يالجابري تستاهل المدح لوزاد= لأن المديح يجيك وانته محلّه
2-وتستاهل المنصب على كل قياد =ناس مناصبهم عليهم مذله
3-ياراعي الفزعه ونظرات الابعاد=لك شوفتن فوق الجبال المطلّه
4-جيتك وانا نفسي مع الضيق تنقاد= من شان ظلم جابني دون أدلّه
5-من غير سابق معرفة يابن الاجواد= شرحتلك وضعي وشرواك حلّه
6-ارفعلك البيضاء مع آلاد عباد=ليا دار بين مطير فنجان دلّه
7-نعم يابو حـــاتــم فهد عرب الأجداد=اسمك يشرف حرب في كل حلّه
8-واجب علي أذكرك ياراع الأمجاد= واذكر بني سالم ومسروح كلّه
9-ربعك مطوعت الصعايب والاضداد= تاريخهم يشهدلهم في سجلّـــه
10-قصة نويشي بين راوي وقصّاد= بياض وجهن في خويّه وصــلّه
11-وانتم لفعل الطيب ياحرب روّاد= يصعب على من فالصحف يستهله
12-ولاهي غريبة والوفاء بيننا ساد= مطيري نخى حربي على موقفلّه
13-هذا وصلى الله على خير الاسياد= نبينا الهادي على خير ملــــــــه