البقا واهل الوفا حصن الردي دايم تدكه = وانت راع الطيب يافواز ماضيعت سيده
البعير اللي عليه الشبك ماحدن فك شبكه = كل مايرغي يبى المخراج عله بُغض كيده

الطيبة ماجات لرجًال ورثٍ وسط صكه=يتعب لها الرجال لاكن مايورثها حفيده

البعير ان كان مايهدر عسى بقعى تصكه=لارغى من دون حمل الحمل لاشاله يزيده

جلد ماهو لك لايزعلك فوق الشوك حكه = وانتبه من غيرك لجلدك نهار يكون صيده
والمخاطر دربها لاتسلكه وتجيك ربكه = ثم تمسي ماتعرف اخوك من ومن وليده

ياعميل الخير زيد البني لاتنقض بلكه=مثل ماقالو نبيها تستوي جملة مفيده
أسلك ادروب الشجاعه واتوجه يم مكه=يوم بعض الناس ناسي موته اقرب من وريده