ملتقى قبيلة حرب الرسمي - جيت متشبّع حزن

السلام عليكم ..

خير مافي ذكر الميت انّه اذا ذكر دعا له الجميع , فلهذا السبب اتمنى ذكر ابو خالد في كل وقت لأجل الدعاء له .. اللهم ارحم اخي عبدالله وادخله جنتك واجعل منزله في عليين.. اللهم آمين.

وليسمح لي الجميع بالرد على الجميع مره واحده وذلك لتأخري وكثرة الردود ..

رابح الجحدلي:

اللهم يارب العالمين ياسامع الدعاء اسألك ان تتقبل دعاء رابح الجحدلي لأخي عبدالله
فهو يطلب كريم لفقير , وقوي لضعيف بحاجتك وبين يديك فاستجب له يارب.

العطيب:
الله يجبر مصاب الجميع ويغفر لـ ابو خالد ويرحمه.

مساعد الجليدي:
الله يعظم اجرنا واجرك, ويقبل دعائك هو السميع البصير القادر لا اله الا هو وإنا اليه راجعون .

حمود الحنيني :

مصابنا واحد والله يجبر عزانا وياك يابو محمد .. وهذا درب ممشي.
والله يتقبل دعائك والله يصلح ذريته , وانا لله وانا اليه راجعون .

غازي الزغيبي:

الله يحسن عزا الجميع , والله يغفر لبو خالد ويرحمه , وانت تدري بمعزتك وغلاك عند ابو خالد الله يرحمه .
وما ينبكي الا على غالي.
( يابو طلال الصدر للضيق مدهال=من يوم ابو خالد طوى الموت قيده
ومالـوم عينك فيه لو دمعها سال = عـز الله انـك فـاقـدٍ لك فقـيده)

سعوديه :
اللهم آمين ..
و والله اني ادري ان ابو خالد مصابه على الجميع , لكن مصيبته علي كبيره.
الله يتقبله عنده قبولآ حسنآ.

ابو عزام :
وش اقول يابو عزام وانا اللي من شفت حروفك , صرت كن ابو خالد ميتٍ اليوم.
و والله اني من شان ابو خالد ماني معترف برباطة الجأش , وان كل دمعه تنزل على شانه ان لها طعم .
الله يرحمه رحمة واسعه .

( لاتلومني ياخوي من شان اخويه = ولا يزعجَكْ دمعي ولَا نبرة بكاي
ابكيــه كن الـدمع لـلصـدر مـــويـه = لا سال طفّا لاهب الشوق جوّاي)

محمد عبدالله البدراني :
اللهم آمين ..
وافي يابو عبدالله وصح بدنك .

ابو فياض النويمي:
الله يتقبل منك ياغالي..
وهذي اقل بوح اقدمه لرحيل ابو خالد .

الجرح :
الله يجبر مصابنا ومصابك ياغالي .

مالنا غير الصبر
كلنا نفس الطريق
نمشي لدرب القبر
بلا حبيب ولا صديق

.