطة فايزموسى البشري (المشاركة 1361083)

صح لسانك الله يعافيك ويستاهل المدح والثناء صاحب الفعل الطيب

صح بدنك يابو موسى و مشكور على مرورك

أهل الخير والمكرمات

يستاهلون كل المديح

وتدل عليهم شمائلهم

صح لسان الشاعر داله
سلمت يمين حميدان العوفي على هذا النقل بهذه الدرة
التي توضح مواقف الرجال الطيبة مثل الأخ عبدالرزاق بن منور
ولا هو غريب على أبو خالد حسب ما ذكروا الرجال عنه من الفعول الطيبة و المواقف الجبارة
هنيئا لعوف بهذا الفعل الطيب الشهير و الموقف الجبار و لا يستغرب على قبيلة عوف هذا الموقف
يقول المثل من حصل على شيء يستاهله
الشكر موصول لقبيلة حرب عموما
و لا يستغرب عليهم المواقف الطيبة
أخيرا أشكر أخوي حميدان العوفي على الإهتمام بهذه القصيدة و نشرها بالمنتدى
تقبل تحياتي أبو ناصر يحفظك الله

صح لسانك ياداله وبيض الله وجهك